A Tas Sc'ulejnac Eb' Schecab' Jesús Hechos 1:11 - Chuj San Mateo Bible

¹¹ Ix yalan eb': —Ex vinac aj Galilea, ¿tas yuj an̈eja' eyajq'ue q'uelan d'a satchaan̈? A Jesús, ix el d'a e cal, ix pax d'a satchaan̈, icha ix aj eyilan sq'uex tic, icha pax chi' ol aj yemxuli, xchi eb' ángel chi' d'a eb'.

Chuj San Sebastian Bible

¹¹ 'Ix yaln eb' 'a eb' 'ixtic: —Ex winc 'aj Galilea, ¿tas yuj an̈ja q'ueln ex q'ue 'a satcha'an̈? A Jesús tic, 'ix 'ijx 'el 'a e cal, 'ix pax 'a satcha'an̈. 'Icha xeyil s'at tic, 'ixta 'oj jawc paxi, xchi eb' 'a eb'.

A Tas Sc'ulejnac Eb' Schecab' Jesús Hechos 1:11 ပူးပေါင်းရင်းမြစ်များ

Mt 16:27

Yujto a in Ac'b'il in cot yuj Dios voch animail tic, a yed' spoder in Mam ol in ja yed' eb' vángel. Axo vac'an spac chi' d'a junjun anima, icha tastac ix sc'ulej eb'.

Mt 16:28

Val yel sval d'ayex, ay juntzan̈ ex ayex ec' d'a tic, manto ex chamlaj, olto eyil in javi, ol in och Yajalil, xchi d'a eb' sc'ayb'um chi'.

Mt 24:30

Ichato chi' b'ian, axo scheclaj jun yechel d'a satchaan̈ to a in Ac'b'il in cot yuj Dios voch animail tic van vemuli. Axo eb' anima d'a junjun chon̈ab' d'a yolyib'an̈q'uinal tic, ol laj siq'uic'oc eb' yoq'ui, yujto ol yil eb' vemul d'a scal asun. Man̈ jantacoc in poder, te nivan in tziquiquial.

Mt 25:31

A in Ac'b'il in cot yuj Dios voch animail tic, ol in ja yed' eb' vángel smasanil, ol in och Yajalil. Ol in em c'ojan d'a in c'ojnub'. Ato ta' ol checlajelta to te nivan velc'ochi.

Mr 13:26

Ichato chi' b'ian, axo ol yilanq'ue eb' anima to a in Ac'b'il in cot yuj Dios voch animail tic ol in emul d'a scal asun. Man̈ jantacoc in poder, te nivan in tziquiquial ayic ol in javoc.

Mr 14:70

Palta ix yic'xiel vin̈ d'a yib'an̈. Junanto rato chi', ix yalanpax eb' ayec' chi' d'a vin̈: —Val yel a ach tic, etb'eyum a b'a yed' eb', yujto aj Galilea ach, xchi eb' d'a vin̈.

Mr 16:19

Ayic ix lajvi yalan juntzan̈ tic Cajal Jesús d'a eb' schecab' chi', ix ic'jiq'ue d'a satchaan̈. Ata' ix em c'ojan d'a svach' c'ab' Dios.

Lc 21:27

Ichato chi' ol yilan eb' to a in Ac'b'il in cot yuj Dios voch animail tic, ol in emul d'a scal asun yed' jantac in poder yed' in nivan tziquiquial.

Lc 24:5

Yuj chi' ix te xiv eb' ix, ix em cumjab' eb' ix d'a sat luum. Axo ix yalan eb' ángel chi' d'a eb' ix: —¿Tas yuj tze say jun pitzan d'a yol b'aj smucchaj eb' chamnac tic?

Jn 14:3

Ol lajvoc in b'oan eyed'tal chi' ta', ol in jax junelxo. Axo ul ex vic'an chi' ved'oc, yic vach' a b'aj ayinec' chi', ata' ol ex aj ved'oc.

A Tas Sc'ulejnac Eb' Schecab' Jesús Hechos 1:2

masanto ix ja jun c'ual ayic ix pax d'a satchaan̈. Ayic manto paxi, ix yalancan juntzan̈ schecnab'il d'a eb' schecab', aton eb' sic'b'ilel yuuj, icha ix ac'ji yal yuj Yespíritu Dios.

A Tas Sc'ulejnac Eb' Schecab' Jesús Hechos 1:9

Axo ix lajvi yalan juntzan̈ chi', ix q'uex d'a satchaan̈. Q'uelanq'ue eb' d'ay ix satq'ue d'a scal jun asun. Majxo yil-laj eb'.

A Tas Sc'ulejnac Eb' Schecab' Jesús Hechos 13:31

Ix lajvi chi', tzijtumto c'ual ix ec' yed' eb' sc'ayb'um. Aton eb' cot yed' d'a Galilea sc'och eb' d'a Jerusalén yed'oc ayic manto chami. A eb' chi', van yalanel yab'ixal eb' d'a scal eb' anima ticnaic.

A Tas Sc'ulejnac Eb' Schecab' Jesús Hechos 2:7

Ix te sat sc'ool eb', ix laj och q'ueljab' eb'. Ix laj yalan eb': —A val eb' van slolon tic, aj Galilea eb' smasanil.

A Tas Sc'ulejnac Eb' Schecab' Jesús Hechos 3:12

Ayic ix yilan jun chi' vin̈aj Pedro chi', ix yalan vin̈ d'a eb': —Ex vetisraelal, ¿tas yuj ste sat e c'ool on̈ eyilani? ¿Tas yuj tzex och q'uelan d'ayon̈? Man̈ e na'a to yuj co jelanil mato yuj co vach'il ix b'oxi sb'ey jun vin̈ tic.

A Tas Sc'ulejnac Eb' Schecab' Jesús Hechos 3:21

Palta a ticnaic, yovalil ol cann̈ej Jesucristo d'a satchaan̈, masanto ol javoc jun tiempoal ayic ol b'o yaj masanil tas yuj Dios. Icha chi' yutejnac yalancanel d'a sti' eb' schecab' d'a peca', aton eb' yicn̈ej Dios yaji.

1 Ts 1:10

An̈ejtona' syalanpax eb' to van e tan̈van yemxul Yuninal Dios d'a satchaan̈, aton Jesús. A Dios ac'jinacxi pitzvoc d'a scal eb' chamnac. Aton tzon̈ colancanel d'a yol sc'ab' jun nivan yaelal ol javoc yuj yoval sc'ool Dios.

1 Ts 4:16

Ayic ol cot Cajal Jesús d'a satchaan̈, ol och jun av te chaan̈ icha yel yav jun sat ángel, ol oc' pax q'uen strompeta Dios. Axo eb' creyente chamnacxo ol b'ab'laj pitzvocxi eb'.

A Ch'an̈ Carta D'a Eb' Hebreo 9:28

An̈ejtona' Cristo, juneln̈ej ix milji silab'il, yuj chi' tzijtum on̈ ix ic'jiel co mul yuuj. Ayic ol jax d'a schaelal, man̈xo yujoc yic'anel co mul ol jaxoc, palta ol ja yac' co colnab'il a on̈ van co tan̈van sjax tic.

Apoc 1:7

A Cristo toxo ol javoc d'a scal asun. Masanil eb' anima ol ilan sjavi. Yed' pax eb' tecjinacchamoc, ol yil eb' sjavi. Axo eb' anima d'a junjun chon̈ab' d'a yolyib'an̈q'uinal tic, ayic ol yilan eb', ol laj oc' eb'. Val yel icha chi' ol ajoc. Amén.