Esdras 2:61 - Chuj San Mateo Bible

^61-62 A eb' yin̈tilal vin̈aj Habaía, eb' yin̈tilal vin̈aj Cos yed' eb' yin̈tilal vin̈aj Barzilai, ix yal eb' to sacerdote eb', palta malaj b'aj tz'ib'ab'ilcani tato yin̈tilal sacerdote eb'. Yuj chi' maj chajioch eb' d'a opisio d'a sacerdoteal. A vin̈aj Barzilai chi', ix yic'laj sb'a vin̈ yed' jun ix yisil jun vin̈ aj Galaad scuchan Barzilai, yuj chi' a sb'i vin̈ sn̈i' vin̈ chi' ix ochcan d'ay.

Chuj San Sebastian Bible

^61-62 A eb' yin̈tl Habaía, eb' yin̈tl Cos yet' eb' yin̈tl Barzilai, 'ix yal eb' to ya'mal 'och sti eb' 'anma yaj eb' 'a Dios. 'Ix sayx 'ilxoc sb'i eb', palta ma'ix 'ilchj junc un̈ 'aj chequel, toto yel 'ixta yaj eb', yuj cha, ma'ix 'ajx yopiso eb' 'a yatut Dios. A win Barzilai cha, ayic 'ix nupn yet' jun 'ix yisl jun win 'aj Galaad, ata scuchcn win Barzilai yujto 'ixta sb'i win sn̈i win cha.

Esdras 2:61 ပူးပေါင်းရင်းမြစ်များ

A Ch'an̈ Schab'l Libro Samuel 17:27

Ayic ix c'och vin̈aj David chi' d'a Mahanaim, ix javi jayvan̈ eb' vin̈ vinac d'a vin̈, aton vin̈aj Sobi yune' ix Nahas aj Rabá d'a yol yic Amón, vin̈aj Maquir yuninal vin̈aj Amiel aj Lo-debar yed' vin̈aj Barzilai aj Rogelim d'a yol yic Galaad.

A Ch'an̈ B'ab'el Libro Yic Yab'ixal Eb' Rey 2:7

Axo pax eb' vin̈ yuninal vin̈aj Barzilai aj Galaad, tza xajanej eb' vin̈ in c'ana', tzavtejn̈ej eb' vin̈ vael ed'oc. A eb' vin̈ chi', ix colvaj eb' vin̈ ved'oc ayic ix in el d'a vin̈ uc'tac aj Absalón chamnac.

Nehemías 3:4

Ix b'on̈ejb'at jun muro chi', a vin̈aj Meremot yuninal vin̈aj Urías yixchiquin vin̈aj Cos ix b'oanxiq'ue junxo macan̈. Axo vin̈aj Mesulam yuninal vin̈aj Berequías, yixchiquin vin̈aj Mesezabeel ix b'oanxiq'ue junxo macan̈. Axo vin̈aj Sadoc yuninal vin̈aj Baana ix b'oanxi junxo macan̈.