Ex 30:4 - Chuj San Mateo Bible

⁴ A d'a yalan̈ stitac chi', ata' tz'och chab'chab'oc argolla nab'a oro d'a schab'il pac'an̈. A d'a yool chi' tz'ec' te' sb'achlab'il yic syal sb'achchaji.

Chuj San Sebastian Bible

⁴ Tza'n 'ajxoc 'och chab' q'uen argoya 'a yaln̈ te yelwnub'l sti cha, chab' 'a junjn spac'b'il, yujto a 'a yojl eb' q'uen 'oj 'ec' te scan̈nub'al cha, sec wach' sb'achx b'eyoc.

Ex 30:4 ပူးပေါင်းရင်းမြစ်များ

Ex 25:12

Sb'opax chan̈eoc q'uen argolla nab'a oro, tz'och d'a yoc schan̈il, chab' d'a junjun pac'an̈.

Ex 25:14

Tz'ecchajec' te' d'a yol juntzan̈ q'uen argolla tz'och d'a spac'ultac te' caxa chi', aton yed' juntzan̈ te' chi' syal sb'achjiq'ue te' caxa chi'.

Ex 25:27

A d'a slac'anil b'aj ayem stitac chi', ata' tz'och juntzan̈ q'uen argolla chi'. A d'a yol q'uen argolla chi' tz'ec' sb'achlab'il te', yic syal yic'chajb'at te' mexa chi'.

Ex 26:29

Slajvi chi', tz'och q'uen oro d'a spatictac te' marco chi', tz'ochpax q'uen argolla nab'a oro b'aj tz'ec' te' regla chi'. Tz'ochpax q'uen oro d'a te' regla chi'.

Ex 27:4

Sb'opax junoc q'uen malla nab'a bronce, tz'ochpax junjun argolla bronce d'a junjun yesquinail q'ueen.

Ex 27:7

A te' sb'achlab'il chi', yovalil tz'ec' te' d'a yol q'uen argolla ayoch d'a schab'il pac'an̈ yic vach' sb'achjib'ati.

Ex 30:3

Tz'och q'uen oro yelxo val vach' d'a altar chi': D'a yib'an̈ yed' d'a spatictac schan̈il pac'an̈ yed' d'a sch'aac chi', sq'uepax tzalan q'uen oro chi' d'a yib'an̈ stitac.

Ex 30:5

A te' b'achlab' chi', a te' acacia tz'ochi, tz'och q'uen oro d'a spatic te'.