A Ch'an̈ Schab'l Libro Samuel 8:10 - Chuj San Mateo Bible

¹⁰ ix schecanb'at jun yuninal vin̈ scuchan Joram d'a vin̈. Ix yac'anpaxb'at q'uen plata vin̈, q'uen oro yed' q'uen bronce, yuj yac'an stzatzil sc'ol vin̈aj David chi' vin̈. Ix yalanpaxb'at vach' lolonel vin̈ d'a vin̈ yujto ix ac'ji ganar vin̈aj Hadad-ezer yuj vin̈, yujto yac'nac oval vin̈aj Toi chi' yed' vin̈aj Hadad-ezer chi'.

Chuj San Sebastian Bible

¹⁰ 'ix schecn 'at jun yunnal tzcuch Jorám 'a rey David; xya'n 'at pax q'uen plata, q'uen oro, yet' q'uen bronce, yuj ya'n stzatzl sc'ojl David cha, yet' pax yuj yaln wach' paxti 'a 'a, yujto a Toi ya'jnac pax owl yet' Hadad-ezer cha.

A Ch'an̈ Schab'l Libro Samuel 8:10 ပူးပေါင်းရင်းမြစ်များ

Gn 43:27

Ix lajvi chi' ix sc'anb'an vin̈ d'a eb' vin̈ tato vach'n̈ej sc'ol eb' vin̈, ix yalan vin̈: —¿Janic' sc'ol vin̈ e mam, vin̈ te ichamxo ix eyal d'ayin? ¿Pitzan tom vin̈? xchi vin̈ d'a eb' vin̈.

A Ch'an̈ Schab'l Libro Samuel 8:11

A masanil juntzan̈ q'uen ix scha' vin̈aj David d'a vin̈aj Toi chi', ix yac'pax q'uen vin̈ d'a Jehová yed' q'uen oro yed' q'uen plata cotnac d'a juntzan̈xo chon̈ab' yac'nac ganar vin̈:

A Ch'an̈ Schab'l Libro Samuel 8:9

Axo pax vin̈aj Toi, sreyal Hamat, ayic ix yab'an vin̈ tas ix aj slajviel masanil eb' soldado vin̈aj Hadad-ezer yuj vin̈aj David chi',

A Ch'an̈ B'ab'el Libro Yic Yab'ixal Eb' Rey 1:47

Masanil eb' ay yopisio yed' vin̈aj rey David chi' ix b'at alan vin̈aj Salomón chi' vach'il. Ix yalan eb' to nivanocab' ol aj yelc'och vin̈ d'a yichan̈ vin̈ smam chi', nivanocab' pax ol aj smacb'en vin̈ d'a yichan̈ yic vin̈ smam chi'. A jun pax vin̈aj rey David chi' ix em n̈ojan d'a Dios d'a sat sch'at,

1 Cr 18:10

ix schecancot jun yuninal vin̈, scuchan Adoram. Yed'nac q'uen oro vin̈, q'uen plata yed' q'uen bronce yic tz'ac'ji stzatzil sc'ool vin̈aj rey David yed' yalan vach' lolonel d'a vin̈, yujto ix ac'ji ganar vin̈aj rey Hadad-ezer chi' yuj vin̈. A vin̈aj Toi chi' yac'nac oval vin̈ yed' vin̈aj rey Hadad-ezer chi' d'a yalan̈taxo.

2 Cr 32:23

Yuj chi', tzijtum eb' ix yic'cot yofrenda d'a Jerusalén, ix yac'an eb' d'a Jehová, ix yac'anpax silab' eb' te caro stojol d'a vin̈aj Ezequías chi'. A d'a jun tiempoal chi' nivan ix aj yelc'och vin̈ d'a juntzan̈xo chon̈ab'.

Salmos 129:8

Man̈ ol yal-laj eb' anima tz'ec' d'a stz'ey an̈ an̈c'ultac chi': Yac'ocab' syaxilal Jehová d'a yib'an̈ an̈. Sco c'an yaxilal d'a yib'an̈ an̈, man̈ xchioc eb'.

Is 39:1

A d'a jun tiempoal chi', a vin̈aj Merodac-baladán, sreyal Babilonia, yuninal vin̈aj Baladán, ix yab' vin̈ yalji to penaayaxnac vin̈aj Ezequías chi', palta b'oxnacxi sc'ol vin̈. Yuj chi' ix scheccot juntzan̈ eb' schecab' vin̈ yic tzul yac'ancan eb' tas ix tz'ib'ejcot vin̈ rey chi' yed' silab'.

A Ch'an̈ B'ab'el Libro Samuel 13:10

Ayic van slajvi sn̈usan silab' chi' vin̈, ix c'och vin̈aj Samuel chi'. Ayic ix yab'an vin̈aj Saúl chi' to sc'och vin̈, ix elta vin̈ scha vin̈ yic syac'an stzatzil sc'ool vin̈.