Esdras 3:8 - Chuj San Mateo Bible

⁸ Ix el yich sb'ochajxi scajnub' Dios yuj vin̈aj Zorobabel yuninal vin̈aj Salatiel, vin̈aj Jesúa yuninal vin̈aj Josadac yed' eb' sacerdote, eb' levita yed' masanil eb' ix cot d'a Babilonia. D'a schab'il ujal yic schab'il ab'il sjavi eb' d'a Jerusalén, ix syamanoch eb' sb'oanxi scajnub' Jehová, ix yac'anoch jun munlajel chi' eb' d'a yol sc'ab' eb' levita ec'xo 20 ab'il sq'uinal.

Chuj San Sebastian Bible

⁸ A yic schab'l xo 'uj schan 'och schab'l ab'il sjapx eb' israel, 'ix 'el yich sb'ox yatut Dios jun 'ejm xo 'a Jerusalén. Eb' xb'oni, atn Zorobabel win yunnal Zalatiel, Jesúa win yunnal Josadac, yet' eb' ya'mal 'och sti eb' 'anma 'a Dios yet jun tzo'n̈ xo eb' levita, yet' smasnil eb' paxncta 'a Babilonia. 'Ix ya'ch eb' jun munljel chi 'a yol sc'ab' jun tzo'n̈ eb' levita to 'ec'b'al 'a junc'l ab'il sq'uinal.

Esdras 3:8 ပူးပေါင်းရင်းမြစ်များ

1 Cr 23:4

A d'a scal eb' vin̈ chi', ix sic'chajel 24 mil eb' vin̈ scuchb'an eb' smunlaji yic sb'ochaj stemplo Jehová. Axo 6 milxo eb' vin̈, ix och eb' vin̈ d'a juezal yed' d'a yajaliloc chon̈ab' chi'.

1 Cr 3:17

Axo eb' vin̈ yuninal vin̈aj Jeconías vin̈ ic'b'ilb'at preso d'a Babilonia, aton vin̈aj Salatiel, vin̈aj Malquiram, vin̈aj Pedaías, vin̈aj Senazar, vin̈aj Jecamías, vin̈aj Hosama yed' vin̈aj Nedabías.

Esdras 10:18

Aton sb'i eb' vin̈ ix yic'laj sb'a yed' eb' ix ch'oc chon̈ab'il chi': A d'a yin̈tilal eb' sacerdote yed' d'a eb' sc'ab'yoc vin̈aj Jesúa yuninal vin̈aj Josadac: Aton vin̈aj Maasías, vin̈aj Eliezer, vin̈aj Jarib yed' vin̈aj Gedalías.

Esdras 3:2

Axo vin̈aj Jesúa yuninal vin̈aj Josadac yed' juntzan̈xo eb' vin̈ sacerdote yed' pax vin̈aj Zorobabel yuninal vin̈aj Salatiel yed' eb' sc'ab'yoc, ix syamoch eb' vin̈ sb'oanxiq'ue altar yic Jehová Dios, yic syac' silab' eb' d'a yib'an̈ altar chi', icha yajcan d'a ley yuj vin̈aj Moisés schecab' Dios.

Esdras 4:24

Yuj schucal eb' ajc'ol chi', ix och vaan sb'ochajxiq'ue scajnub' Dios d'a Jerusalén tic, masanto d'a schab'il ab'il yoch vin̈aj Darío reyal d'a Persia.

Esdras 4:3

Ix tac'vi vin̈aj Zorobabel yed' vin̈aj Jesúa yed' juntzan̈xo eb' vin̈ yajal yaj chi', ix yalan eb' vin̈ icha tic: —Man̈ ol yal-laj junn̈ej ol co b'oxiq'ue scajnub' Jehová co Diosal tic eyed'oc. A on̈n̈ej israel on̈ tic ol co b'o'o, yujto icha chi' ix aj yalan vin̈aj Ciro sreyal Persia d'ayon̈, xchi eb' vin̈.

Esdras 5:16

Ayic ix c'och vin̈aj Sesbasar d'a Jerusalén chi', ix yac'anem yich stemplo Dios chi' vin̈. Atax ta' ix chael yich sb'ochajxi, palta manto b'oel-laj ticnaic.

Esdras 5:2

Yuj chi', ix och vin̈aj Zorobabel yuninal vin̈aj Salatiel yed' vin̈aj Jesúa yuninal vin̈aj Josadac d'a munlajel junelxo yic sb'ochajxiq'ue scajnub' Dios chi'. Ix och eb' vin̈ schecab' Dios chi' yiptzitan eb'.

Hageo 1:1

D'a schab'il ab'il yoch vin̈aj Darío reyal, d'a sb'ab'el c'ual yic svaquil uj, a Jehová ix in checan a in Hageo schecab' in tic yic b'at in lolon yed' vin̈ sgobernadoral Judá, aton vin̈aj Zorobabel yuninal vin̈aj Salatiel yed' pax vin̈aj Josué, vin̈ sat sacerdote yuninal vin̈aj Josadac.

Zacarías 4:9

A vin̈aj Zorobabel ix ac'anem yich jun templo tic, an̈eja' vin̈ ol lajanpaxoc. Ichato chi', ol nachajel yuj in chon̈ab' to a in Jehová Yajal in d'a Smasanil ix ach in checb'at ala'.

Zacarías 6:12

Tzalan d'a vin̈ icha tic: A Jehová Yajal d'a Smasanil tz'alani: Ay jun vinac scuchan Svol, ol tec'c'aj b'aj ayeq'ui, a' ol b'oanxiq'ue in templo.

Nm 4:3

aton eb' 30 ab'il sq'uinal sc'och d'a 50. Aton eb' tic smoj val smunlaj d'a in cajnub' b'aj tzin ch'ox in b'a.