Ester 8:9 - Chuj San Mateo Bible

⁹ Elan̈chamel ix avtaj eb' vin̈ stz'ib'um vin̈ rey chi', ayic 23 yoch yoxil uj scuch Siván. Masanil tas ix yal vin̈aj Mardoqueo chi' ix tz'ib'chajb'at d'a masanil eb' israel, d'a eb' vin̈ yajal, d'a eb' vin̈ yajalil eb' soldado, d'a masanil eb' vin̈ yajal yaj d'a 127 macan̈il yaj smacb'en vin̈ rey chi', scotto d'a India masanto sc'och d'a Etiopía. Ix tz'ib'chajb'at d'a sti' yed' d'a sletra junjun chon̈ab' yed' d'a sti' eb' israel.

Chuj San Sebastian Bible

⁹ Wal 'a yajn̈ej 'ix 'awtx cot smasnil eb' yajtz'ib' win rey. A 'a yic 23 yoch yoxl 'uj atn 'a jun 'uj tzcuch Siván. Smasnil tas xyal Mardoqueo, 'ix tz'ib'x 'at 'a smasnil eb' israel, 'a eb' gobernador, 'a eb' capitan̈, yet' pax 'a smasnil eb' yajl 'a 127 niwc chon̈b' macb'il yuj win rey cha, tz'atn̈j 'a India masnto 'a Etiopía. 'Ix tz'ib'x 'at 'a sti', yet' 'a sletra junjn chon̈ab'. An̈jtona 'ix tz'ib'x 'at 'a sti eb' israel cha.

Ester 8:9 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 18:26

Ix tac'vi vin̈aj Eliaquim, vin̈aj Sebna yed' vin̈aj Joa d'a jun vin̈ yajal soldado chi': —Tzon̈ tevi d'ayach to a d'a arameo tzal d'ayon̈, yujto scab' arameo chi'. Palta man̈ ach lolon d'a hebreo chi', yujto syab' masanil anima ayq'ue d'a yib'an̈ smuroal chon̈ab', xchi eb' vin̈.

2 Cr 15:10

Axo d'a yoxil ujal yic 15 ab'ilxo yoch vin̈aj Asa chi' reyal, ix smolb'an sb'a masanil eb' d'a Jerusalén.

Ester 1:1

A jun syalcan tic ix uji ayic ayoch vin̈aj Asuero reyal d'a Persia. 127 macan̈il yaj smacb'en vin̈ chi', scot d'a India masanto sc'och d'a Etiopía.

Ester 1:22

Yuj chi' ix schecan vin̈ tz'ib'chajb'at d'a junjun macan̈ d'a yol smacb'en chi', d'a sti' junjun chon̈ab'. Ix yalanb'at vin̈ to ayocab' yelc'och eb' vin̈ vinac d'a yol spat, aocab' eb' vin̈ tz'alani tastac sb'oi.

Ester 10:1

Ix yac'och q'uen tumin vin̈aj rey Asuero d'a yib'an̈ masanil eb' anima, aton eb' ay d'a yol smacb'en vin̈ masanto eb' cajan d'a stitac a' mar, yic syac' q'uen eb' d'a vin̈.

Dn 4:1

Ix yac'anb'at jun ab'ix vin̈ rey d'a yol masanil smacb'en icha tic: A in rey Nabucodonosor in tic, svac' stzatzil e c'ool e masanil ex chon̈ab', ma ex nación yalxon̈ej tas ti'al tzeyala', a ex masanil ex cajan ex d'a yolyib'an̈q'uinal tic.

Dn 6:1

Ix yac'anoch 120 eb' vin̈ gobernador vin̈aj Darío chi', yic syil junjun macan̈ chon̈ab' eb' vin̈ d'a yol smacb'en.

Dn 6:25

Ix lajvi chi', ix yac'an tz'ib'chaj vin̈aj rey Darío jun tic d'a masanil anima yaln̈ej tas ti'al ay d'a yol smacb'en chi'. Ix yalanb'at vin̈ icha tic: Junc'olalocab' eyaji.