A Ch'an̈ Schab'l Libro Samuel 7:9 - Chuj San Mateo Bible

⁹ Yaln̈ej b'ajtil tzach eq'ui ayinn̈ej och ed'oc. Ix in satel masanil eb' ayoch ajc'olal d'ayach, ol ach vac' b'inaj icha eb' nivac vinac d'a yolyib'an̈q'uinal tic.

Chuj San Sebastian Bible

⁹ Tzann̈j 'ajtil ach 'eq'ui, caw 'aynn̈ej 'och et'oc, in satjnac 'el smasnil eb' 'ajc'ojl yajch 'ayach, xwi'n q'ue'ch a b'inab'ilal, 'icha sb'inax eb' niwc winc 'a yolyib'n̈q'uinl tic.

A Ch'an̈ Schab'l Libro Samuel 7:9 ပူးပေါင်းရင်းမြစ်များ

Gn 12:2

A in̈tilal ol och nivac nacional vuuj, ol in ch'oxan in vach'c'olal d'ayach. Yelxo val nivan ol aj a b'inaji, uuj ol scha vach'c'olal masanil eb' anima.

A Ch'an̈ Schab'l Libro Samuel 22:1

A vin̈aj David ix b'itan jun b'it tic d'a Jehová ayic ix colchajel vin̈ d'a yol sc'ab' vin̈aj rey Saúl yed' d'a yol sc'ab' eb' ajc'ol d'a vin̈.

A Ch'an̈ Schab'l Libro Samuel 22:30

Yuj a colval ix in saclemejb'at eb' soldado, ix in c'axpajec' d'a yib'an̈ smuroal juntzan̈ chon̈ab'.

A Ch'an̈ Schab'l Libro Samuel 22:43

Choc' tz'aj eb' vuuj icha val lum pococ tz'ic'chajq'ue vaan yuj ic'. Tzin tec'anem eb' icha val stec'chajem lum soc'om d'a yoltac b'e.

A Ch'an̈ Schab'l Libro Samuel 23:1

Aton juntzan̈ slajvub' slolonel vin̈aj rey David tic: A vin̈aj David yuninal vin̈aj Isaí, ix ic'jivalchaan̈ vin̈ yuj Dios Axon̈ej Ochi. Ix sic'jiel vin̈ yuj Dios chi' yic tz'och vin̈ reyal d'a scal eb' yin̈tilal vin̈aj Jacob. Te vach' sb'itan vin̈ d'a scal eb' yetisraelal. A vin̈ ix alan icha tic:

A Ch'an̈ Schab'l Libro Samuel 5:10

A Jehová Dios Yajal d'a Smasanil, a ayoch yed' vin̈aj David chi', yuj chi' te nivan ix aj sb'inaj vin̈.

A Ch'an̈ Schab'l Libro Samuel 8:13

Ix te b'inaj val vin̈aj rey David chi' sic'lab'il ayic ix meltzajxi vin̈ d'a oval yed' eb' edomita, 18 mil eb' ix cham yuj vin̈ d'a jun Span̈anil Atz'am Atz'am.

A Ch'an̈ Schab'l Libro Samuel 8:14

Elan̈chamel ix yac'och eb' soldado vin̈aj David chi' stan̈vej Edom. Masanil eb' aj Edom chi', ix can eb' d'a yalan̈ smandar vin̈. A Jehová ix ochn̈ej yed' vin̈ d'a oval chi', yuj chi' yaln̈ej b'ajtil sb'at vin̈ yac' oval, syac'n̈ej ganar vin̈.

A Ch'an̈ Schab'l Libro Samuel 8:6

Elan̈chamel ix yac'och eb' soldado vin̈aj rey David chi' d'a yol yic Damasco chi', icha chi' ix aj scan eb' sirio chi' d'a yalan̈ smandar vin̈. Ix checji yac' tumin eb' d'a junjun ab'il. A Jehová ix och yed' vin̈, yuj chi' yaln̈ej b'aj ix b'at vin̈ yac' oval, ix yac'n̈ej ganar vin̈.

1 Cr 17:8

B'ajtactil ix ach eq'ui ayinn̈ej och ed'oc, ix in satel masanil eb' ajc'ol ix ac'an oval ed'oc, ol ach vac'an b'inajoc, icha sb'inaj eb' nivac yajal ay d'a yolyib'an̈q'uinal tic.

Salmos 21:6

Man̈ jantacoc a vach'c'olal ix ac' d'ayin d'a masanil tiempo. Ste tzalaj in c'ool d'a ichan̈.

Salmos 89:23

Ol in tec'canem eb' ayoch ajc'olal d'a vin̈. Ol in milancham eb' schichonoch sc'ol d'a vin̈.

Lc 1:52

Ix ic'jicanel eb' yajal d'a yopisio. Axo eb' nanam, ix ic'ji chaan̈ eb'.

Josué 6:27

Ix colvaj val Jehová yed' vin̈aj Josué chi', te nivan ix aj sb'inaj vin̈ d'a masanil juntzan̈ lugar chi'.

A Ch'an̈ B'ab'el Libro Samuel 18:14

Yaln̈ej b'aj ix ec' vin̈aj David chi', vach'n̈ej tz'aj yelc'ochi, yujto a Jehová ayoch yed' vin̈.

A Ch'an̈ B'ab'el Libro Samuel 18:30

A eb' filisteo ix te ochn̈ej eb' yac' oval yed' eb' israel, palta a vin̈aj David chi', te jelan vin̈ d'a oval d'a yichan̈ juntzan̈xo eb' yetyajalil soldado vin̈aj Saúl d'a juntac el, yuj chi' ix te b'inaj vin̈.

A Ch'an̈ B'ab'el Libro Samuel 2:8

A Jehová tz'ic'anchaan̈ eb' meb'a' d'a sat luum, sic'anq'ue vaan eb' c'anum tumin d'a scal c'alem, yic tz'em c'ojan eb' d'a scal eb' nivac yajal, tz'och eb' d'a nivac opisio. A Jehová ix b'oanem yich jun yolyib'an̈q'uinal tic, axo d'a yib'an̈ ix sb'oem lum luum tic.

A Ch'an̈ B'ab'el Libro Samuel 31:6

A d'a jun c'u chi' ix cham vin̈aj Saúl, eb' yuninal vin̈ yoxvan̈il, vin̈ ed'jinac syamc'ab' vin̈ chi' yed' masanil eb' israel yed'nac vin̈.

A Ch'an̈ B'ab'el Libro Samuel 5:10

Yuj chi' ix yic'b'at te' caxa chi' eb', ix b'at yac'ancan te' eb' d'a Ecrón. Ayic ix c'och te' ta', ix q'uex yav eb' anima ta', ix yalan eb': Ix eyic'cot te' scaxail strato sDiosal eb' israel d'a tic yic tzon̈ cham yuuj co masanil, xchi eb'.