Ex 22:16 - Chuj San Mateo Bible

¹⁶ Q'uinaloc ay junoc vinac tz'ac'an musansatil junoc ix cob'es mantalaj b'aj ay strato, svay vin̈ yed' ix, yovalil syac' q'uen tumin vin̈ yic stojoloc ix d'a smam ix, ichataxon b'eyb'al. Yovalil syic' ix vin̈.

Chuj San Sebastian Bible

¹⁶ Q'uinloc 'ay junc winc tzcomn yamn cot junc 'ix cob's 'ix, mant 'aj 'ay strato 'ix yet' junc xo winac yic tznupni, tzyecn pural win 'ix smuln yet'oc. Toto 'ixta', yowlal tzyac' win q'uen tumn yic 'ijb'a 'a smam snun 'ix, 'icha xon b'eyb'al, tzlajw cha, tzyi'n can sb'a win yet' 'ix.

Ex 22:16 ပူးပေါင်းရင်းမြစ်များ

Ex 22:15

Palta tato q'uelanoch vin̈ yajal noc' chi' scham noc', max stuplaj noc' vin̈ smajnan noc' chi', yujto strato eb' yaji, an̈ej smajananub'al noc' syac' vin̈.

Pr 30:19

A tas tz'aj yec' jen̈en̈oc noc' ch'acb'a d'a satchaan̈, a tas tz'aj yec' b'ac'ac'oc noc' chan d'a sat q'uen tenam, a tas tz'aj sb'ey te' barco d'a yib'an̈ a' mar yed' pax tas tz'aj smontan sb'a vin̈ vinac yed' ix ix.

Mt 1:18

Icha tic ix aj yalji Jesucristo. A vin̈aj José ayxo strato vin̈ yed' ix María. Palta ton̈ejanto ay strato eb', manto yic'laj sb'a eb'. Palta axo ix María chi', ayxo unin yed'nac ix, yujto a Yespíritu Dios ix ac'an scuchoch jun unin chi' ix.