A Ch'an̈ Schab'l Libro Samuel 7:29 - Chuj San Mateo Bible

²⁹ Elocab' d'a a c'ool ac'an a vach'c'olal d'a vin̈tilal yic stec'b'ejn̈ej sb'a eb' d'a ichan̈. Mamin Jehová, a ach ix alcan jun tic, yuj chi' a yuj a vach'c'olal, vach' ol ajcan vin̈tilal d'a masanil tiempo, xchi vin̈ d'a Jehová chi'.

Chuj San Sebastian Bible

²⁹ 'El cab' wal 'a a c'ojol, 'ac' a yaxilal 'a yib'n̈ eb' win̈til, sec wach' te'n cab' yaj eb' 'a ojltac 'a jun 'ejmn̈ej. Ach tic Mamin, ach wal 'ix alcn jun tic. Yuj a wach'c'ojlal cha, caw wach' 'oj 'ec' yuj eb' win̈tl 'a smasnil tiempo, xchi David.

A Ch'an̈ Schab'l Libro Samuel 7:29 ပူးပေါင်းရင်းမြစ်များ

A Ch'an̈ Schab'l Libro Samuel 22:51

Uuj val, svac' ganar nivac oval a in rey in tic, a in sic'b'il in el uuj. D'a masanil tiempo tza ch'ox a vach'c'olal d'ayin, a in David in tic yed' d'a eb' vin̈tilal icha ajnac alani, xchi vin̈aj David d'a sb'it d'a Jehová.

A Ch'an̈ Schab'l Libro Samuel 8:1

A vin̈aj rey David yed' eb' soldado ix yac' ganar eb' filisteo eb', yuj chi' ix can eb' d'a yalan̈ smandar vin̈.

1 Cr 17:27

A ticnaic jun, elocab' d'a a c'ol ac'an a vach'c'olal d'a vin̈tilal, yic vach' ol ajn̈ej ec' eb' d'a ichan̈. A ach ol ac' a vach'c'olal d'a eb', ol schaann̈ej eb' d'a masanil tiempo, xchi vin̈aj rey David chi' d'a Jehová.

Is 55:3

Cotan̈ec d'ayin, maclejec val eyab' tas svala', ol ex ajn̈ejec'oc. Ol in b'o junoc in trato eyed'oc d'a juneln̈ej yujto tzex in xajanej, yic tz'elc'och in ti' vac'nac d'a vin̈aj rey David.