A Tas Sc'ulejnac Eb' Schecab' Jesús Hechos 10:7 - Chuj San Mateo Bible

⁷ Ix lajvi spax jun ángel chi', ix yavtancot chavan̈ eb' vin̈ schecab' vin̈aj Cornelio chi' yed' pax jun vin̈ soldado yac'umaltaxon servil vin̈ yaji. A jun vin̈ soldado chi', an̈ej d'a Dios ayoch spensar vin̈.

Chuj San Sebastian Bible

⁷ Xlajw xoj s'at jun ángel cha, 'ix yawtn cot win chawn̈ eb' schecab', yet' jun soldado to ya'mal xon servil winac. A jun soldado cha, cojn 'a Dios 'aych snab'en.

A Tas Sc'ulejnac Eb' Schecab' Jesús Hechos 10:7 ပူးပေါင်းရင်းမြစ်များ

Gn 24:52

Axo yic ix yab'an vin̈ checab' chi' jun, ix em cumnaj vin̈ d'a yichan̈ Jehová, ix yac'an yuj diosal vin̈ d'ay.

Mt 2:13

Ix lajvi spax eb' vin̈ mago chi', ay jun yángel Dios Cajal ix ch'ox sb'a d'a vin̈aj José chi' d'a svayich, ix yalani: —Q'uean̈ vaan. Ic'b'at vin̈ unin tic ed'oc yed' snun. Elan̈ec d'a elan̈chamel. Tzex b'at d'a Egipto. Tzex cann̈ej ta', masanto ol valxi d'ayach, yujto a vin̈aj Herodes ol checan sayjoquec' jun unin tic, yujto sgana vin̈ ol yac' miljocchamoc, xchi jun ángel chi'.

Lc 2:25

A d'a jun tiempoal chi', ay jun vin̈ cajan d'a Jerusalén scuch Simeón. Te tojol sb'eyb'al jun vin̈ chi'. Slesalvi vin̈ d'a Dios. Van stan̈van vin̈ sc'och sc'ual yic ol colchaj chon̈ab' Israel chi'. Ayoch Yespíritu Dios d'a vin̈.

Lc 3:14

Ay pax eb' soldado ix c'anb'an d'a vin̈: —A on̈xo pax tic, ¿tas sco c'ulej? xchi eb'. —Man̈ e xib'tej eb' anima yuj eyesanoch junoc tas d'a yib'an̈ yic tzeyiq'uec' junoc tas d'a eb'. Schaocab' e c'ool ichataxon e tojol, xchi vin̈ d'a eb'.

A Tas Sc'ulejnac Eb' Schecab' Jesús Hechos 10:6

Ayec' vin̈ d'a spat jun vin̈ sq'uexul, aton jun vin̈ smunlaj yed' noc' tz'uum. A spat vin̈ chi', a d'a sti' a' mar ay, xchi jun ángel chi' d'a vin̈.

A Tas Sc'ulejnac Eb' Schecab' Jesús Hechos 10:8

Jantacn̈ej tas ix yal jun ángel chi', ix laj yal vin̈ d'a eb' vin̈. Ix lajvi chi', ix schecanb'at eb' vin̈ d'a chon̈ab' Jope chi'.

1 Ti 6:2

Tato ay eb' yetcreyenteal sb'a yed' spatrón, vach'chom creyente spatrón eb' chi', ayocab' yelc'och d'a eb'. Ec'alxo val vach' syutej eb' smunlaj d'ay, yujto creyente jun van schaan svach'il smunlajel eb' chi', xajanab'il vin̈ yuj Dios yed' eb'. Scham val alan juntzan̈ c'ayb'ub'al tic d'a eb' ta', tza c'ayb'an eb' d'ay.

Filemón 1:16

A ticnaic man̈xo checab'ocn̈ej yaj vin̈ d'ayach. Másxo nivan yopisio vin̈, yujto cuc'tacxo vin̈. Te xajanab'il vin̈ vuuj. A achxo, másxo val tza xajanej vin̈ ayic ol c'ochxoc vin̈ d'ayach. Man̈ yujoc to a checab' vin̈ tza xajanej vin̈, palta yujto yicxo Cajalil yaj vin̈ qued'oc.

Jueces 7:10

Tato tzach xiv a b'ati, emocab' vin̈ a checab' aj Fura ed'oc d'a scampamento eb' chi',