Esdras 8:20 - Chuj San Mateo Bible

²⁰ Ix javipax 220 eb' yin̈tilal eb' munlajnac d'a templo, eb' ac'b'ilcanoch yuj vin̈aj rey David yed' eb' scuchb'an eb' levita d'a yopisio. Masanil juntzan̈ eb' tic, tz'ib'ab'il sb'i eb'.

Chuj San Sebastian Bible

²⁰ 'Ix jaw pax 220 eb' tz'a'n cuenta yatut Dios. A eb' cha yin̈tl can eb' 'ac'b'il 'och yuj rey David yet' eb' 'aych yajlil yet'oc yic tzcolwj eb' yet' eb' levita 'a smunljel. Smasnil jun tzo'n̈ eb' tic, tz'ib'b'il sb'i eb' 'a jun lista.

Esdras 8:20 ပူးပေါင်းရင်းမြစ်များ

1 Cr 9:2

A eb' yin̈tilal Israel b'ab'laj meltzajxicot d'a sluum yed' d'a schon̈ab', aton eb' sacerdote, eb' levita yed' eb' smunlaj d'a templo.

Esdras 2:43

Axo eb' smunlaj d'a templo, aton eb' yin̈tilalcan eb' vin̈ ol b'inaj tic: Vin̈aj Ziha, vin̈aj Hasufa, vin̈aj Tabaot, vin̈aj Queros, vin̈aj Siaha, vin̈aj Padón, vin̈aj Lebana, vin̈aj Hagaba, vin̈aj Acub, vin̈aj Hagab, vin̈aj Salmai, vin̈aj Hanán, vin̈aj Gidel, vin̈aj Gahar, vin̈aj Reaía, vin̈aj Rezín, vin̈aj Necoda, vin̈aj Gazam, vin̈aj Uza, vin̈aj Paseah, vin̈aj Besai, vin̈aj Asena, vin̈aj Meunim, vin̈aj Nefusim, vin̈aj Bacbuc, vin̈aj Hacufa, vin̈aj Harhur, vin̈aj Bazlut, vin̈aj Mehída, vin̈aj Harsa, vin̈aj Barcos, vin̈aj Sísara, vin̈aj Tema, vin̈aj Nezía yed' pax vin̈aj Hatifa.

Esdras 7:7

Ayic yuquil ab'il yoch vin̈aj Artajerjes chi' reyal, ix javi vin̈aj Esdras chi' d'a Jerusalén tic yed' jun n̈ilan̈ eb' yetisraelal, aton eb' sacerdote, eb' levita sb'itani yed' eb' stan̈van puerta yed' eb' smunlaj d'a templo.

Esdras 8:17

Ix in checb'at eb' vin̈ yal d'a vin̈aj Iddo, yajal d'a jun lugar scuch Casifia yed' d'a masanil eb' ayec' yed' vin̈ ta', aton eb' yin̈tilal eb' munlajnac d'a stemplo Dios to scheccot eb' anima eb' yic scolvaj eb' qued'oc d'a scajnub' co Diosal.

Esdras 8:19

Ix yic'anpaxcot vin̈aj Hasabías eb' vin̈ yed' vin̈aj Jesaías yed' pax yuninal eb' vin̈ yed' eb' sc'ab'yoc eb' vin̈, 20 eb' d'a smasanil, yin̈tilal eb' vin̈aj Merari.

Nm 3:9

Ic'chajocab'el eb' levita d'a scal eb' eyetchon̈ab' smasanil yic vach' syac' servil vin̈aj Aarón eb' yed' d'a masanil yin̈tilal vin̈.

A Scarta San Pablo D'a Eb' Aj Filipos 4:3

A achxo, ach vuc'tac, yel quetmunlajvumal co b'a, tzin c'an pavor d'ayach, yic tzach colvaj a b'oan yaj eb' ix canab' chi' ta', yujto a eb' ix chi', tec'an yutejnac sb'a eb' ix smunlaj ved'oc ayic vec'nac valel vach' ab'ix yic colnab'il. An̈ejtona', munlajnac vin̈aj Clemente ved'oc yed' juntzan̈xo eb'. A eb' chi', tz'ib'ab'ilxo sb'i eb' d'a jun libro b'aj ay co b'i a on̈ ayxo co q'uinal d'a juneln̈ej.