A Tas Sc'ulejnac Eb' Schecab' Jesús Hechos 4:7 - Chuj San Mateo Bible

⁷ Ix b'at yac'an ic'joccot vin̈aj Pedro yed' vin̈aj Juan d'a yichan̈ eb' vin̈. Ix sc'anb'an eb' vin̈ d'a eb' vin̈: —¿B'ajtil ix eyic' jun eyopisio tic yic tze c'ulan juntzan̈ tic? ¿Mach tz'ac'an e c'uloc? xchi eb' vin̈.

Chuj San Sebastian Bible

⁷ 'Ix ya'n ewin 'ijxc cot Pedro yet' Juan 'a yojltac. 'Ix sc'anb'n ewin 'a eb' 'ixtic: —¿'Aj xeyij jun eyopiso tic, yuj cha, tze b'on jun tzo'n̈ tic? ¿Mach wal x'a'n e b'o'? xchi ewinac.

A Tas Sc'ulejnac Eb' Schecab' Jesús Hechos 4:7 ပူးပေါင်းရင်းမြစ်များ

Ex 2:14

Ix tac'vi vin̈ chi': —¿Mach ix ach ac'anoch yajalil, ma juezal d'a co cal tic? ¿Mato tza nib'ej tzin a mac'cham icha utej vin̈ aj Egipto evi? xchi vin̈. Ayic ix yab'an vin̈ tas ix yal vin̈ chi', ix xiv vin̈, yujto ix nachajel yuj vin̈ to ix el specal to ix smac'cham vin̈ aj Egipto chi' vin̈.

Mt 21:23

Ix ochxi Jesús d'a yol yamaq'uil stemplo Dios. Ix sc'ayb'an eb' anima ta'. Axo eb' vin̈ sat sacerdote yed' eb' vin̈ ichamtac vinac d'a scal eb' israel chi', ix c'och eb' vin̈, ix sc'anb'an eb' vin̈ d'ay: —¿Tas elc'ochi, yuj chi' a comon b'oej juntzan̈ chi' evi? ¿Mach val ac'jinac opisio chi'? xchi eb' vin̈.

Mr 11:28

Ix sc'anb'an eb' vin̈: —¿Tas opisio, yuj chi' a comon c'ulej juntzan̈ chi' evi? ¿Mach ac'jinac opisio chi'? xchi eb' vin̈ d'ay.

Jn 2:18

Axo eb' vin̈ aj Judea ix alan d'ay: —¿Tas junoc satub'tac tza ch'ox d'ayon̈, yic snachajel cuuj to ay alan ic a c'ulan juntzan̈ tic? xchi eb' vin̈ d'ay.

Jn 8:3

Axo eb' vin̈ c'ayb'um d'a ley Moisés yed' eb' vin̈ fariseo ix ic'ancot jun ix ix d'a Jesús, ix yamchaj ix yuj eb' vin̈ ayic van smulan ix. Ix ac'jioch ix yuj eb' vin̈ d'a yichan̈ Jesús yed' eb' ayec' yed'oc.

Jn 8:9

Ayic ix yab'an jun tic eb' vin̈, ix laj snaan sb'a junjun eb' vin̈, ayn̈ej smul eb' vin̈. Yuj chi' junjunal ix laj b'at eb' vin̈. A eb' vin̈ ichamtac vinac ix b'ab'laj b'ati, axo eb' vin̈ quelemtac, tzac'anto ix laj b'at eb' vin̈. Axon̈ej Jesús ix can sch'ocoj b'aj lin̈anec' jun ix ix chi'.

A Tas Sc'ulejnac Eb' Schecab' Jesús Hechos 4:10

Yuj chi' a jun tic ol cal d'ayex, yic ol yojtaquejel eb' quetisraelal smasanil. A vin̈ ix javi d'a eyichan̈ tic, ix b'oxi vin̈ yujn̈ej spoder Jesucristo aj Nazaret, aton jun ix e culusejq'uei. Palta axo Dios ix ac'anxi pitzvoc d'a scal eb' chamnac.

A Tas Sc'ulejnac Eb' Schecab' Jesús Hechos 4:6

Ajun vin̈aj Anás, vin̈ sat sacerdote ix c'ochpax yed' eb' vin̈, an̈ejtona' ix c'ochpax vin̈aj Caifás, vin̈aj Juan yed' vin̈aj Alejandro yed' jantacn̈ej eb' sc'ab' yoc eb' vin̈ sat sacerdote.

A Tas Sc'ulejnac Eb' Schecab' Jesús Hechos 4:8

Axo vin̈aj Pedro chi', te ayoch Yespíritu Dios yed' vin̈, yuj chi' ix yal vin̈ icha tic: —Ex yajal eyaj d'a eb' chon̈ab' yed' ex yichamtac vinaquil israel,

A Tas Sc'ulejnac Eb' Schecab' Jesús Hechos 5:40

Ix snaan eb' vin̈ yajal chi' to te yel syal vin̈. Yuj chi' ix avtajxioch eb' vin̈ schecab' Jesús chi' yuj eb' vin̈. Ix yalan eb' vin̈ to smac'ji eb' vin̈. Ix yalanpax eb' vin̈ d'a eb' vin̈ to maxtzac yalel yab'ixal Jesús eb' vin̈. Ix lajvi chi', ix actajel eb' vin̈.