A Ch'an̈ Schab'l Libro Samuel 9:2 - Chuj San Mateo Bible

² Ay jun vin̈ schecab' vin̈aj Saúl scuch Siba, ix avtajcot vin̈ d'a yichan̈ vin̈aj rey David chi'. Axo yic ix javi vin̈, ix sc'anb'an vin̈ rey chi' d'a vin̈ icha tic: —¿A ach am tic tza cuch Siba? xchi vin̈ d'a vin̈. —I', a in ton mamin rey, xchi vin̈.

Chuj San Sebastian Bible

² 'Ay jun win schecb' eb' yunnal Saúl chi checl yaji, Siba sb'i winac, 'ix 'at cot winac, yic tzjaw win 'a yojltac David. Ax yic xjaw winac, 'ix sc'anb'n win rey chi 'a win 'ixtic: —¿Ach am tic Siba a b'i? xchi. —N', an ton mamin rey, xchi winac.

A Ch'an̈ Schab'l Libro Samuel 9:2 ပူးပေါင်းရင်းမြစ်များ

Gn 24:2

Ay jun schecab' vin̈ te ichamxo, sat yaj d'a juntzan̈xo eb' schecab', ayoch yilumaloc masanil tastac ay d'a vin̈. Ay jun c'ual ix avtaj vin̈ yuj vin̈aj Abraham chi', ix yalan vin̈: —Ac'och a c'ab' d'a yalan̈ in xub' tic,

Gn 39:6

Ix cann̈ej vin̈aj José chi' stan̈vumaloc smasanil, yuj chi' man̈xalaj tas ix sna' vin̈aj Potifar chi', palta an̈ej tas tz'aj sb'o svael vin̈ syila'. Te vach' yilji vin̈aj José chi', te vach' pax snivanil vin̈ smasanil.

A Ch'an̈ Schab'l Libro Samuel 19:17

Tzac'anoch mil eb' soldado yin̈tilal Benjamín yuj vin̈aj Simei chi'. Axo pax vin̈aj Siba, checab' yaj d'a eb' yin̈tilal vin̈aj Saúl, 15 eb' yuninal vin̈ yed'nac yed' pax 20 eb' schecab' vin̈, ix b'ab'laj c'och eb' d'a vin̈aj rey David chi' d'a sti' a' Jordán.

A Ch'an̈ Schab'l Libro Samuel 19:18

Elan̈chamel ix c'axpajec' eb' d'a sjayil a' yic syic'anec'ta eb' yuninal vin̈ rey chi' eb' yed' ix yetb'eyum vin̈. Ix colvajpax eb' d'a b'ajtac syal vin̈ rey chi'. Ayic mantzac c'axpajec'ta vin̈ rey d'a yol a' chi', ix c'och vin̈aj Simei, ix em n̈ojan vin̈ d'a yichan̈ vin̈.