Ester 4:6 - Chuj San Mateo Bible

⁶ Yuj chi' ix c'och vin̈aj Hatac chi' b'aj ayec' vin̈aj Mardoqueo chi' d'a jun parque d'a yichan̈ sti' spalacio vin̈ rey chi', ix lolon vin̈ yed' vin̈.

Chuj San Sebastian Bible

⁶ Xc'och Hatac sc'umc Mardoqueo 'a jun plas 'ayc' 'a yojltac 'at yatut win rey.

Ester 4:6 ပူးပေါင်းရင်းမြစ်များ

Ester 4:3

An̈ejtona' d'a masanil chon̈ab' b'ajtac ix tz'ib'chajb'at jun ley chi', masanil eb' israel ix och d'a cusc'olal. Ayic ix sch'oxanel scusc'olal eb' chi', ix och eb' d'a tzec'ojc'olal. Tz'oc' eb', tz'el yav eb', tzijtum eb' ix sjulec' jichan sb'a d'a scal q'uen tic'aq'uil taan̈, ix yac'anoch pichul eb' yic cusc'olal.

Ester 4:5

Axo ix Ester chi' ix avtancot jun vin̈ schecab' vin̈ rey scuch Hatac, schecab' pax vin̈ ix. Ix schecanb'at vin̈ ix d'a vin̈aj Mardoqueo yic b'at sc'anb'ej vin̈ tas van yuji, tas pax yuj icha chi' syutej sb'a vin̈.

Ester 4:7

Ix yalan vin̈aj Mardoqueo masanil tastac tz'alchaj chi' d'ay yed' pax jantac sb'isul q'uen plata syaltej vin̈aj Amán yic tz'och b'aj smolchaj q'uen stumin vin̈ rey yic vach' satjiel masanil eb' israel yalan vin̈.

Ester 7:2

Axo yic van yuc'an vino eb' vin̈, ix yalan vin̈ rey chi' d'a ix Ester chi' icha tic: —C'an tas tza nib'ej d'ayin, ol vac' d'ayach, vach'chom a nan̈aloc in macb'en tic tza c'ana', xchi vin̈.

Ester 9:12

ix yalan vin̈ d'a ix reina Ester icha tic: —A eb' etchon̈ab' toxo ix smilcham 500 eb' vin̈ vinac eb' yed' lajun̈van̈ eb' vin̈ yuninal vin̈aj Amán d'a chon̈ab' Susa tic. Ocxom pax d'a juntzan̈xo chon̈ab' d'a yol in macb'en tic, jantac am tas ix uji. Al d'ayin tasto tza nib'ej, ol vac' d'ayach, xchi vin̈.