Ex 19:8 - Chuj San Mateo Bible

⁸ Masanil eb' israel ix tac'vi icha tic: —Masanil tas schec Jehová co c'ulej, ol co c'ulejn̈ej, xchi eb'. Ix lajvi chi', ix b'at yalanxi vin̈aj Moisés d'a Jehová tas ix yal eb' chon̈ab' chi'.

Chuj San Sebastian Bible

⁸ 'Ix ta'w eb' smasnil 'ixtic: —A smasnil tas tzyac' Jehová qui b'o', 'oj qui b'o 'on̈, xchi eb'. Xlajw cha, 'ix 'atx Moisés yal 'a Jehová yuj tas xyal eb' chon̈b' cha.

Ex 19:8 ပူးပေါင်းရင်းမြစ်များ

Nehemías 10:29

A eb' tic ix smolb'ej sb'a eb' yed' eb' sc'ab'yoc yed' pax eb' yajal, ix yac'an sti' eb' to ol sb'eyb'alej schecnab'il Dios eb', aton alb'ilcan yuj vin̈aj Moisés schecab' Dios chi'. Ix yalan eb' to ol sc'anab'ajej val schecnab'il yed' sc'ayb'ub'al Jehová Cajalil eb'.

Ex 20:19

Yuj chi' ix yal eb' d'a vin̈aj Moisés: —A ach tzach lolon d'ayon̈. Ol co c'anab'ajan tas ol yal Jehová Dios chi' d'ayach. Mocxob' lolon d'ayon̈, tato maay, ol on̈ chamoc, xchi eb' anima chi'.

Ex 24:3

Ix lajvi chi', ix emixta vin̈aj Moisés chi', ix yalan vin̈ d'a eb' anima tas leyal ix yac' Jehová yed' tas ix yutej yalani. Axo masanil eb' anima chi', junn̈ej ix aj stac'vi eb'. —Masanil tas ix yal Jehová chi', ol co c'anab'ajej, xchi eb'.

Ex 24:7

Ix yic'anq'ue vin̈ b'aj tz'ib'ab'il strato Dios, ix yavtan vin̈ d'a scal eb' chon̈ab'. Ix lajvi yavtan vin̈, ix yalan eb' chon̈ab' chi' icha tic: —Masanil tas syal Jehová, ol co c'anab'ajej, xchi eb'.

Ex 4:31

Yuj chi', ix yac'och eb' d'a sc'ool tas ix yal eb' vin̈. Ayic ix yab'an eb' to ix iljicot eb' yuj Jehová, yujto te ilb'ajc'ol tz'utaj eb', yuj chi' ix em n̈ojan eb' ejmelal d'a yichan̈ Jehová.

Josué 24:21

Ix tac'vi masanil eb' anima chi' icha tic: —Man̈ ol caq'uemlaj co b'a d'a juntzan̈ chi', an̈ej d'a Jehová ol caq'uem co b'a, xchi eb'.

Josué 24:24

Ix tac'vi eb' icha tic: —A on̈ tic yed' val smasanil co c'ool scalani to a d'a Jehová co Diosal ol caq'uem co b'a, ol co c'anab'ajan masanil tas syala', xchi eb'.