Dt 2:12 - Chuj San Mateo Bible

¹² A d'a masanil smacb'en Seir, ata' ec'nac cajan eb' horeo. Axo eb' yin̈tilal vin̈aj Esaú pechannaquel eb', satanel eb', axo eb' cajnajnac d'a slum eb' chi', icha ix co c'ulej a on̈ israel on̈ tic d'a lum luum ix yac' Jehová d'ayon̈.)

Chuj San Sebastian Bible

¹² A lum Seír cha, cajb'il lum 'a pecti yuj eb' horeo, palta a eb' yin̈tl Esaú a eb' satjnac 'el eb' 'anma chi 'a jun lugar cha. 'Ixta 'ajnc eb' yoch 'a sat lu'um, 'ixta pax 'oj cajc coch 'a lum lum chi tzyac' Jehová 'ayn̈ec.)

Dt 2:12 ပူးပေါင်းရင်းမြစ်များ

Gn 14:6

Ix ac'jipax ganar eb' horeo yuj eb' vin̈ d'a jun tzalan scuch Seir, ix pechji eb' masanto d'a jun ac'lic Parán, d'a slac'anil jun lum taquin̈ luum.

Dt 2:13

Axo aj jun, yalan Jehová: Ixiquec ticnaic, tzex ec' d'a yol a' taquin̈ melem scuchan Zered, xchi, yuj chi' on̈ ec' ta'.

Dt 2:22

Lajan val ajnac icha ajnac eb' yin̈tilal vin̈aj Esaú, ayic sc'ochnac eb' d'a lum Seir. A Jehová ac'annac satel eb' horeo, scannacxon̈ej eb' yin̈tilal vin̈aj Esaú d'a slum eb' chi'.

Dt 2:32

Ix elta vin̈aj Sehón chi' on̈ scha yed' masanil soldado, yic syac' oval eb' qued'oc d'a Jahaza.