A Ch'an̈ Schab'l Libro Samuel 6:16 - Chuj San Mateo Bible

¹⁶ Ayic ix javi te' scaxail trato chi' d'a schon̈ab' vin̈aj David chi', d'an̈anelta ix Mical yisilcan vin̈aj Saúl d'a sventena. Ix yilan ix to a vin̈aj David chi' sq'ue chennaj vin̈ d'a yichan̈ Jehová, yuj chi' ix chab'axq'ue sc'ol ix d'a vin̈.

Chuj San Sebastian Bible

¹⁶ A yic xjaw te scaxail strato Jehová chi 'a yol schon̈b' David, c'uxn wal q'ueln 'elt 'ix Mical 'ix yisl win Saúl 'a swentnual yatut, ax xyilni to a win rey David, caw wal tzb'atj chan̈ yuj tzaljc'ojlal 'a yojltac Jehová; yuj cha, schab'c'ojlan 'el 'ix win 'a spixan.

A Ch'an̈ Schab'l Libro Samuel 6:16 ပူးပေါင်းရင်းမြစ်များ

A Ch'an̈ Schab'l Libro Samuel 3:14

Ix schecanpaxb'at eb' schecab' vin̈aj David chi' d'a vin̈aj Is-boset, ix yalan vin̈ icha tic: Ac'cot ix Mical, ix vetb'eyum, aton ix vic'nac yic vac'annac jun ciento sjolom svinaquil eb' vin̈ filisteo yuj stojoloc ix d'a vin̈ smam, xchib'at vin̈.

A Ch'an̈ Schab'l Libro Samuel 5:7

Vach'chom icha chi' ix yal eb', palta ix yac' ganar chon̈ab' Sion vin̈ rey chi', yuj chi' schon̈ab' vin̈aj David ix sb'iejcani.

A Ch'an̈ Schab'l Libro Samuel 6:15

Icha chi' ix sc'ulej vin̈ yed' masanil chon̈ab' Israel. Nivan q'uin̈ ix yutej eb' ayic ix yic'ancot te' scaxail trato chi' eb' d'a Jerusalén, tz'el yav eb', spu'an q'uen trompeta eb' d'a tzalajc'olal.

A Ch'an̈ Schab'l Libro Samuel 6:20

Ayic ix pax vin̈aj rey David chi' d'a spat yic syalan vach' lolonel vin̈ d'a yib'an̈ eb' cajan d'a spat chi', ix elta ix Mical chi' scha vin̈, ix yalan ix d'a vin̈ icha tic: —A ticnaic ach sreyal chon̈ab' Israel, te vach'xo val ix utej a ch'oxanel a b'a b'ian. Ix a ch'oxc'ab'ejel a b'a d'a sat eb' ix schecab' eb' vin̈ etyajalil. Te q'uixvelal ix utej a b'a icha junoc comon anima, xchi ix d'a vin̈.

1 Cr 15:29

Ayic ix javi te' scaxail strato Jehová chi' d'a Schon̈ab' vin̈aj rey David, axo ix Mical ix yetb'eyum vin̈, aton ix yisil vin̈aj Saúl, ix elta d'an̈an ix d'a sventena. Ayic ix yilan ix to a vin̈aj rey David chi', sq'uechennaj vin̈ yuj tzalajc'olal, yuj chi' ix schaquel vin̈ ix d'a spensar.

Salmos 123:3

Mamin Jehová, oc'oc val a c'ool d'ayon̈. Oc'ocab' a c'ool d'ayon̈, yujto maxtzac techajlaj cuuj b'aj tzon̈ paticajcaneli.

Salmos 69:7

Uuj val, ix techaj yec' juntzan̈ jixjon lolonel vuuj. Maxtzac yal-laj in c'ol tzin ch'ox in sat yuj q'uixvelal.

Is 53:3

A eb' anima, ol sb'uch jun checab' chi' eb', ol spatiquejel eb'. Ol ac'jococh yaelal d'a yib'an̈ yuj eb', ol techaj yuuj, yujto c'ajan yab'an syail. Icha junoc mach man̈xo smojoc yiljiochi, ol paticajeloc. Malaj ol elc'och jun checab' chi' d'ayon̈.

A Tas Sc'ulejnac Eb' Schecab' Jesús Hechos 2:13

Palta ay juntzan̈xo eb' jun, ton̈ej ix b'uchvaj eb'. Ix yalan eb': —A juntzan̈ eb' tic, uc'uman̈ eb', xchi eb'.

1 Co 2:14

A eb' man̈ ayococh Yespíritu Dios d'ay, max yac'och juntzan̈ c'ayb'ub'al tic eb' d'a sc'ool, yujto malaj tz'och d'a eb'. Max yal-laj scomon nachajel juntzan̈ tic yuj eb', yujto an̈ej Yespíritu Dios chi' tz'ac'an cojtaquejeli.

A Ch'an̈ B'ab'el Libro Samuel 18:17

Ix lajvi chi', ix yalan vin̈aj Saúl d'a vin̈aj David chi': —Svac' ix b'ab'el visil scuchan Merab etb'eyumoc, an̈ej to jelann̈ej tzutej a b'a d'a oval, tzac'an oval cuj a on̈ schon̈ab' on̈ Jehová tic, xchi vin̈. Ix sna vin̈aj Saúl icha chi' yujto malaj sgana vin̈ yoch smul smilan vin̈aj David chi', vach' ama tato a eb' filisteo smilan vin̈ snaan vin̈.

A Ch'an̈ B'ab'el Libro Samuel 18:20

Axo junxo ix yisil vin̈ scuchan Mical, te ay sgana ix d'a vin̈aj David chi'. Ayic ix yab'an vin̈aj Saúl chi' icha chi', te vach' ix yab' vin̈.