Dn 2:7 - Chuj San Mateo Bible

⁷ Ix tac'vi eb' vin̈ jelan chi' d'a schaelal icha tic: —Mamin rey, al a vayich chi' d'ayon̈ a on̈ a checab' on̈ tic yic ol cal d'ayach tas syalelc'ochi, xchi eb' vin̈.

Chuj San Sebastian Bible

⁷ 'Ix ta'w eb' 'a win rey jun 'ejm xo 'ixtic: —Mamin rey, al wal 'ayn̈ on̈, tas 'ix el 'a a waych cha, an̈ xo 'oj cal 'aych on̈, tas tzyal 'el'chi, xchi eb'.

Dn 2:7 ပူးပေါင်းရင်းမြစ်များ

Ec 10:4

Tato a junoc yajal scot yoval d'ayon̈ yuj co paltail, mocab' elan̈chameloc sco c'anel co b'a d'a copisio. Tato emnaquil scutej co b'a, tzon̈ ac'ji nivanc'olal vach'chom nivan co paltail chi'.

Dn 2:4

Ix yalan eb' vin̈ d'a vin̈ d'a ti' arameo icha tic: —Mamin rey, ayocab'n̈ej opisio tic d'a juneln̈ej. Al d'ayon̈ a on̈ a checab' on̈ tic tas ix a vayichej chi', ol calan d'ayach tas syalelc'ochi, xchi eb' vin̈.

Dn 2:8

Ix tac'vi vin̈ rey chi' d'a eb' vin̈ icha tic: —Vojtacxo to ton̈ej tze say modo tas tz'aj e colan e b'a, yuj chi' tzeyiq'uec' tiempo, yujto eyojtac to a tas ix val d'a e patic man̈ ol ec'laj.

Dn 2:9

Tato man̈ ol eyala' tas ix in vayichej chi', a tas nab'il vuj d'a eyib'an̈, ol ujoc, yujto ix e mol alej tas tzeyutej e pacan d'ayin d'a esal, yacb'an van e tan̈van in q'uexan tas nab'il vuj d'a e patic. Alec tas ix in vayichej chi', yic snachajel vuuj to ol yal eyalani tas syalelc'ochi, xchi vin̈.

Dn 4:7

Ix javi eb' smasanil: Aton eb' ajb'aal, eb' naumel lolonel, eb' schuman yed' q'uen c'anal yed' eb' ajchum. Ix valan in vayich chi' d'a eb', palta maj yal-laj eb' d'ayin tas syalelc'ochi.