Apoc 11:9 - Chuj San Mateo Bible

⁹ Nan̈al schan̈il c'ual man̈xo jantacoc anima ol ilan snivanil eb', tzijtum chon̈ab', tzijtum nación ol laj ilanoc. Ch'occh'oc ti'al syal junjun macan̈ eb' anima chi'. Man̈ ol chajoclaj mucjoc snivanil eb' chavan̈ chi' yuj eb'.

Chuj San Sebastian Bible

⁹ Nan̈l schan̈l c'u 'oj can t'ocn eb' ta'. Til wal 'anma 'oj 'ec' 'ilnoc sniwnal eb' chamnc cha. Til wal chon̈ab', til wal nacion̈ 'aj 'oj laj cot eb'. Chucchc sti junjn c'aj eb'. A eb' 'anma cha, ma'oj scha eb' mucxoc sniwnal eb' chamnc cha.

Apoc 11:9 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 13:22

yujto ix ach meltzaji, ix ach va'i, ix uc'anpax a' d'a jun lugar b'aj ix yal Jehová to max yal-laj. Yuj chi' jun, man̈ ol mucchaj a nivanil b'aj mucan eb' a mam icham, xchi vin̈ icham vinac chi' d'a vin̈.

Ec 6:3

Vach'chom a junoc vin̈ vinac ay 100-oc yuninal, nivan tiempo syil vin̈, palta tato max yac' tzalajb'oc sc'ol vin̈ yed' tas vach', tato chuclaj tz'aj smucchaj vin̈, a tzin naani to te vach' yic junoc eq'uelti' unin d'a yichan̈ jun vinac chi'.

Is 33:1

Ob'iltac ex, ex satumel anima, ex ixtum anima. Malaj mach tzex sataneli, ma tzex ixtani. Ayic ol lajvoc e satanel eb', tzeyixtanpax eb', ol ex satjoqueloc, ol ex ixtajpaxoc.

Jeremías 7:33

A snivanil eb' anima ayec' ticnaic d'a jun chon̈ab' tic, ol och schib'ejoc noc' ostoc yed' noc' chium noc' d'a caltac te'. Man̈xa mach ol xib'tan noc' d'a eb'.

Mt 7:2

Yujto icha tz'aj e ch'olb'itan tas yaj eb' eyetanimail chi', icha chi' ol ex yutoc Dios ex sch'olb'itani. A eyechlab' tzeyac'lab'ej, a ol ac'lab'aj pax d'ayex.

Apoc 10:11

Ix lajvi chi', ix aljipax d'ayin: —Yovalil ol al junelxo tastac ol ja d'a yib'an̈ juntzan̈ anima, d'a yib'an̈ juntzan̈ nación, d'a yib'an̈ junjun macan̈ ti'al yed' d'a yib'an̈ eb' rey, xchi d'ayin.

Apoc 11:11

Palta a val slajvi nan̈al schan̈il c'ual ol ac'jocxi pitzvoc eb' yuj Dios, ol q'uex lin̈an eb'. Ol te xiv jantac eb' ol ilanoc.

Apoc 13:7

Ix chajipax yac' oval yed' eb' yicxo Dios, masanto ix can eb' d'a yalan̈ yuuj. Ix ac'ji yopisio yac'an mandar masanil anima d'a junjun chon̈ab', d'a junjun nación, junjun in̈tilal yed' d'a junjun ti'al, ix ac'ji mandar eb' yuuj.

Apoc 17:15

Ix lajvi chi', ix yalanpax d'ayin: —A juntzan̈ a a' b'aj c'ojanem ix ajmul ix ix il chi', syalelc'ochi aton juntzan̈ chon̈ab', juntzan̈ nación yed' eb' anima d'a junjun ch'occh'oc ti'al.

Apoc 5:8

Ix lajvi schaanelta jun uum chi', axo eb' querubín schan̈van̈il yed' eb' 24 ichamtac vinac, ix em cuman eb' d'a yichan̈ jun Calnel sb'i chi'. Ay yarpa junjun eb', yed'nacpax junjun yuc'ab' eb' nab'a oro, b'ud'an d'a incienso. A incienso chi', a slesal eb' yicxo Dios sch'oxo'.

Apoc 5:9

Ix sb'itan jun ac' b'it eb' icha tic: A ach tic, a moj tza chaec' jun ch'an̈ uum chi' yic tza d'in̈chitanel spixul. Yujto ach miljichamoc, yuj chi' ix a manel eb' anima yed' a chiq'uil yic tz'och eb' yicoc Dios. Tzijtum eb' d'a junjun in̈tilal, d'a junjun ti'al, d'a junjun chon̈ab' yed' d'a junjun nación ix a mancaneli.