Esdras 8:18 - Chuj San Mateo Bible

¹⁸ Yuj scolval Dios ix ic'chajcot vin̈aj Serebías yuj eb' vin̈, yujto a vin̈ chi' te jelan vin̈, yin̈tilal vin̈ jun vin̈ levita scuchan Mahli. A vin̈aj Serebías chi', ix cot vin̈ yed' eb' yuninal yed' eb' yuc'tac, 18 eb' d'a smasanil.

Chuj San Sebastian Bible

¹⁸ Yuj scolwal Dios, 'ix checx cot Serebías yuj eb'. A jun winc cha, caw wal tznachj 'el yu'uj, yin̈tl jun levita tzcuch Mahli. A jun cha, 'ix cot yet' eb' yunnal, yet' eb' yu'tac; wajxclajn̈wan̈ sb'ey eb' 'a smasnil.

Esdras 8:18 ပူးပေါင်းရင်းမြစ်များ

1 Cr 6:1

Ay oxvan̈ eb' vin̈ yuninal vin̈aj Leví: Aton vin̈aj Gersón, vin̈aj Coat yed' vin̈aj Merari.

1 Cr 6:19

Axo eb' vin̈ yuninal vin̈aj Merari chi': Aton vin̈aj Mahli yed' vin̈aj Musi. A eb' vin̈ ix b'inaj tic, yin̈tilal Leví eb' vin̈.

1 Cr 6:4

Aton sb'i eb' vin̈ yin̈tilal vin̈aj Aarón tic sb'eyb'at d'a stzolal d'a eb' vin̈ uninab'il yed' d'a eb' vin̈ ichiquinab'il: Vin̈aj Eleazar, vin̈aj Finees, vin̈aj Abisúa, vin̈aj Buqui, vin̈aj Uzi, vin̈aj Zeraías, vin̈aj Meraiot, vin̈aj Amarías, vin̈aj Ahitob, vin̈aj Sadoc, vin̈aj Ahimaas, vin̈aj Azarías, vin̈aj Johanán, vin̈aj Azarías, (aton vin̈ sacerdote yaj d'a templo ix sb'oq'ue vin̈aj Salomón d'a Jerusalén), vin̈aj Amarías, vin̈aj Ahitob, vin̈aj Sadoc, vin̈aj Salum, vin̈aj Hilcías, vin̈aj Azarías, vin̈aj Seraías yed' vin̈aj Josadac. A vin̈aj Josadac chi' ix ic'jib'at vin̈ preso yed' eb' ay d'a Jerusalén yed' juntzan̈xo lugar d'a yol yic Judá yuj vin̈aj rey Nabucodonosor, yujto a Jehová ix ac'an sc'ulej vin̈ icha chi'.

2 Cr 30:22

A vin̈aj Ezequías chi', ix yac' yuj diosal vin̈ d'a eb' vin̈ levita, yujto ix sch'oxel sb'ecanc'olal eb' vin̈ yac'an servil Jehová. Uque' c'ual ix schi noc' silab' yic q'uin̈ chi' eb', ix yac'anpax noc' silab' eb' yic junc'olal, ix yalan vach' lolonel eb' d'a Jehová sDiosal smam yicham.

Esdras 7:28

Yuj svach'c'olal Jehová, vach' in d'a yichan̈ vin̈ rey chi' yed' d'a eb' tz'ac'an srazón vin̈ yed' d'a sat masanil eb' nivac yajal ayoch yed' vin̈. Yuj scolval Jehová ix in tec'b'ej in b'a in molb'an masanil eb' yajal yaj d'a junjun macan̈ eb' vetisraelal, yic smeltzaj eb' ved'oc, xchi vin̈aj Esdras chi'.

Esdras 7:6

A vin̈aj Esdras chi', c'ayb'um vin̈ d'a sc'ayb'ub'al Jehová sDiosal Israel, aton c'ayb'ub'al yac'nac Jehová d'a vin̈aj Moisés. Masanil tas ix sc'an vin̈, ix yac' vin̈aj rey Artajerjes chi' d'a vin̈, yujto a Jehová ayoch yed' vin̈. Ix lajvi chi' ix paxta vin̈ d'a Babilonia.

Esdras 8:16

Ix in checanb'at vin̈aj Eliezer, vin̈aj Ariel, vin̈aj Semaías, vin̈aj Elnatán, vin̈aj Jarib, vin̈aj Elnatán, vin̈aj Natán, vin̈aj Zacarías yed' vin̈aj Mesulam. A eb' vin̈ tic nivac yelc'och eb' vin̈ yed' pax eb' vin̈ c'ayb'um, aton vin̈aj Joiarib yed' vin̈aj Elnatán.

Esdras 8:19

Ix yic'anpaxcot vin̈aj Hasabías eb' vin̈ yed' vin̈aj Jesaías yed' pax yuninal eb' vin̈ yed' eb' sc'ab'yoc eb' vin̈, 20 eb' d'a smasanil, yin̈tilal eb' vin̈aj Merari.

Esdras 8:22

Ix in q'uixvi in c'anan eb' soldado d'a vin̈ rey, aton eb' sb'ey d'a yoc yed' eb' ayq'ue d'a yib'an̈ chej, yic tzon̈ stan̈van eb' d'a eb' ajc'ol d'a yoltac b'e, yujto toxo ix cal d'a vin̈ rey chi' to a co Diosal stan̈van masanil mach tz'ac'anoch yipoc sc'ool, palta scot yoval, syac'ancot yaelal d'a yib'an̈ mach max c'anab'ajani.

Esdras 8:24

Ix lajvi chi', ix in sic'anel lajchavan̈ eb' vin̈ sat yaj d'a eb' vin̈ sacerdote: Aton vin̈aj Serabías, vin̈aj Hasabías yed' lajun̈van̈xo eb' vin̈.

Nehemías 12:24

A vin̈aj Hasabías, vin̈aj Serebías, vin̈aj Jesúa yuninal vin̈aj Cadmiel yed' eb' vin̈ scolvaj yed' eb' vin̈, a eb' vin̈ ix b'oan cha macan̈ eb' sb'itani yic syac'an yuj diosal eb' d'a Jehová, icha ajnac yalan vin̈aj rey David schecab' Dios.

Nehemías 2:8

Sb'at junocxo carta chi' d'a vin̈aj Asaf yilumal te' nivac te' ay ta', yic syac' te' vin̈ d'ayin, yic tz'och te' d'a spuertail b'aj ay eb' stan̈van templo, d'a smuroal chon̈ab' chi' yed' d'a te' pat b'aj ol in ajoc, xin chi d'a vin̈. Yuj svach'c'olal in Diosal, ix yac' masanil juntzan̈ tic vin̈ rey chi' d'ayin.

Nehemías 8:7

Ayic ix yavtan ch'an̈ ley chi' vin̈aj Esdras chi', axo eb' vin̈ levita, aton vin̈aj Jesúa, vin̈aj Bani, vin̈aj Serebías, vin̈aj Jamín, vin̈aj Acub, vin̈aj Sabetai, vin̈aj Hodías, vin̈aj Maasías, vin̈aj Kelita, vin̈aj Azarías, vin̈aj Jozabed, vin̈aj Hanán yed' vin̈aj Pelaía, a eb' vin̈ ix alan d'a sti' eb' anima chi' tas syal ch'an̈ ley chi', yic snachajel yuj eb' tas syal ch'an̈, axo eb' anima chi' ayn̈ej ec' eb' d'a yed'tal junjun.

Pr 24:3

Tze na sic'lab'il tas tzeyutej e b'oan junoc e pat yed' jelanil yed' aj pensaril tzeyaq'uem cimientoal yich,

Pr 3:6

Nacot Jehová d'a masanil tas tza c'ulej yic vach' a ol colvaj ed'oc d'a smasanil.

Jeremías 3:15

Ol vac'och eb' eyilumal icha val in gana, axo eb' ol ac'an yajalil d'a eyib'an̈ d'a jelanil yed' d'a sjichanil.

Dn 1:20

Juntaquel sc'anb'ej razón vin̈ rey chi' d'a eb' vin̈ yuj juntzan̈ jelanil yed' tastac ajaltac snachajeli, ix nachajel yuj eb' vin̈, lajun̈el val ec'to sjelanil spensar eb' vin̈ chan̈van̈ chi' d'a yichan̈ masanil eb' ajchum yed' eb' naumel lolonel ay d'a yol masanil smacb'en vin̈.

Nm 3:20

A eb' yuninal vin̈aj Merari: Aton vin̈aj Mahli yed' vin̈aj Musi, aton eb' vin̈ tic sb'inajn̈ej d'a yin̈tilal. A eb' vin̈ tic, yajal yaj eb' vin̈ d'a junjun macan̈ yin̈tilalcan vin̈aj Leví.

1 Co 14:20

Ex vuc'tac ex vanab', man̈ ichoc eb' unin tzeyutej e b'a e naan juntzan̈ tic. Axo e b'eyb'al, ichaocab' yic eb' nenetac unin, icha chi' tzeyutej, yujto max saylaj chucal eb', ichocab' ta tzeyutej e b'a. Tec'an val tzeyutej e pensar, yujto man̈ ex uninoc.