Ex 4:18 - Chuj San Mateo Bible

¹⁸ Ix meltzaj vin̈aj Moisés d'a spat vin̈ sn̈i', aton vin̈aj Jetro, ix yalan vin̈: —Ol in meltzaj d'a Egipto yic sb'at vilan eb' ayto vuj in b'a yed'oc, yic svila' tato pitzanto eb', xchi vin̈. —Ixic, tzil val a b'a d'a yoltac b'e, xchi vin̈aj Jetro chi'.

Chuj San Sebastian Bible

¹⁸ Ax yic 'ix c'ochx Moisés 'a yatut sn̈i', atn win Jetro, 'ix yaln 'a win 'ixtic: —Yowlal 'oj in meltzj 'a Egipto, to 'oj 'at wil eb' wit chon̈ab'. 'Oj 'at wila', toto pitzn to eb', xchi Moisés. —'Ixc 'an, tzel a b'a 'a yol b'e, xchi sn̈i chi 'a 'a.

Ex 4:18 ပူးပေါင်းရင်းမြစ်များ

Gn 45:3

Ix yalan vin̈aj José chi' d'a eb' vin̈ yuc'tac chi' icha tic: —A in ton tic José in, cuc'tac co b'a. ¿Yel am val to pitzanto vin̈ co mam chi'? xchi vin̈. Ix te xiv chaan̈ eb' yuc'tac vin̈ chi' d'a yichan̈. Majxo yal-laj slolon eb' vin̈ yuj xivelal.

A Ch'an̈ Schab'il Libro Yic Yab'ixal Eb' Rey 5:10

Ix schecanb'at vin̈ schecab' vin̈aj Eliseo chi' yal d'a vin̈aj Naamán chi' icha tic: Ixic, b'at b'iquel uqueloc a b'a d'a a' Jordán, icha chi' ol aj yel yab'il lepra chi' d'a a nivanil chi', xchi vin̈aj Eliseo chi'.

A Ch'an̈ Schab'il Libro Yic Yab'ixal Eb' Rey 5:19

Ix tac'vi vin̈aj Eliseo chi': —Man̈ ac' pensar, ixic, xchi vin̈. Ix b'at vin̈aj Naamán chi'. Palta quenanto sb'at vin̈,

Ex 2:21

Icha chi' ix aj sc'ochcan vin̈aj Moisés d'a spat vin̈aj Jetro chi'. Ayic ix ec'b'at jab'oc tiempo, ix yac'an jun yisil vin̈ yetb'eyumoc vin̈aj Moisés chi', aton ix Séfora.

Ex 3:1

A vin̈aj Moisés chi' tan̈voj calnel ix yac' vin̈ yuj vin̈ sn̈i', aton vin̈aj Jetro, sacerdote d'a eb' aj Madián. Ay jun c'u ix b'at vin̈aj Moisés chi' tan̈voj calnel, ix c'axpajec' vin̈ d'a tz'inan luum masanto ix c'och vin̈ d'a yich jun lum vitz scuchan Horeb aton d'a jun lum vitz chi' b'aj ix sch'ox sb'a Dios d'a vin̈.

Lc 7:50

Axo Jesús ix alan d'a ix: —Ach colchaji yujto in ac'och d'a a c'ool. Yuj chi' junc'olal tzach paxi, xchi d'a ix.

A Tas Sc'ulejnac Eb' Schecab' Jesús Hechos 15:36

Axo ix ec'b'at jayexo semana, ix yalan vin̈aj Pablo d'a vin̈aj Bernabé chi': —Con̈, b'at quil eb' creyente d'a junjun chon̈ab' b'ajtac ec'nac on̈ calel slolonel Cajal Jesús. B'at quilxi eb', tato an̈eja' tec'an eb', xchi vin̈.

A Tas Sc'ulejnac Eb' Schecab' Jesús Hechos 16:36

Yuj chi' ix yal vin̈ d'a vin̈aj Pablo chi': —Ix in cha jun órden yuj eb' vin̈ juez chi', tob' tzex vaq'uel d'a libre. Yuj chi' ixiquec. Paxan̈ec d'a tzalajc'olal, xchi vin̈ d'a eb' vin̈.

1 Ti 6:1

An̈ejtona' svalanb'at d'ayach yuj eb' creyente ay spatrón. Ayocab' yelc'och spatrón eb' chi' d'ay, yic man̈ ol b'uchjoc Dios yuj sb'eyb'al eb'. Yed' juntzan̈ c'ayb'ub'al b'aj scac'och co pensar, man̈ ol b'uchjoc pax yuj eb'.

Jueces 18:6

Ix yalan vin̈ d'a eb': —Junc'olal tzex b'ati, yujto scha sc'ol Jehová tas van e c'ulan tic, xchi vin̈ d'a eb'.

A Ch'an̈ B'ab'el Libro Samuel 1:17

Ix yalan vin̈aj Elí chi' d'a ix: —Paxan̈ d'a junc'olal, aocab' Jehová co Diosal a on̈ israel on̈ tic ol ac'an d'ayach tas ix a c'an chi' d'ay, xchi vin̈.