Ex 23:5 - Chuj San Mateo Bible

⁵ Yovalil tzex colvaj d'a mach schichonoch sc'ol d'ayex. Tato tzeyila' to stelvi noc' sb'uru d'a yalan̈ yicatz, tzeyic'q'ue vaan noc' yed'oc.

Chuj San Sebastian Bible

⁵ Yowlal tzex colwj 'a eb' tzchichn 'och 'ayex. Q'uinloc tzeyil stelw sb'uru junc eb' 'a yaln̈ yicatz, yowlal tzex colwj eyi'n chan̈ no yet'oc.

Ex 23:5 ပူးပေါင်းရင်းမြစ်များ

Pr 25:21

Tato ay svejel eb' ayoch ajc'olal d'ayex, aq'uec va eb', ta ay staquin̈tial eb', aq'uec a' yuq'uej eb'.

Dt 22:1

Tato ay junoc ex tzeyil satcan noc' svacax, ma scalnel junoc eb' eyetchon̈ab', man̈ ton̈ejoc tzeyilcan noc', palta to tzeyic'cot noc' d'a jun eyetchon̈ab' chi'.

Dt 22:4

Tato ay junoc ex tzeyil stelvi noc' sb'uru, ma noc' svacax junoc eyetchon̈ab' d'a yoltac b'e, mocab' ton̈ejoc tzeyiloch eb', palta to tzex och yed' eb' eyic'anq'ue vaan noc'.