A Ch'an̈ Schab'l Libro Samuel 3:9 - Chuj San Mateo Bible

^9-10 A Jehová ix yac' sti' d'a vin̈aj David to tz'ic'jiec' opisio d'a vin̈aj Saúl yed' pax d'a eb' yin̈tilal, tz'ochcan vin̈aj David chi' reyal d'a Israel yed' d'a Judá, scotn̈ej d'a chon̈ab' Dan masanto d'a Beerseba. Cotocab' yoval sc'ol Jehová d'a vib'an̈ tato max vac' vip yelc'och tas ix yal chi', xchi vin̈.

Chuj San Sebastian Bible

⁹ Ya' cab' cot Jehová yailal 'a wib'n̈ si'mb'il, toto matz wa'ch in b'a yet' David yic tz'el'ch 'icha yutjnac Jehová ya'n can sti 'a 'a.

A Ch'an̈ Schab'l Libro Samuel 3:9 ပူးပေါင်းရင်းမြစ်များ

A Ch'an̈ Schab'l Libro Samuel 19:13

Ix yalanxi vin̈ rey chi' to sb'at alchaj d'a vin̈aj Amasa icha tic: A ach tic ayto vuj in b'a ed'oc, yuj chi' a ticnaic, a ach ol ach och yajaliloc eb' soldado sq'uexuloc vin̈aj Joab. Tato max elc'och tas van valan tic, aocab' Dios tz'ac'ancot yaelal d'a vib'an̈, xchi vin̈.

A Ch'an̈ Schab'l Libro Samuel 19:14

Icha chi' ix aj smontanxi eb' aj Judá chi' vin̈ rey chi', junxon̈ej ix aj spensar eb', ix yalanb'at eb' d'a vin̈ to smeltzajxicot vin̈ yed' masanil eb' soldado.

A Ch'an̈ Schab'l Libro Samuel 3:35

Ix lajvi chi', ix yalan eb' d'a vin̈aj David chi' to sva jab'oc vin̈ yacb'an manto em c'u, palta ix yac' sti' vin̈ d'a yichan̈ Dios: —Aocab' Dios tz'ac'anoch yaelal d'a vib'an̈ tato svab'lej jab'oc vael ma junocxo tasi ayic manto em c'u, xchi vin̈.

A Ch'an̈ B'ab'el Libro Yic Yab'ixal Eb' Rey 19:2

Yuj chi', ix schecanb'at jun schecab' ix d'a vin̈aj Elías chi', ix yalanb'at ix icha tic: Aocab' eb' dios tz'ac'ancot yaelal d'a vib'an̈ tato manto ach cham vuuj yab' icha tic q'uic'an, icha ix utej a milancham eb' vin̈ schecab' in diosal chi', xchi ix.

A Ch'an̈ B'ab'el Libro Yic Yab'ixal Eb' Rey 2:23

Ix lajvi yalan juntzan̈ chi' vin̈aj rey Salomón chi', ix yac'an sti' vin̈ d'a Jehová: Yac'ocab' in yaelal Jehová tato max cham vin̈aj Adonías yuj tas sc'an chi'.

1 Cr 12:23

A sb'isul juntzan̈ soldado te jelan ix c'och d'a vin̈aj David d'a Hebrón yic tz'ac'jicanoch vin̈ reyal sq'uexuloc eb' vin̈ yin̈tilal vin̈aj Saúl yuj eb' vin̈, icha ix aj yalan Jehová, aton eb' vin̈ tic:

Rt 1:17

A b'aj ol ach chamoc, ata' ol in champaxoc, ata' ol in mucnajoc. Yac'ocab' in yaelal Jehová tato tzach vactejcani, masanto a chamel ol ic'an co pojan co b'a, xchi ix Rut chi'.

A Ch'an̈ B'ab'el Libro Samuel 14:44

Ix yalan vin̈aj Saúl chi' icha tic: —Yac'ocab' och junoc nivan yaelal Dios d'a vib'an̈ tato max ach chami, xchi vin̈.

A Ch'an̈ B'ab'el Libro Samuel 15:28

Yuj chi' ix yal vin̈aj Samuel chi' d'a vin̈ icha tic: —Icha val ix utej a n̈ic'chitan in pichul tic, icha chi' ol yutej Jehová yic'anel opisio d'a reyal d'a yol a c'ab', ol yac'anoch d'a yol sc'ab' junxo quetchon̈ab' ec'to vach' d'a ichan̈.

A Ch'an̈ B'ab'el Libro Samuel 25:22

Yuj chi' svala': Aocab' Dios tz'ac'anoch in yaelal tato pitzanto vin̈aj Nabal chi', ma junocxo vinac d'a scal eb' sc'ab' yoc vin̈ q'uic'an yab' icha tic.

A Ch'an̈ B'ab'el Libro Samuel 28:17

Vanxo yelc'och tas schecnac Jehová val d'ayach to toxo ix yiq'uec' opisio d'a reyal, axo d'a vin̈aj David ix yac'cani.

A Ch'an̈ B'ab'el Libro Samuel 3:17

Ix sc'anb'an vin̈aj Elí chi' d'a vin̈ icha tic: —¿Tas ix yal Jehová d'ayach? Elocab' d'a a c'ool to malaj junoc tas ol a c'ub'ejel d'ayin. Aocab' Jehová chi' ol ac'an a yaelal tato ay junoc ol a c'ub'ejel d'ayin, xchi vin̈.