Dn 6:10 - Chuj San Mateo Bible

¹⁰ Axo ix yab'an vin̈aj Daniel to toxo ix alchajel jun ley chi', ix q'uen̈ej vin̈ d'a yol spat d'a chaan̈, ix sjacanxi sventena vin̈ q'uelanb'at d'a stojolal Jerusalén. Ix em cuman vin̈, ix lesalvi vin̈ d'a Dios, ix yac'an yuj diosal vin̈ d'ay. Oxel slesalvi vin̈ d'a junjun c'u, ichataxon sc'ulej vin̈.

Chuj San Sebastian Bible

¹⁰ A yic xyab'n Daniel chajtlto tox 'ix alx 'el jun ley cha, 'ix 'at 'a yatut, 'ix q'ue 'a jun scuarto 'aj tzwayi, ata x'em cumn sleslwi 'a Dios. 'Ox 'ejm xleslwi 'a jun c'u cha, 'icha tzyac' xon 'a junjn 'ejem. A jun scuarto cha, jacn swentnual, ata 'ay 'a stojlal Jerusalén.

Dn 6:10 ပူးပေါင်းရင်းမြစ်များ

Salmos 55:17

D'a q'uin̈ib'alil, d'a chimc'ualil yed' d'a yemc'ualil, ol val in b'a d'ay d'a scal yal in sat, axo ol ab'an tas ol vala'.

A Tas Sc'ulejnac Eb' Schecab' Jesús Hechos 5:29

Palta ix tac'vi vin̈aj Pedro yed' juntzan̈xo eb' vin̈ schecab' Jesús, ix yalan eb' vin̈: —Yovalil a tas syal Dios, a sco c'anab'ajej. Axo juntzan̈ schecnab'il anima, tato max scha sb'a yed' yic Dios, max co c'anab'ajejlaj.

Salmos 95:6

Cotan̈ec, caq'uequem co b'a d'a Jehová, con̈ emec cuman d'a yichan̈. A' d'ay tzon̈ emec cuman yujto a' ix on̈ b'oani.

A Ch'an̈ Carta D'a Eb' Hebreo 13:15

Yuj chi', yovalil scaln̈ej vach' lolonel d'a Dios yuj Jesucristo. A juntzan̈ vach' lolonel scal tic d'a Dios, aton co silab' yaji.

A Scarta San Pablo D'a Eb' Aj Filipos 4:6

Man̈ ex och ilc'olal yuj junoc tasi. A jantacn̈ej tas tze na'a, alec d'a Dios, lesalvan̈ec. C'anec d'ay, tzeyac'anpax yuj diosal d'ay.

Salmos 34:1

Svic'chaan̈ Jehová d'a masanil tiempo, svaln̈ej vach' lolonel d'ay.

Salmos 5:7

A inxo ol in c'och d'a a cajnub' yuj a nivan vach'c'olal d'ayin. Ol val vach' lolonel d'ayach d'a emnaquil d'a a cajnub' icn̈ej yaji.

A Tas Sc'ulejnac Eb' Schecab' Jesús Hechos 9:40

Axo vin̈ ix checanxiemta eb' smasanil. Ix lajvi chi' ix em cuman vin̈, ix lesalvi vin̈. Ix och q'uelan vin̈ d'a ix Dorcas chi'. Ix yalan vin̈ d'a ix: —Ach Tabita, sval d'ayach, q'uean̈ vaan, xchi vin̈ d'a ix. Axo ix elta q'uelan ix. Ix yilanoch vin̈aj Pedro chi' ix, ix q'ue c'ojan ix.

Jonás 2:4

Ata' ix in na' to ix in ic'canel d'a ichan̈ d'a juneln̈ej, a valani to man̈xa b'aq'uin̈ ol vil a templo to ic yaji.

A Ch'an̈ B'ab'el Libro Yic Yab'ixal Eb' Rey 8:54

Cumanem vin̈ d'a stz'ey altar, ayq'ue sc'ab' vin̈ d'a satchaan̈ ayic ix lesalvi vin̈ chi'.

A Ch'an̈ B'ab'el Libro Yic Yab'ixal Eb' Rey 8:44

Q'uinaloc a on̈ a chon̈ab' on̈ tic tzon̈ b'at cac' oval yed' eb' cajc'ool, yaln̈ej b'ajtil tzon̈ a checb'ati, tato tzon̈ lesalvi d'ayach d'a stojolal jun a chon̈ab' sic'b'ilel tic uuj yed' d'a stojolal jun templo ix in b'ocanq'ue tic d'ayach,

Ef 3:14

Yuj chi' tzin em cuman d'a yichan̈ co Mam Dios.

A Tas Sc'ulejnac Eb' Schecab' Jesús Hechos 10:9

Axo d'a junxo c'u d'a chimc'ualil, ayic van sc'och eb' vin̈ d'a slac'anil Jope chi', axo vin̈aj Pedro chi', ix q'ue vin̈ lesal d'a span̈anil yib'an̈ spat vin̈aj Simón chi'.

Dn 6:13

Yuj chi' ix ochn̈ej ijan eb' vin̈ yalan icha tic: —A vin̈aj Daniel, vin̈ ic'chajnaccot d'a Judá, max sc'anab'ajejlaj vin̈. Mamin rey, man̈ jab'oc xiv vin̈ d'ayach, malaj pax jab'oc yelc'och jun ley chi' d'a vin̈. Toxo ix quila' to oxel slesalvi vin̈ d'a sDiosal d'a junjun c'u, xchi eb' vin̈.

A Ch'an̈ Carta D'a Eb' Hebreo 4:16

Yuj chi', max on̈ xiv co c'och d'a yichan̈ Dios b'aj scheclaj svach'c'olal, yic tz'oc' sc'ool d'ayon̈ ta', syac'anpax svach'c'olal d'ayon̈ ayic te malaj svach'il caji.

A Ch'an̈ B'ab'el Libro Yic Yab'ixal Eb' Rey 8:38

sco nib'ej to tzab' tas sco c'an a on̈ a chon̈ab' on̈ tic. Ma yaln̈ej mach tz'avaj d'ayach yujto snachajel cuuj to van cab'an syail yuj co mul, ayic sco mojb'ancot co c'ab' d'a stojolal jun templo tic, comonoc tzab' co lesal chi' d'a satchaan̈ b'aj ayach. Tzac'an tup co mul, tzon̈ a colani yed' on̈ a ch'olb'itani, axo ac'an spac chi' d'ayon̈ ato syala' tas caji, yujto ojtac tas ay d'a co pensar junjun on̈.

Apoc 2:10

Man̈ ex xiv yuj juntzan̈ yaelal ol javoc d'a eyib'an̈. Yujto ayex ol ex ac'joc och d'a preso yuj vin̈ diablo yuj eyac'ji proval. Lajun̈e' c'u ol ex och d'a syaelal. Palta c'anab'ajumn̈ej tzeyutej e b'a masanto d'a chamel. Tato icha chi' tzeyutej e b'a, ol vac' spac d'ayex, aton e q'uinal d'a juneln̈ej.

A Scarta San Pablo D'a Eb' Aj Colosas 3:17

Yaln̈ej tas sco c'ulej, ma tas scala', co c'ulejocab' d'a sb'i Cajal Jesús yuj cac'an yuj diosal d'a Dios Mamab'il yuuj.

A Scarta San Pablo D'a Eb' Aj Filipos 1:20

Svac'och yipoc in c'ool to man̈ ol in q'uixvoclaj. In gana tec'an ol vutoc in b'a valanel ichataxon svutej in b'a. Tato icha chi', vach'chom pitzan in ma ol in chamoc, vuuj ol checlajelta to te nivan yelc'och Cristo.

A Tas Sc'ulejnac Eb' Schecab' Jesús Hechos 20:36

Ix lajvi yalan juntzan̈ chi' vin̈aj Pablo chi', ix em cuman vin̈. Ix lesalvi vin̈ yed' eb' smasanil.

Nehemías 6:11

Palta ix in tac'vi d'a vin̈ icha tic: ¿Tom smoj tzin c'ub'ejel in b'a, tzin macanoch in b'a d'a yol templo chi' yic tzin col in b'a? Man̈ ol in ochlaj d'a yol templo chi', xin chi d'a vin̈.

2 Cr 6:38

Tato yed' smasanil co c'ool yed' smasanil co pensar tzach co naxicoti, ayic ayon̈ ec' d'a jun chon̈ab' b'aj ic'b'ilon̈b'at chi', tzon̈ lesalvicot d'a stojolal jun lum ac'nac tic d'a eb' co mam quicham yed' jun chon̈ab' sic'b'ilel uuj tic yed' d'a stojolal jun templo ix in b'o tic,

Apoc 2:13

Vojtac b'ajtil ayex eq'ui. Ay ex ec' d'a jun chon̈ab' b'aj syac' yajalil vin̈ Satanás, palta an̈eja' tzin e c'anab'ajej. A vin̈aj Antipas, yac'nac val testigoal sb'a vin̈ vuuj. Milb'ilcham vin̈ d'a e cal b'aj ayec' vin̈ Satanás chi', palta an̈eja' tec'an ix eyutej e b'a d'ayin.

A Scarta San Pablo D'a Eb' Aj Filipos 1:14

Ayic yilan eb' creyente to tec'an svutej in b'a d'a preso tic, tzijtum eb' ix stec'b'ejpax sb'a vuuj. Maxtzac xivlaj eb' yalanel slolonel Dios d'a tic. Ix stec'b'ej sb'a eb' yac'anoch Cajal Jesús yipoc sc'ool.

A Tas Sc'ulejnac Eb' Schecab' Jesús Hechos 21:5

Axo yic ix ec'b'at uque' c'ual chi', ix on̈ b'atxi. Axo eb' vin̈ cuc'tac chi' smasanil yed' eb' ix yetb'eyum eb' vin̈ yed' pax eb' yuninal eb' vin̈, ix xid'ec' eb' on̈ yac'canel d'a stiel chon̈ab' chi'. Axo ta' ix on̈ em cuman d'a sti' a' mar, ix on̈ lesalvi.

A Tas Sc'ulejnac Eb' Schecab' Jesús Hechos 20:24

Palta a juntzan̈ chi', malaj tas tzin na yuuj. Vach'chom ol in smilcham eb', palta b'alaj malaj yelc'och jun chi' d'ayin. An̈ej jun tzin na'a to svac'can lajvoc jun in munlajel ayoch tic d'a vib'an̈ d'a tzalajc'olal, yic slajvi vopisio yac'nac Cajal Jesús d'ayin, yic svalanel vach' ab'ix to nivan svach'c'olal Dios d'a eb' anima.

A Tas Sc'ulejnac Eb' Schecab' Jesús Hechos 7:60

Ix lajvi chi' ix em cuman vin̈. Te chaan̈ ix yutej sjaj vin̈ slesalvi d'a Dios: —Mamin, man̈ ac'canoch jun smul eb' tic d'a yib'an̈, xchi vin̈. Ix lajvi yalan jun chi' vin̈, ix cham vin̈.

A Tas Sc'ulejnac Eb' Schecab' Jesús Hechos 5:20

—Ixiquec d'a stemplo Dios. Tzex och d'a yol yamaq'uil. Tzex aj lin̈an ta', tzeyalanel vach' ab'ix yic q'uinal d'a juneln̈ej, xchi jun ángel chi' d'a eb' vin̈.

A Tas Sc'ulejnac Eb' Schecab' Jesús Hechos 4:29

Axo ticnaic Mamin, ina val eb' tic, ste cot yoval eb' d'ayon̈. Yuj chi', ac' co tec'anil yic max on̈ xiv calanel a lolonel, yujto a checab' on̈.

A Tas Sc'ulejnac Eb' Schecab' Jesús Hechos 3:1

A junel, d'a a las tres yic yemc'ualil, molan ix b'at vin̈aj Pedro yed' vin̈aj Juan d'a stemplo Dios, yujto icha chi' yorail slesalvi eb' aj Israel ta'.

A Tas Sc'ulejnac Eb' Schecab' Jesús Hechos 2:15

¿Tom tze na'a to uc'um on̈ an̈? Maay, ina q'ue c'ualto ticnaic.

Lc 22:41

Ix lajvi chi', ix sb'esanel sb'a d'a stz'ey eb'. Icha am snajatil sb'at junoc jul-lab', icha chi' ix b'ati. Axo ta' ix em cuman, ix lesalvi.

Lc 14:26

—Tato ay eb' sja d'ayin, palta ta más nivan yelc'och smam snun eb' d'a vichan̈ snaani, ma ix yetb'eyum, yuninal, eb' yuc'tac, eb' ix yanab', ma sq'uinal eb', tato icha chi', max yal-laj yoch eb' in c'ayb'umoc.

Salmos 86:3

Mamin Jehová, oc'ocab' a c'ool d'ayin. Masanil c'u sval in b'a d'ayach.

Esdras 9:5

A val d'a jun rato chi', ix in q'ue vaan b'aj c'ojaninem chi', n̈ic'chimtac in pichul chi'. Ix in em cuman in lesalvi. Ix vic'anq'ue in c'ab' d'a yichan̈ Jehová in Diosal.

A Ch'an̈ B'ab'el Libro Yic Yab'ixal Eb' Rey 8:30

Maclej val in lesal a in a checab' in tic yed' yic eb' a chon̈ab' tic. Ayic tzon̈ lesalvi d'ayach tzon̈ cot q'uelan d'a stojolal jun a templo tic, comonoc tzab' d'a satchaan̈ b'aj cajan ach, tzac'an lajvoc co chucal d'a quib'an̈.

Dn 9:4

Ix in lesalvi d'a Jehová in Diosal, ix valan in b'a d'ay icha tic: Mamin, Vajal ach, te nivan elc'ochi, te satub'tac yilji a poder. Tzaq'uelc'och a trato yic tzac'an a vach'c'olal d'a eb' tzach xajanani, aton eb' sc'anab'ajan a checnab'il.

Mr 3:3

Ix yalan Jesús d'a vin̈ sicb'inaquel sc'ab' chi': —Q'uean̈ lin̈an, cotan̈ d'a co nan̈al tic, xchi Jesús d'a vin̈.