A Ch'an̈ Schab'l Libro Samuel 4:12 - Chuj San Mateo Bible

¹² Ix lajvi chi', ix schecan vin̈ rey chi' miljicham eb' vin̈. Ix xicjiel sc'ab' eb' vin̈ yed' yoc yuj eb' soldado, ix q'ue locan snivanil eb' vin̈ b'aj ay yed'tal a a' d'a Hebrón chi'. Axo sjolom vin̈aj Is-boset chi', ix yic'b'at eb' soldado, ix smucan eb' b'aj mucan vin̈aj Abner, d'a Hebrón chi'.

Chuj San Sebastian Bible

¹² Xlajw cha, 'ix yaln David 'a eb' soldado chajtlto tzmilx cham ewinac, yuj cha, stzu'x 'el sc'ab' ewinac, yet' yoc ewinac, st'un̈n can q'ue ewin sniwnal eb' chi 'a sti 'aj tzyam sb'a a a 'a Hebrón. Xlajw cha, xyi'n 'at eb' sjolm win Is-boset cha, axta smuc eb' 'aj mucn win Abner 'a yol yic Hebrón cha.

A Ch'an̈ Schab'l Libro Samuel 4:12 ပူးပေါင်းရင်းမြစ်များ

A Ch'an̈ Schab'l Libro Samuel 1:15

Ix lajvin̈ej chi', ix yavtancot jun soldado vin̈aj David chi': —Milcham jun vinac tic, xchi vin̈. Val chi' ix miljicham vin̈ quelem chi'.

A Ch'an̈ Schab'l Libro Samuel 16:8

A ticnaic van a chaan spac yuj Jehová yuj jantac eb' yin̈tilal vin̈aj Saúl a milnacchamoc yic tzach ochcan reyal sq'uexuloc vin̈. A ticnaic toxo ix yac'och opisio Jehová d'a yol sc'ab' vin̈ uninal aj Absalón. Ix javi d'a ib'an̈ ticnaic yujto te milum ach anima, xchi vin̈ d'a vin̈ rey chi'.

A Ch'an̈ Schab'l Libro Samuel 2:8

Axo ix aji, a vin̈aj Abner yuninal vin̈aj Ner, yajalil masanil eb' soldado vin̈aj Saúl, a vin̈ ix ic'anb'at vin̈aj Is-boset yuninal vin̈aj Saúl chi' d'a Mahanaim.

A Ch'an̈ Schab'l Libro Samuel 21:9

Ix ac'jioch eb' vin̈ ucvan̈ chi' d'a yol sc'ab' eb' aj Gabaón chi'. Ix ac'jiq'ue locan eb' vin̈ d'a yichan̈ Jehová d'a jolom vitz. Icha chi' ix aj scham eb' vin̈ ucvan̈ chi' d'a stiempoal yel yich sjochchaj ixim cebada.

A Ch'an̈ Schab'l Libro Samuel 3:32

A d'a Hebrón ix smuc snivanil vin̈ chi' eb'. Ix oc' vin̈ rey chi' b'aj ix mucchaj vin̈aj Abner chi', ix oc'pax masanil eb' anima ajun yed' vin̈.

Salmos 55:23

Ach in Diosal, a eb' mac'umcham anima yed' eb' naumq'ue es, tzapan ol aj sq'uinal eb', man̈ ol yil-laj nan̈alb'oc sq'uinal eb'. A ach ton ol ac'b'at eb' b'aj smucchaj eb' chamnac. Palta a in tic, tzach vac'och yipoc in c'ool.

Mt 7:2

Yujto icha tz'aj e ch'olb'itan tas yaj eb' eyetanimail chi', icha chi' ol ex yutoc Dios ex sch'olb'itani. A eyechlab' tzeyac'lab'ej, a ol ac'lab'aj pax d'ayex.