Am 3:3 - Chuj San Mateo Bible

³ Tato ay chavan̈oc junn̈ej sb'eyi, syalelc'ochi to vach' yac'an eb'.

Chuj San Sebastian Bible

³ Toto 'ay chawn̈oc 'anma moln sb'eyi, tzyal 'el'chi, to wach' yaj eb'.

Am 3:3 ပူးပေါင်းရင်းမြစ်များ

Gn 17:1

Ayic 99 ab'il sq'uinal vin̈aj Abram ix sch'oxanxi sb'a Jehová d'a vin̈, ix yalan icha tic: —A in ton Dios in, syal vuj masanil, vach'n̈ej tzutej a b'a d'a vichan̈.

Gn 5:22

Yictax ix alji yuninal vin̈ chi', 300 ab'il ix sc'anab'ajej Dios vin̈. D'a jun tiempoal chi', ayto yuninal vin̈ yed' yisil vin̈ ix alji.

Gn 6:9

Aton yab'ixal vin̈aj Noé tic: A vin̈aj Noé chi', te vach' ix yutej sb'a vin̈ d'a yichan̈ Dios, an̈ej vin̈ vach' spensar d'a scal eb' anima d'a jun tiempoal chi'. Ix sb'eyb'alej vin̈ icha sgana Dios.

Am 3:2

A exn̈ej tic ix ex in sic'canel d'a scal masanil juntzan̈xo chon̈ab' ay d'a yolyib'an̈q'uinal tic. Yuj chi' ol vac'och eyaelal yuj masanil chucal tze c'ulej.

Am 3:4

Tato tz'el yav noc' choj d'a caltac te', syalelc'ochi to toxo ix yamchaj schib'ej noc'. Tato tz'el yav noc' yune' choj d'a svaynub' d'a yoltac n̈aq'ueen, syalelc'ochi to ay tas ix yamchaj yuj noc'.

Am 4:1

Ex ix, b'aq'uech ex yuj e b'eyumal icha noc' vacax d'a Basán, ex cajan ex d'a tzalan yic chon̈ab' Samaria, ab'ec val jun tic: Tzeyixtej eb' meb'a' yed' eb' ilb'ajc'ol yilji, tzeyalan d'a eb' vin̈ eyetb'eyum: Iq'ueccot an̈ an̈ to scuq'uej an̈, xe chi.