Ex 16:32 - Chuj San Mateo Bible

³² Ix lajvi chi', ix yalan vin̈aj Moisés: —Ix yal Jehová d'ayin icha tic: Siq'uecb'at junoc echlab' maná, yic ol yil eb' eyuninal d'a b'aq'uin̈. Ol yil e vael eb' ix vac' e va d'a lum tz'inan luum tic, ayic ix ex vic'anelta d'a Egipto, xchi Jehová, xchi vin̈aj Moisés chi'.

Chuj San Sebastian Bible

³² Xlajw cha, xyaln Moisés 'ixtc 'a eb' israel cha: —'Ix yal Jehová 'ayn 'ixtic: Molc can junc 'echtab' e maná, sec 'oj yil eb' eyin̈tl b'aq'uin̈, yic wach' 'oj yil eb' tas 'ix 'ajx e c'ux 'a cusltac lum tic, yic ex wi'n 'elt 'a Egipto, xchi Dios 'ayin, xchi Moisés.

Ex 16:32 ပူးပေါင်းရင်းမြစ်များ

Salmos 105:5

A on̈ yin̈til on̈ vin̈aj Jacob yixchiquin vin̈aj Abraham schecab' Jehová, sic'b'il on̈ el yuj Jehová. Co naeccot tas satub'tac ix sc'ulej co Diosal yed' juntzan̈ sley ix yalcani.

Ex 16:16

Aton jun checnab'il ix yac' tic: Syal e molanchaan̈ d'a junjun c'u, icha jantac tz'och eyuj yuj jayvan̈ ex d'a yol e pat. Iq'uecq'ue junjunoc echlab' yic junjun anima, xchi vin̈.

Ex 16:31

Maná ix yac' eb' israel scuch juntzan̈ vael ix smol chi'. Sacsac yilji icha val sat an̈ culantro. Te chi' svaji, icha ixim c'oxox pan ayoch yalchab' d'ay.

Ex 16:33

Yuj chi', ix yalan vin̈ d'a vin̈aj Aarón: —Ic'cot junoc chen, tzac'anem junoc echlab' maná d'a yool icha yalan Jehová. Slajvi chi', tza sic'ancanb'at d'a yichan̈ Jehová chi', yic vach' ol yil eb' quin̈tilal, xchi vin̈.

Jeremías 7:23

A tas in b'ab'laj alejnac d'a eb' to tzin sc'anab'ajej eb'. Tato icha chi', a in ton tzin och sDiosaloc eb', axo eb' tz'ochcan in chon̈ab'oc. Valannac to sc'anab'ajej eb' icha val tas ix vala', yic vach'n̈ej tz'elc'och eb'.

Os 11:4

Ix in quetzcot Efraín chi' yujto xajan vuuj, icha tz'aj squetzchaj junoc noc' vacax. Lajan svutej icha junoc mach tz'ic'anel yugo d'a noc' vacax, vach' tz'aj yac'an svael. Icha chi' ix vutej in b'a d'a eb'.

Lc 22:19

Ix lajvi chi', ix yic'anq'ue van jun ixim pan. Ix yac'an yuj diosal d'a Dios yuj ixim. Ix xepanb'at ixim d'a eb' vin̈. Ix yalani: —A jun tic, aton in nivanil tic ol ac'joc eyuuj. Vaec ixim. Tze c'ulejn̈ej jun tic, yic tzin e naancoti, xchi d'a eb' vin̈.

A Ch'an̈ Carta D'a Eb' Hebreo 2:1

Yuj chi' yovalil scac'och co pensar d'a juntzan̈ c'ayb'ub'al ix cab'i, tato maay, jab'jab'il ol on̈ satcaneloc.

A Ch'an̈ Carta D'a Eb' Hebreo 9:4

Ata' ay jun q'uen chaynub' nab'a oro b'aj sn̈usji incienso. Ata' ay pax scaxail strato Dios, aton jun nab'a oro spatic. Axo d'a yool, a jun chen nab'a oro ayemi, ayem maná d'a yool. Axo d'a stz'ey jun chen chi' ayem te' sc'ococh vin̈aj Aarón, aton jun te' volannac. Ay paxem juntzan̈ q'uen b'aj tz'ib'ab'ilcan jun strato Dios.