Ester 9:3 - Chuj San Mateo Bible

³ Masanil eb' vin̈ nivac yajal ay d'a junjun macan̈ smacb'en vin̈ rey chi' yed' eb' vin̈ nivac yopisio, ix yac'och sb'a eb' vin̈ yed' eb' israel, yujto ix te xiv eb' vin̈ d'a vin̈aj Mardoqueo chi',

Chuj San Sebastian Bible

³ Smasnil eb' niwc yajl 'ay yopiso 'a junjn chon̈ab', yet' eb' to niwc yel'ch yopiso 'a yol smacb'en win rey, c'uxn xya'ch sb'a eb' yet' eb' israel, yujto caw tzxiw eb' 'a Mardoqueo,

Ester 9:3 ပူးပေါင်းရင်းမြစ်များ

Esdras 8:36

Ix lajvi chi', ix ac'chaj b'aj tz'ib'ab'il schecnab'il vin̈ rey d'a eb' ayoch yajalil d'a stojolal b'aj tz'em c'u d'a a' Éufrates, yuj chi' a eb' ix colvaj qued'oc d'a munlajel d'a stemplo co Diosal.

Ester 3:12

Ayic 13 yoch b'ab'el uj d'a yol ab'il chi', ix avtaj masanil eb' vin̈ stz'ib'um vin̈ rey chi' yic stz'ib'an jun ley chi' eb' vin̈ ix yaq'uelta vin̈aj Amán chi', yic sb'at d'a masanil eb' yajal d'a junjun chon̈ab' d'a yol smacb'en vin̈ rey chi'. A jun ley chi' ix tz'ib'chaj d'a sti' yed' d'a sletrail junjun chon̈ab'. Ix och sb'i vin̈ rey chi' d'ay yed' sello vin̈.

Ester 8:17

Ayic ix c'och jun ley chi' d'a masanil lugar yed' d'a junjun chon̈ab', masanil eb' israel ix te tzalaji. Ix yac'anoch jun q'uin̈ eb', ix va eb'. Tzijtum eb' anima d'a junjun chon̈ab' ix yac'och sb'a israelal yed' eb', yujto xiv eb' d'a eb' israel chi'.

Ester 8:5

Ix yalan ix icha tic: —Mamin rey, tato vach' in d'a yol a sat, tato vach' tas tzin c'an tic tzab'i, tato d'a val yel xajan in uuj, comonoc tzac' tz'ib'chajb'at junocxo ley yic tz'el yopisio tas syal jun ley ix yac'b'at vin̈aj Amán yuninal vin̈aj Hamedata yin̈tilal vin̈aj Agag d'a masanil yol a macb'en b'aj syala' to satjiel masanil eb' vetchon̈ab'.

Ester 8:9

Elan̈chamel ix avtaj eb' vin̈ stz'ib'um vin̈ rey chi', ayic 23 yoch yoxil uj scuch Siván. Masanil tas ix yal vin̈aj Mardoqueo chi' ix tz'ib'chajb'at d'a masanil eb' israel, d'a eb' vin̈ yajal, d'a eb' vin̈ yajalil eb' soldado, d'a masanil eb' vin̈ yajal yaj d'a 127 macan̈il yaj smacb'en vin̈ rey chi', scotto d'a India masanto sc'och d'a Etiopía. Ix tz'ib'chajb'at d'a sti' yed' d'a sletra junjun chon̈ab' yed' d'a sti' eb' israel.

Dn 3:2

Ayic toxo ix b'oel jun yechel chi', ix yavtancot eb' vin̈ ayoch yajalil vin̈ d'a masanil yol smacb'en, aton eb' vin̈ yajalil soldado, eb' vin̈ gobernador, eb' vin̈ ac'um razón d'a yoltac chon̈ab', eb' vin̈ molum tumin, eb' vin̈ juez yed' juntzan̈xo eb' vin̈ ayoch yajalil. Yuj chi' ix smolb'ej sb'a juntzan̈ eb' vin̈ nivac yajal chi' d'a yichan̈ jun yechel chi', yic tz'och sq'uin̈ yuj eb' vin̈.