Ex 10:12 - Chuj San Mateo Bible

¹² Ix yalanxi Jehová d'a vin̈aj Moisés chi': —Ic'chaan̈ a c'ab' d'a yib'an̈ chon̈ab' Egipto tic, yic sjavi noc' c'ulub' ul sc'uxb'at masanil tastac ixto can yuj q'uen sacb'at chi', xchi.

Chuj San Sebastian Bible

¹² Palta 'ix yaln pax Jehová 'ixtc 'a Moisés cha: —'A't a c'ab' 'a yib'n̈ lum Egipto tic, sec 'oj jawc no c'ulub', ax wul swach' c'uxnc no smasnil tas 'ix can yuj q'uen sacb'at, xchi.

Ex 10:12 ပူးပေါင်းရင်းမြစ်များ

Salmos 105:34

Ix yalanxi Dios, ix c'och noc' c'ulub'. Man̈xo jantacoc noc' ix c'ochi.

Ex 10:15

Ix te majel sat lum yuj noc'. Man̈xo chequeloc jab'oc luum. A jantacto tas ix can yuj q'uen sacb'at, ix lajviel yuj noc'. Man̈xa jab'oc tas yaax yilji ix can yuj noc' d'a yol yic Egipto chi', man̈xa pax sat te te' yed' schontac te'. Pilan ix lajviel smasanil, axon̈ej ste'al ix cani.

Ex 7:19

—Tzalpax d'a vin̈aj Aarón to syac'b'at te' sc'ococh vin̈ d'a yib'an̈tac sjaj a a' d'a Egipto tic: D'a yib'an̈ a' cotac yed' a' nivac melem yed' d'a yib'an̈ a' n̈ajab' ton̈ej molan. Masanil a a' ay d'a yol yic Egipto tic ol laj och a' chic'al yed' masanil a' ayem d'a yol yed'tal yed' d'a yoltac jucub', xchi Jehová.

Ex 9:32

Axo pax ixim trigo yed' ixim centeno, malaj tas ix ic'an ixim, yujto tzac'anxo tz'elul ixim.

Apoc 9:3

Axo d'a scal jun tab' chi', ix elta noc' c'ulub'. A noc' chi' man̈xo b'ischajb'enoc noc'. Ix laj pucaxb'at noc' d'a yolyib'an̈q'uinal tic, ix ac'ji spoder noc' schivaj icha schivaj noc' sinaan.