Dn 5:17 - Chuj San Mateo Bible

¹⁷ Ix yalan vin̈aj Daniel chi' icha tic: —Canocab' a silab' chi' d'ayach mamin rey. Syal ac'an jun opisio chi' d'a junocxo, palta ol vavtej jun tz'ib' tic, ol valan d'ayach tas val syalelc'och juntzan̈ lolonel tz'ib'ab'iloch d'a sat pat tic.

Chuj San Sebastian Bible

¹⁷ Xlajw cha, xta'w Daniel 'a win 'ixtic: —Can cab' jun tzo'n̈ a siylab' chi et' mamin rey, ax jun 'opiso cha, chucx cab' junc xo mach 'aj tzac'a. Palta an tic, 'oj wawtc jun tzo'n̈ letra tz'ib'b'il 'och tic ab'i', ax waln 'ayach, tas tzyal 'el'chi.

Dn 5:17 ပူးပေါင်းရင်းမြစ်များ

Gn 14:23

to malaj jab'oc tas scan d'ayin, malaj val jab'oc ch'al ma junoc ch'an̈al xan̈ab' scan d'ayin, yic vach' man̈ ol ala' to uuj tzin och b'eyumal.

A Ch'an̈ Schab'il Libro Yic Yab'ixal Eb' Rey 3:13

Palta ix yalan vin̈ d'a vin̈ sreyal Israel chi' icha tic: —¿Tas valan vic d'ayach? Ixic, b'at c'anb'ej a b'a d'a eb' vin̈ schecab' sdiosalcan eb' a mam a nun, xchi vin̈. Palta ix yalan vin̈ sreyal Israel chi': —Maay, yujto on̈ ic'jicot yuj Jehová a on̈ oxvan̈ rey on̈ tic, yic tzon̈ yac'anoch d'a yol sc'ab' eb' moabita, xchi vin̈.

A Ch'an̈ Schab'il Libro Yic Yab'ixal Eb' Rey 5:16

Ix tac'vi vin̈aj Eliseo chi': —Svac' in ti' d'a Jehová, aton ayin schecab', max in chalaj tas tzac' chi', xchi vin̈. Vach'chom ix ochn̈ej tean vin̈aj Naamán chi' d'a vin̈, palta maj schalaj vin̈.

A Ch'an̈ Schab'il Libro Yic Yab'ixal Eb' Rey 5:26

Palta ix yalan vin̈aj Eliseo chi' d'a vin̈ icha tic: —Ayic ix emta jun vin̈ vinac d'a yol scarruaje ix cot vin̈ ul ach scha'a, ¿tocval maj yil in pixan jun chi' tza na'a? A ticnaic, man̈ smojoc co chaan tumin yed' pichul. Man̈ smojoc pax co manan te' avb'en te', icha te' olivo yed' te' uva, noc' calnel, ma noc' vacax, ma eb' vin̈ checab' yed' eb' ix checab'.

Salmos 119:46

A d'a yichan̈ eb' vin̈ rey ol valel a checnab'il, man̈ ol in q'uixvoclaj valani.

Dn 2:6

Palta tato ol eyal d'ayin tas ix in vayichej chi' yed' tas syalelc'ochi, nivan silab' ol vac' spacoc d'ayex, te nivan pax ol aj eyelc'ochi. Yuj chi', alec d'ayin tas ix in vayichej chi' yed' tas syalelc'ochi, xchi vin̈ d'a eb' vin̈.

Dn 5:29

Ix lajvi chi', ix schecan vin̈aj rey Belsasar chi' ac'chajoch pichul púrpura d'a vin̈aj Daniel chi'. Ix ac'chajoch jun cadena nab'a oro d'a sjaj vin̈. Ix yalan vin̈ rey chi' d'a masanil anima to a d'a jun rato chi', ix ochcan vin̈aj Daniel chi' d'a yoxil yajalil d'a yol smacb'en.

A Tas Sc'ulejnac Eb' Schecab' Jesús Hechos 8:20

Yuj chi' ix yalan vin̈aj Pedro d'a vin̈: —Ach satocab'el yed' q'uen a tumin chi', yujto a jun tas syac' Dios d'a nab'an̈ej ix a nib'ej a man yed' jab' a tumin tic.