Ester 9:14 - Chuj San Mateo Bible

¹⁴ Ix yalan vin̈ rey to sc'ulaj icha chi'. Ix alchajel jun ley chi' d'a masanil yol chon̈ab' Susa chi'. Ix q'ue locan snivanil lajun̈van̈ eb' yuninal vin̈aj Amán chi'.

Chuj San Sebastian Bible

¹⁴ 'Ix yaln win rey, to tzb'o 'ixta'. 'Ix alx 'el jun ley chi 'a smasnil yol chon̈b' Susa, yuj cha, x'ajx q'ue locn sniwnal eb' yunnal Amán slajn̈wan̈il 'a te 'oy cha.

Ester 9:14 ပူးပေါင်းရင်းမြစ်များ

Esdras 7:13

Toxo ix valel d'a masanil eb' etisraelal, eb' sacerdote yed' eb' levita ayec' d'a yol in macb'en tic, tato syal sc'ol eb' sb'at d'a Jerusalén chi' ed'oc, b'atocab' eb'.

Ester 7:10

Yuj chi' ix q'ue locan vin̈aj Amán chi' d'a te', aton te' ix sb'oq'ue vin̈ yuj vin̈aj Mardoqueo yalani. Icha chi' ix aj sicb'i yoval sc'ol vin̈ rey chi'.

Ester 7:9

Ix yalan jun vin̈ checab' scuchan Harbona icha tic: —Mamin rey, a d'a spat vin̈aj Amán tic, ix yac' b'ochajem jun te te' vin̈ jun ch'an̈il ix ajq'ue steel. Ata' ol q'ue locan vin̈aj Mardoqueo yuj vin̈ yalani, aton vin̈ sc'ulejnac jun tas vach' d'ayach, xchi vin̈. —Aq'uecq'ue locan vin̈aj Amán tic d'a jun te te' chi', xchi vin̈ rey chi'.

Ester 9:13

Ix tac'vi ix Ester chi' icha tic: —Mamin rey, tato syal a c'ool, tzala' to a q'uic'an sc'ulejxi eb' vetchon̈ab' d'a chon̈ab' Susa tic icha tas ix sc'ulej eb' ticnaic icha yalan a ley. Tzalan paxi to sq'ue locan snivanil lajun̈van̈ eb' vin̈ yuninal vin̈aj Amán chi' d'a te te', xchi ix.

Ester 9:15

Masanil eb' israel cajan d'a chon̈ab' Susa chi', ix smolb'ejxi sb'a eb' ayic 14 yoch uj scuch Adar, ix smilancham 300 xo eb' vin̈ vinac eb', palta malaj jab'oc tas ay d'a eb' anima chi' ix yiq'uec' eb'.

Pr 12:7

Ayic sjavi syaelal eb' chuc, satel eb'. Axo pax eb' vach' spensar, nivan tiempo syil eb' yed' eb' yuninal.

Ec 6:3

Vach'chom a junoc vin̈ vinac ay 100-oc yuninal, nivan tiempo syil vin̈, palta tato max yac' tzalajb'oc sc'ol vin̈ yed' tas vach', tato chuclaj tz'aj smucchaj vin̈, a tzin naani to te vach' yic junoc eq'uelti' unin d'a yichan̈ jun vinac chi'.

Nm 24:20

Ix lajvi chi' ix yilanb'at chon̈ab' Amalec vin̈, ix yalan vin̈ icha tic: A chon̈ab' Amalec yelxo ay smay d'a yichan̈ juntzan̈xo chon̈ab', palta ol satel d'a juneln̈ej, xchi vin̈.

Gl 3:13

Ay ton cot yoval sc'ool Dios d'a quib'an̈ yuj jun ley chi', palta a Cristo ix on̈ colanel d'a yol sc'ab' yoval sc'ool chi', yujto schanac och yoval sc'ool Dios chi' d'a yib'an̈ co q'uexuloc. Yujto syal d'a Slolonel Dios chi': A junoc mach sd'un̈b'ajq'ue d'a te te', ay val cot yoval sc'ool Dios d'a yib'an̈, xchi.