Esdras 10:14 - Chuj San Mateo Bible

¹⁴ Vach' tato an̈ej eb' yajal scan d'a tic yic sb'oan yaji, axo masanil eb' cajan d'a yoltac co chon̈ab', eb' ix yic'laj sb'a yed' eb' ix ch'oc chon̈ab'il chi', syal sjavi eb' d'a junoc c'u to scan sc'ual. Aocab' eb' juez yed' eb' yichamtac vinaquil chon̈ab' tz'ic'ancot eb'. Icha chi' ol co c'ulej co masanil, masanto ol yal stup yoval sc'ol co Diosal d'a quib'an̈ yuj tas ix co c'ulej tic, xchi eb'.

Chuj San Sebastian Bible

¹⁴ Yel xom wach' cojn eb' qui yajlil tzcan sb'o yaj jun tic, ax smasnil eb' cajn 'a yol chon̈ab', eb' to yijnac sb'a yet' eb' 'ix 'ix cha, tztac' sjaw eb' 'a junc c'u man̈ najtloc tz'ajcni. Eb' juez yet' eb' yichm wincal junjn chon̈b', a cab' eb' tz'i'n cot eb'. 'Ixtnta 'oj caj qui masnil, masnto tzlajw yowl sc'ojl Dios 'a quib'n̈ec yuj jun tic, xchi eb'.

Esdras 10:14 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 23:26

Vach'chom icha chi' ix sc'ulej vin̈, palta yuj tas te chuc sc'ulejnac vin̈aj Manasés, yuj chi' aycot yoval sc'ol Jehová d'a Judá chi'.

2 Cr 28:11

A ticnaic, ab'ec tas ol vala': Aq'uec meltzaj masanil eb' quetisraelal ix eyic'cot chi' d'a tic, yujto ay val cot yoval Jehová d'ayex, xchi vin̈aj Obed chi'.

2 Cr 29:10

A ticnaic ix in na'a to ol in b'o jun trato yed' Jehová co Diosal a on̈ israel on̈ tic, yic vach' syiq'uel yoval sc'ol d'a quib'an̈.

2 Cr 30:8

Yuj chi' man̈ eyac' pitb'oc e b'a, icha yutejnac sb'a eb' co mam quicham chi'. Aq'uecxioch e b'a d'a yol sc'ab' Jehová co Diosal, cotan̈ec d'a stemplo sic'b'ilel yuj d'a masanil tiempo, tzeyac'an servil yic maxtzac cot yoval sc'ol d'ayex.

Esdras 10:13

Palta ina max ec'laj n̈ab' tic, max yal-laj co can d'a calle tic, yujto a jun tic, man̈ jun chab'n̈ejoc c'ual ol yac' sb'oi, yujto te nivan on̈ ix och co mul tic.

Esdras 10:15

Masanil eb' ix jax d'a Babilonia chi', ix scha sc'ol eb' tas ix alchaj chi', palta an̈ej vin̈aj Jonatán yuninal vin̈aj Asael yed' vin̈aj Jahazías yuninal vin̈aj Ticva yed' chavan̈ eb' vin̈ levita, aton vin̈aj Mesulam yed' vin̈aj Sabetai maj chaan sc'ool. Yuj chi' a vin̈aj sacerdote Esdras chi', ix yac'och juntzan̈ eb' vin̈ yajal vin̈, aton eb' vin̈ yajal d'a scal eb' yin̈tilal. Ix tz'ib'chajcan sb'i eb' vin̈. Axo d'a b'ab'el c'ual yic slajun̈il uj, ix smolb'an sb'a eb', yic sch'olb'itan junjun macan̈ eb'.

Salmos 78:38

Palta ix te oc' sc'ol d'a eb', yuj chi' ix succhaj sat schucal eb' yuuj. Maj ac'joc cham eb'. Tzijtum el ix och vaan yoval, majxo yaq'uelc'ochlaj yoval chi' d'a eb'.

Is 12:1

A d'a jun tiempoal chi', ol ex b'itan icha tic: Mamin Jehová, scac' yuj diosal d'ayach. Vach'chom ix cot yoval a c'ol d'a quib'an̈, palta toxo ix ec'b'ati, axo ticnaic, van ac'an snivanil co c'ool.

Nm 25:4

ix yalan d'a vin̈aj Moisés icha tic: —Molb'ej masanil eb' ix cuchb'anb'at eb' anima tic d'a juntzan̈ chucal chi', val d'a vichan̈ yed' d'a yichan̈ eb' etchon̈ab' tza d'un̈b'ejq'ue eb'. Icha chi' ol aj sicb'iem yoval in c'ol d'a chon̈ab' Israel tic, xchi d'a vin̈.

Dt 13:17

A juntzan̈ tastac toxo ix alchaji to sateli, man̈ eyama', yic vach' max cot yoval Jehová co Diosal d'ayex. Tato tze c'anab'ajej masanil juntzan̈ checnab'il svalcan d'ayex tic, vach' tzeyutej e b'a d'a Jehová, ol yac' svach'c'olal d'ayex, ol yac'an q'uib' e b'isul icha ajnac yac'ancan sti' d'a eb' co mam quicham.

Dt 17:9

tze mol alej yed' eb' sacerdote yin̈tilal Leví yed' eb' juez ayoch d'a yopisio. A eb' chi' tz'alani tas tz'aj sb'oi.

Josué 7:26

Ix lajvi chi', ix q'uecan juyan̈ q'uen q'ueen d'a yib'an̈ eb', ix cann̈ej jun juyan̈ q'uen q'ueen chi' ta', yuj chi' Acor ix sb'iejcan jun ac'lic chi'. Icha chi' ix aj yoch vaan yoval sc'ol Jehová d'a yib'an̈ chon̈ab' Israel.