Ex 18:23 - Chuj San Mateo Bible

²³ Tato tza c'anab'ajej a c'ulan jun tic, tato schapax sc'ol Dios to icha chi' ol ajoc, icha chi' ol aj stechaj uuj. An̈ejtona' eb' anima tic ol meltzaj eb' d'a tzalajc'olal d'a yed'tal junjun, xchi vin̈aj Jetro chi'.

Chuj San Sebastian Bible

²³ Toto tza yiclj a b'on jun tic, tzyaln pax sc'ojl Dios to 'ixta tz'aji, to 'ixta', 'oj techjoc o'oj, an̈jtona eb' 'anma tic, 'oj meltzjoc eb' 'a tzaljc'ojlal 'a yet'ul, xchi Jetro cha.

Ex 18:23 ပူးပေါင်းရင်းမြစ်များ

Gn 18:33

Axo ix lajvi slolon eb' chi', ix b'at Jehová, ix smeltzajcan vin̈aj Abraham chi' d'a smantiado.

Gn 30:25

Ayic toxo ix alji vin̈aj José, ix yalan vin̈aj Jacob d'a vin̈aj Labán icha tic: —A ticnaic, cha in pax d'a in chon̈ab'.

A Ch'an̈ Schab'l Libro Samuel 18:3

Ix tac'vi eb' vin̈: —Maay mamin rey, max yal-laj a b'ati, yujto a eb' ajc'ol chi' a ach tzach sayec' eb', a on̈ pax tic ta tzon̈ colchaji, ma tzon̈ cham nan̈aloc yuj eb', malaj quelc'ochi, palta a ach tic ec'b'al snivanil elc'och d'a yichan̈ 10 miloc on̈ a on̈ tic. Yuj chi' vach' tzach can d'a yol chon̈ab' tic. Tato ay b'aj ijan tzon̈ ac'ji ganar, b'at on̈ a colo', xchi eb' vin̈.

A Ch'an̈ Schab'l Libro Samuel 19:39

Masanil eb' ajun yed' vin̈ rey chi', ix c'axpajec'ta eb' d'a yol a' Jordán, ix c'axpajpaxec' vin̈ rey chi', ix stz'ub'ancanelta sti' vin̈aj Barzilai chi' vin̈, ix yalan vach' lolonel vin̈ d'a yib'an̈ vin̈, ix paxcan vin̈ d'a spat.

A Ch'an̈ Schab'l Libro Samuel 21:17

Axo vin̈aj Abisai yune' ix Sarvia ix colan vin̈aj rey David chi'. Ix smilancham jun vin̈ filisteo chi' vin̈, yuj chi' ix yac' sti' eb' soldado d'a vin̈aj David chi' icha tic: Man̈xo ol ach co chab'at qued' d'a oval, yic vach' max ach chami, yujto a ach ayachoch yipoc co c'ol a on̈ israel on̈ tic, xchi eb'.

Ex 16:29

Naec val sic'lab'il, a in Jehová in svala' to yovalil tze c'anab'ajej sc'ual ic'oj ip. Yuj chi' a d'a svaquil c'ual, svac' vael d'a chab' c'ual, yuj chi' a d'a jun c'ual chi', vach'n̈ej eyajec' d'a yol b'ajtac ayex, malaj mach sb'at munlajel, xchi d'a vin̈.

Ex 18:18

Tzach te c'unb'i, ste c'unb'ipax eb' anima tic. Yelxo tz'ec' yib'an̈ a munlaji, an̈ejtona' man̈ ol ach tzac'vanpaxlaj a ch'ocoj.

Ex 18:22

A eb' vin̈ tic ol b'oan yaj yoval eb' anima. Tato quenn̈ej yaj yoval anima chi', sb'o'ocab' yaj eb' vin̈. Tato nivan yaj jun, yic'ocab'cot eb' d'a ichan̈. Tato icha chi' ol utej, ol colvaj jab'oc eb' yic'anel jun munlajel tic d'a ib'an̈.

Ex 18:24

Ix sc'anab'ajan vin̈aj Moisés tas ix yal vin̈ sn̈i' chi'.

A Tas Sc'ulejnac Eb' Schecab' Jesús Hechos 15:2

Axo vin̈aj Pablo yed' vin̈aj Bernabé, ix stelaj sb'a eb' vin̈ yed' eb' vin̈, palta maj b'olaj yaj yuj eb' vin̈. Yuj chi' ix yal eb' creyente to sb'at eb' vin̈ chavan̈ chi' d'a Jerusalén. Sb'atpax juntzan̈xo eb' creyente yed' eb' vin̈. Ix b'at eb' sc'anb'ej razón d'a eb' vin̈ schecab' Jesús yed' d'a eb' vin̈ anciano d'a jun iglesia chi'.

Gl 2:2

B'at in ta', yujto sch'ox Dios d'ayin to yovalil tzin b'ati. Ayic in c'och ta', a eb' scuchb'an eb' creyente, smolb'ej sb'a eb' ved'oc. Ata' val d'a eb' sch'ocoj chajtil yaj jun vach' ab'ix yic colnab'il svalel d'a scal eb' man̈ israeloc chi'. Icha chi' vutej in b'a, talaj nab'an̈ej vixtej in b'a in munlaji.

A Ch'an̈ B'ab'el Libro Samuel 8:22

Ix tac'vi Jehová chi' d'a vin̈ icha tic: —C'anab'ajej tas syal eb' chi', ac'och junoc sreyal eb', xchi d'a vin̈. Ix lajvi chi', ix yalan vin̈ d'a eb': Meltzajan̈ec d'a e chon̈ab' b'ela, xchi vin̈.