2 Ti 3:9 - Chuj San Mateo Bible

⁹ Palta a eb' chi', ol checlajel eb' d'a yichan̈ eb' anima smasanil to malaj spensar eb', yuj chi' man̈ ol yac'laj ganar eb'. Icha ajnac scheclajel eb' vin̈ chichonnac och sc'ool d'a vin̈aj Moisés chi', icha chi' ol aj scheclajel eb'.

Chuj San Sebastian Bible

⁹ Palta a eb' cha, ma'oj yac' ganar eb', yujto 'oj checljoc 'el eb' 'a sat smasnil 'anma', chajtlto man̈ nab'enal yaj eb'. 'Icha 'ajnc scheclj 'el ewin chichnnac 'och 'a Moisés, 'ixta 'oj 'aj eb' scheclj 'eli.

2 Ti 3:9 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 22:25

Ix tac'vi vin̈aj Micaías chi' icha tic: —Olxo ab'i ayic ol ach ec' a c'ub'ejel a b'a d'a yoltac pat, xchi vin̈.

Salmos 76:10

A yoval sc'ol eb' anima, ol ac'can meltzajoch d'a aloj vach' lolonel d'ayach. A jab'ocxo yoval sc'ol eb' chi', ol a cachoch vaan.

Ex 7:11

Ayic ix yilan vin̈ rey icha chi', ix schec vin̈ avtaj eb' vin̈ aj Egipto, eb' vin̈ jelan yed' juntzan̈ yic yajb'alil, ix sc'ulan eb' vin̈ icha ix sc'ulej vin̈aj Aarón chi'.

Ex 7:12

Ix yactejpaxem sc'ococh eb' vin̈ d'a sat luum, ix ochpax chanil, palta ix turjib'at sc'ococh eb' vin̈ chi' yuj yic vin̈aj Aarón chi'.

Ex 9:11

Axo eb' ay tas tzuji yuj yalani, majxo yal-laj sch'oxan sb'a eb' d'a yichan̈ vin̈aj Moisés chi', yujto ya ay eb' yuj yab'il yaxc'a icha yaj masanil eb' anima d'a Egipto chi'.

Jeremías 37:19

¿Tas ix aj yelc'och slolonel juntzan̈ eb' syaloch sb'a schecab'oc Dios, eb' ix alani to man̈ ol javoc vin̈ sreyal Babilonia yac' oval yed' jun chon̈ab' tic?

Lc 6:11

Axo eb' vin̈ c'ayb'um d'a ley chi' yed' eb' vin̈ fariseo, ix te cot yoval eb' vin̈, ix och ijan eb' vin̈ sc'anb'an d'ay junjun tas vach' syutej eb' vin̈ yic'ancot d'a yib'an̈ Jesús chi'.

A Tas Sc'ulejnac Eb' Schecab' Jesús Hechos 13:11

A ticnaic, ol yac'cot yaelal Cajal Jesús d'a ib'an̈. Ol yac' ixtax yol a sat, yuj chi' man̈xo ol yal-laj ilan yoc c'u junoc tiempoal, xchi vin̈aj Pablo chi' d'a vin̈. D'a jun rato chi', ix ixtax yol sat vin̈. Majxo yal yilan jab'oc vin̈. Yuj chi', ix machmonec' vin̈, ix snib'ej vin̈ to ay junoc mach squetzan b'eyec'oc.

2 Ti 3:8

Icha ajnac schichonoch sc'ool vin̈aj Janes yed' vin̈aj Jambres d'a vin̈aj Moisés, icha pax chi' schichonoch sc'ool eb' anima sval tic d'a jun c'ayb'ub'al te yel. Toxonton juvinaquel spensar eb'. A sb'eyb'al eb' sch'oxaneli to man̈oc d'a Dios ayoch spensar eb'.