A Ch'an̈ Schab'l Libro Samuel 4:4 - Chuj San Mateo Bible

⁴ (A vin̈aj Jonatán yuninal vin̈aj Saúl ay jun yuninal vin̈ cannac scuch Mefi-boset. A jun vin̈ chi', man̈ vach'oc yoc vin̈ schab'il, yujto ayic oye'anto ab'il sq'uinal vin̈, ix javi yab'ixal tas ix uji d'a Jezreel to toxo ix cham vin̈aj Saúl yed' vin̈aj Jonatán. Yuj chi' ix cheljib'at vin̈ yuj jun ix tz'ilan q'uib'oc, ix b'at eb' elelal yalani. Yujto ix spil yip ix yeli, ix yactanel vin̈ ix, yuj chi' icha chi' ix aj yixtaxcan yoc vin̈ chi'.)

Chuj San Sebastian Bible

⁴ (A Jonatán win yunnal Saúl, 'ay jun yunnal can win tzcuch Mefi-boset. A win tic, man̈ wach'c yoc win schab'il. Yujto a yic o'e xo ab'il sq'uinal, 'ix cot yab'xil a Jezreel to a Saúl yet' Jonatán tox 'ix cham eb' 'a owal. Yuj cha, 'ix me'x chan̈ Mefi-boset yuj jun 'ix 'ajcuenta sc'uytzani, xlajw cha, x'at 'ix 'elc yet'oc. Palta yujto caw xyac' 'ix 'ip s'at 'elc yet'oc, 'ix yactn 'el 'ix win 'unn cha, yuj cha, 'ixta x'aj win sjuw cani.)

A Ch'an̈ Schab'l Libro Samuel 4:4 ပူးပေါင်းရင်းမြစ်များ

A Ch'an̈ Schab'l Libro Samuel 21:7

Maj ac'jilaj vin̈aj Mefi-boset d'a yol sc'ab' eb', aton vin̈ yuninal vin̈aj Jonatán yixchiquin vin̈aj Saúl, yujto yac'nac sti' vin̈aj David d'a vin̈aj Jonatán chi' d'a yichan̈ Jehová to man̈ ol miljoccham yin̈tilal vin̈.

A Ch'an̈ Schab'l Libro Samuel 9:13

A vin̈aj Mefi-boset chi', chuclaj yoc vin̈ schab'il, a d'a Jerusalén ayec' vin̈ yujto ata' sva vin̈ yed' vin̈aj rey David chi'.

A Ch'an̈ Schab'l Libro Samuel 9:3

Ix sc'anb'an vin̈ rey chi' d'a vin̈ icha tic: —¿Man̈xa am val junoc yin̈tilal vin̈aj Saúl ayeq'ui, yic tzin ch'ox in vach'c'olal d'ay icha ix vutej vac'an in ti' d'a yichan̈ Jehová? xchi vin̈. Ix tac'vi vin̈aj Siba chi': —Aytocan jun vin̈ yuninal vin̈aj Jonatán, chuclaj yoc vin̈ schab'il, xchi vin̈.

A Ch'an̈ B'ab'el Libro Yic Yab'ixal Eb' Rey 11:17

A d'a jun tiempoal chi', yune' quelemto vin̈aj Hadad chi', palta elcan lemnaj vin̈, b'atcan vin̈ yed' juntzan̈ eb' schecab' vin̈ smam, sb'atcan eb' d'a Egipto.

1 Cr 8:34

Ay jun yuninal vin̈aj Jonatán chi', aton vin̈aj Merib-baal, smam vin̈aj Micaía.

1 Cr 9:40

A vin̈aj Jonatán chi' smam vin̈aj Merib-baal smam vin̈aj Micaía.

A Ch'an̈ B'ab'el Libro Samuel 29:1

Ayic mantzac b'at eb' soldado filisteo d'a Sunem, molanxoec' eb' d'a Afec, axo eb' israel ayec' eb' d'a sjaj a a' yic Jezreel.

A Ch'an̈ B'ab'el Libro Samuel 29:11

Yuj chi' a d'a junxo q'uin̈ib'alil chi', ix meltzaj vin̈aj David chi' yed' eb' soldado d'a schon̈ab' eb' ac'b'il. Axo eb' filisteo chi' ix q'uecan eb' d'a Jezreel.