Dn 7:16 - Chuj San Mateo Bible

¹⁶ Ix in och d'a stz'ey junoc lin̈anoch ta', ix in c'anb'an d'ay tas syalelc'och juntzan̈ chi'. Ix tac'vi d'ayin icha tic:

Chuj San Sebastian Bible

¹⁶ In c'och 'a stz'ey junc eb' 'ayc' chi ta', 'ix in c'anb'n 'a 'a, tas wal tzyal 'el'ch jun tzo'n̈ cha. 'Ix schan sc'ojl yaln 'ayin, 'ix yaln 'ixtic:

Dn 7:16 ပူးပေါင်းရင်းမြစ်များ

Dn 7:10

Ay jun c'ac' tz'elta d'a yichan̈ icha sb'ey a a'. A eb' tz'ac'an servil, lin̈anoch eb' d'a yichan̈, millonalxo sb'isul eb'. Ix lajvi chi' ix el yich sch'olb'itaj juntzan̈ nación, ix jacvi juntzan̈ ch'an̈ libro.

Dn 7:17

A chan̈van̈ noc' noc' ix il chi', aton chan̈e' nación ol checlajq'ue d'a yolyib'an̈q'uinal tic.

Dn 8:17

Axo ix javi ángel Gabriel chi' d'a in tz'ey. Ix in em cumnajoc, ix emc'och snan̈al in sat d'a sat luum yuj xivelal. Ix yalan d'ayin: Ach anima, ojtaquejeli to a tas ix il chi', ato d'a slajvub' tiempoal ol ujoc, xchi.

Dn 9:22

Ix yalan d'ayin icha tic: Daniel, tzin javi d'ayach yic tzul vac'an a jelanil yic snachajel uuj tas ol javoc d'a yib'an̈ eb' etchon̈ab'.

Zacarías 1:19

Ix in c'anb'an d'a jun ángel van slolon chi' ved'oc icha tic: ¿Tas syalelc'och chan̈e' noc' ch'aac chi'? xin chi d'ay. Ix yalan d'ayin icha tic: A juntzan̈ noc' ch'aac chi', a juntzan̈ nación ac'annacoch yaelal d'a yib'an̈ eb' aj Israel, eb' aj Judá yed' eb' aj Jerusalén sch'oxcot noc', saclemnacb'at eb' yuuj, xchi d'ayin. Ix lajvi chi', ay pax chan̈van̈ eb' vin̈ tenum q'ueen ix sch'ox Jehová vila'. Ix in c'anb'an icha tic: ¿Tas tzul sc'ulej juntzan̈ eb' vin̈ tenum q'ueen tic? xin chi. Ix yalan d'ayin icha tic: A juntzan̈ eb' vin̈ tic, ix javi eb' vin̈ ul xib'tani yed' yac'an satel yipalil juntzan̈ nación ix saclemanb'at eb' aj Judá, xchi d'ayin.

Zacarías 2:3

Yuj chi', ix vilan sb'at jun ángel van slolon chi' ved'oc. Ay junxo ángel chi' ix elta ul scha'a, a' ix alan d'ay:

Zacarías 3:7

Aton val juntzan̈ tic syal Jehová Yajal d'a Smasanil d'ayach: Cha ab' tas svala', tza c'anab'ajann̈ej masanil tas svac' a c'ulej. Tato ol a c'ulej masanil juntzan̈ chi', ol ach ochcan yilumaloc in templo, ol a tan̈vann̈ej yed' yamaq'uil. A in ol vac' opisio och d'a vichan̈ icha eb' in checab' ayec' d'a vichan̈ tic.

Apoc 5:5

Palta ay junoc eb' ichamtac vinac ix alan d'ayin: —Man̈ ach oc'oc. D'a scal eb' yin̈tilal vin̈aj Judá, a jun Choj sb'i, aton jun yin̈tilalcan vin̈aj rey David, a ac'jinac ganar. A smoj sd'in̈chitan uque' spixul chi', an̈eja' ol xuyanb'at ch'an̈ uum chi', xchi d'ayin.