Ex 1:17 - Chuj San Mateo Bible

¹⁷ Palta a eb' ix vetz'vajum chi', xiv eb' ix d'a Dios. Maj sc'anab'ajejlaj eb' ix icha ix yal vin̈ rey chi', ton̈ej syiloch eb' ix ayic tz'alji eb' vinac unin chi'.

Chuj San Sebastian Bible

¹⁷ Palta ax eb' 'ix wetz'wjum cha, caw wal 'ay xiwc'ojlal eb' 'ix 'a Dios, yuj cha, ma'ix syiclj eb' 'ix 'icha xyutj win sreyl Egipto chi yalni, ton̈j tzyil eb' yic tz'alj eb' winc 'unn cha.

Ex 1:17 ပူးပေါင်းရင်းမြစ်များ

Gn 20:11

Ix tac'vi vin̈aj Abraham chi' d'a vin̈: —A in naani to a d'a jun lugar tic malaj mach xiv d'a Dios. Q'uinaloc ay mach tzin mac'ancham yuj ix vetb'eyum tic in naani.

A Ch'an̈ Schab'l Libro Samuel 24:4

Palta ix yac'xon̈ejoch vin̈ rey chi' d'a yib'an̈ vin̈aj Joab yed' eb' yajalil eb' soldado to yovalil tz'ic'jiq'ue vaan sb'isul eb' anima chi'. Yuj chi' ix elta eb' d'a yichan̈ vin̈ rey chi', ix sc'anab'ajan eb' sb'at b'aj ix alchaj chi'.

Nehemías 5:15

Palta a eb' yajal ec'nac ayic manto in ochi, icha icatz yaj eb' d'a eb' anima. Junjun c'u sc'ananel 40 siclo q'uen plata eb' yuj tas sva'a yed' yuj vino syuq'uej. An̈ejtona' tz'ixtaj eb' chon̈ab' yuj eb' schecab' eb'. Palta a inxo tic, man̈ ichoc ta' ix vutej in b'a, yujto te nivan yelc'och Dios d'a in sat.

Ester 3:3

Axo juntzan̈xo eb' vin̈ yajal chi', ix sc'anb'an eb' vin̈ d'a vin̈aj Mardoqueo chi' tas yuj max sc'anab'ajej jun checnab'il chi' vin̈.

Salmos 31:19

Yel ton val nivan a vach'c'olal tzac' d'a eb' tzach ic'anchaan̈. D'a yichan̈ eb' anima tzac' a vach'ilal d'a eb' tzach ac'anoch yipoc sc'ool.

Ex 1:18

Ayic ix yab'an jun chi' vin̈ rey, ix avtaj eb' ix yuj vin̈, ix yalan vin̈ d'a eb' ix: —¿Tas yuj ton̈ej tzeyiloch juntzan̈ vinac unin tz'alji chi'? xchi vin̈ d'a eb' ix. Yuj chi' ix yalan eb' ix:

Ex 1:21

Yujto ay yelc'och Dios d'a yol sat eb' ix vetz'vajum chi', yuj chi' ix yac' svach'c'olal Dios chi' d'a yib'an̈ eb' ix.

Pr 16:6

Tato sco xajanej eb' quetanimail, tato sco c'anab'ajej tas scala', tz'ac'ji nivanc'olal co mul. Tato ay yelc'och Jehová d'ayon̈, squiq'uel co b'a d'a scal chucal.

Pr 8:13

Tato ay yelc'och Jehová d'ayon̈, sco chaccanel chucal. Tato jelan on̈, max yal-laj quic'anchaan̈ co b'a. Max co nib'ejochlaj chuc b'eyb'al yed' es.

Ec 12:13

Icha tic tz'aj slajvican juntzan̈ lolonel tic. Ix alchajcan smasanil. Ayocab' yelc'och Dios d'ayon̈, co c'anab'ajejec masanil schecnab'il, yujto a jun chi' yovalil sco c'ulej.

Ec 8:12

Vach'chom syalcan jun lolonel icha tic: A eb' sc'ulan vach'il ay yelc'och Dios d'a eb', vach'n̈ej tz'elc'och eb'.

Dn 6:13

Yuj chi' ix ochn̈ej ijan eb' vin̈ yalan icha tic: —A vin̈aj Daniel, vin̈ ic'chajnaccot d'a Judá, max sc'anab'ajejlaj vin̈. Mamin rey, man̈ jab'oc xiv vin̈ d'ayach, malaj pax jab'oc yelc'och jun ley chi' d'a vin̈. Toxo ix quila' to oxel slesalvi vin̈ d'a sDiosal d'a junjun c'u, xchi eb' vin̈.

Os 5:11

A chon̈ab' Efraín tic, toxo ix ja d'a yib'an̈. Man̈xalaj tas ay d'ay, yujto ix yac'och d'a sc'ol yoch tzac'an yuj juntzan̈ comon dios.

Miqueas 6:16

Yujto a schucal b'eyb'al vin̈aj Omri tze c'anab'ajej. A schucal b'eyb'al vin̈aj Acab tze b'eyb'alej. Yuj chi' ol vac'b'at yaelal yed' b'uchval lolonel d'a eyib'an̈. Icha chi' ol aj e q'uixvi d'a yichan̈ eb' in chon̈ab' tzin c'anab'ajan d'a val yel, xchi Jehová.

Mt 10:28

Man̈ ex xiv d'a eb' syal smilan e nivanil tic, yujto a e pixan max yal smilan eb'. Palta a d'a Dios b'aj tzex xivi, yujto a syal satanel e pixan yed' e nivanil, syac'ancanb'at d'a infierno.

Lc 12:5

Palta sval d'ayex mach b'aj yovalil tzex xivi: Xivan̈ec d'a Dios. Aton jun syal yic'anel e q'uinal, slajvi chi' tzex yac'anb'at d'a infierno. Yuj chi' val yel xivan̈ec d'ay.

A Tas Sc'ulejnac Eb' Schecab' Jesús Hechos 5:29

Palta ix tac'vi vin̈aj Pedro yed' juntzan̈xo eb' vin̈ schecab' Jesús, ix yalan eb' vin̈: —Yovalil a tas syal Dios, a sco c'anab'ajej. Axo juntzan̈ schecnab'il anima, tato max scha sb'a yed' yic Dios, max co c'anab'ajejlaj.

A Ch'an̈ B'ab'el Libro Samuel 22:17

A val d'a jun rato chi' ix schecan eb' stan̈vumal vin̈ rey chi', ix yalan vin̈: —Mileccham masanil eb' vin̈ sacerdote yic Jehová tic, yujto ayoch eb' vin̈ yed' vin̈aj David chi'. Yojtac eb' vin̈ to tz'el vin̈ elelal d'ayin, palta maj yal-laj eb' vin̈ vab'i, xchi vin̈. Palta a eb' soldado stan̈vumal vin̈ rey chi', maj yal-laj sc'ol eb' ix smilcham eb' vin̈ sacerdote yic Jehová chi'.