A Ch'an̈ Schab'l Libro Samuel 4:8 - Chuj San Mateo Bible

⁸ yic sb'at yac'an eb' vin̈ d'a vin̈aj rey David d'a Hebrón. Ix yalan eb' vin̈ d'a vin̈ icha tic: —Mamin rey, ix quic'cot sjolom vin̈aj Is-boset yuninal vin̈aj Saúl, vin̈ ochnac ajc'olal d'ayach, snib'ejnac vin̈ ach smilchamoc. Palta a ticnaic ix el d'a sc'ol Jehová yic tza pacan a b'a d'a vin̈aj Saúl yed' d'a yin̈tilal, xchi eb' vin̈.

Chuj San Sebastian Bible

⁸ yic tz'at ya'nc eb' 'a David, yujto ata 'ayc' 'a Hebrón. Ax yic xc'och eb', 'ix yaln eb' 'a win rey chi 'ixtic: —Mamin rey, tic xquij cot sjolm win Is-boset 'ayach, win yunnal Saúl, atn jun 'ajc'ojl yajch 'ayach, jun snib'jnac ach smil chamoc. Palta ax ticnec, x'el 'a sc'ojl Jehová ya'n 'ayach, yic tza pacn a b'a 'a Saúl yet' 'a eb' yin̈til, xchi eb' 'a David.

A Ch'an̈ Schab'l Libro Samuel 4:8 ပူးပေါင်းရင်းမြစ်များ

A Ch'an̈ Schab'l Libro Samuel 18:19

Axo vin̈aj Ahimaas yuninal vin̈aj Sadoc, ix alan d'a vin̈aj Joab: —Sval d'ayach, cha in b'ati yic b'at val d'a vin̈ rey to a Jehová toxo ix colanel vin̈ d'a yol sc'ab' eb' yajc'ool, xchi vin̈.

A Ch'an̈ Schab'l Libro Samuel 18:31

Ato val chi' ix ja n̈icnaj vin̈ aj Etiopía chi', ix yalan vin̈ icha tic: —Mamin rey, cha jun vach' ab'ix tzul val tic d'ayach: A ticnaic, toxo ix ach scolel Jehová d'a yol sc'ab' masanil eb' ix och ajc'olal d'ayach, xchi vin̈.

A Ch'an̈ Schab'l Libro Samuel 2:8

Axo ix aji, a vin̈aj Abner yuninal vin̈aj Ner, yajalil masanil eb' soldado vin̈aj Saúl, a vin̈ ix ic'anb'at vin̈aj Is-boset yuninal vin̈aj Saúl chi' d'a Mahanaim.

A Ch'an̈ Schab'l Libro Samuel 22:48

A ach tzac' yojtaquejel eb' tzin ixtani to ayach och ved'oc. Tzic'ancot eb' ch'oc chon̈ab'il d'a yalan̈ in mandar.

Salmos 71:24

Ol valel a tojolal d'a masanil q'uinal. A eb' ix nib'an to ay tas ix in ic'ani, ix telvi eb', ix te q'uixvicanel eb'.

Mt 2:20

—Q'uean̈ vaan. Ic'b'at vin̈ unin tic yed' snun. Paxan̈ec d'a e chon̈ab', yujto a eb' vin̈ sgana smilancham jun unin tic, chamnacxo eb' vin̈, xchi jun ángel chi'.

Apoc 18:20

Ix vab'an yalchaji: Ex aj satchaan̈, tzalajan̈ec yuj tas ix utaj jun chon̈ab' tic, yed' ex schecab' Jesucristo yed' ex yalumalel slolonel Dios yed' ex yic exxo Dios e masanil, tzalajan̈ec. Yujto icha ix ex yutej, icha chi' ix yutej Dios yac'an spac d'ay, xchi.

Apoc 6:10

A eb' chi' te chaan̈ ix yal eb' icha tic: —Ach Cajal, vach' achn̈ej toni. Yelton val tzala'. ¿B'aq'uin̈ val ol a ch'olb'itej tas yaj eb' ay d'a yolyib'an̈q'uinal yic tzac'anec' co pac d'a eb' yujto smilnac on̈ cham eb'? xchi eb'.

A Ch'an̈ B'ab'el Libro Samuel 18:11

Ix cot val numnaj d'a sjolom vin̈ ix yila', ix sjulanoch q'uen slanza vin̈ chi' d'a vin̈aj David chi', yic tz'ochcan ch'apnaj vin̈ yed' q'uen d'a sat pat chi' snaan vin̈, palta chael ix scol sb'a vin̈aj David chi'.

A Ch'an̈ B'ab'el Libro Samuel 19:1

Ix yalan vin̈aj Saúl d'a vin̈aj Jonatán yed' d'a eb' ay yopisio to smilcham vin̈aj David eb'. Palta te xajan vin̈aj David chi' yuj vin̈aj Jonatán chi',

A Ch'an̈ B'ab'el Libro Samuel 19:15

Ix schecanxib'at eb' schecab' vin̈aj Saúl chi', ix yalan vin̈: —Iq'ueccot vin̈ d'a sat sch'at chi' d'a tic, a in ol in milcham vin̈, xchi vin̈.

A Ch'an̈ B'ab'el Libro Samuel 20:1

Ix el lemnaj vin̈aj David d'a Naiot d'a yol yic Ramá, ix b'at yilan vin̈aj Jonatán vin̈, yic syal vin̈ d'a vin̈: —¿Tas val in mul? ¿Tom ay val junoc in mul te chuc ix in c'ulej d'a vin̈ a mam, yuj chi' tzin sayec' vin̈ yic tzin smilanchamoc? xchi vin̈.

A Ch'an̈ B'ab'el Libro Samuel 23:15

Ayic ix yab'an specal vin̈aj David chi' to an̈eja' sayjiec' vin̈ yuj vin̈aj Saúl chi' yic smilanchamoc, ix canxon̈ej vin̈ d'a Hores, d'a tz'inan luum d'a yol yic Zif chi'.

A Ch'an̈ B'ab'el Libro Samuel 24:4

Yuj chi' ix yal eb' vin̈ ajun yed' vin̈aj David chi': —A ticnaic ix elc'och tas ix yal Jehová to syac'och vin̈ ajc'ool d'a yol a c'ab'. A ach tza na'a tas tzutej, xchi eb' vin̈ d'a vin̈. Ix q'ue vaan vin̈, te c'ojanc'olal ix cot vin̈, ix spolanel jab' sti' sjucan pichul vin̈aj Saúl chi' vin̈.

A Ch'an̈ B'ab'el Libro Samuel 25:29

Vach'chom ay mach tzach pechan b'eyec'oc, snib'ej eb' tzach smilchamoc, malaj tas ol ach ic'anoc, yujto c'ub'ab'il ach el yuj Jehová co Diosal. Axo pax eb' ayoch ajc'olal d'ayach jun, a Jehová ol julanel eb' icha junoc mach sjulanel junoc q'uen q'ueen yed' junoc mejmeech.