A Ch'an̈ Schab'l Libro Samuel 3:39 - Chuj San Mateo Bible

³⁹ Yuj chi' vach'chom a Dios ix in sic'anoch reyal, palta ste el vip svab' yuj schuc spensaril eb' vin̈ yune' ix Sarvia. Aocab' Jehová ol ac'an spac d'a jun mach ix c'ulan chucal tic, xchi vin̈.

Chuj San Sebastian Bible

³⁹ Yuj cha, wach'xam a Dios in si'n 'och reyal, palta caw wal may wip tzwab'i, yuj stu nab'enal eb' yune 'ix Sarvia. A cab' Jehová 'oj 'a'nc spac 'a jun mach x'och smul tic, xchi David.

A Ch'an̈ Schab'l Libro Samuel 3:39 ပူးပေါင်းရင်းမြစ်များ

A Ch'an̈ Schab'l Libro Samuel 16:10

Ix yalan vin̈ rey chi': —Malaj eyalan eyic d'a jun vin̈ tic a ex yune' ex ix Sarvia tic. Tato tzin sb'aj vin̈, a am Jehová tz'ac'an yal vin̈. Tato icha chi', malaj mach syal scachanoch vaan vin̈, xchi vin̈ rey chi'.

A Ch'an̈ Schab'l Libro Samuel 19:13

Ix yalanxi vin̈ rey chi' to sb'at alchaj d'a vin̈aj Amasa icha tic: A ach tic ayto vuj in b'a ed'oc, yuj chi' a ticnaic, a ach ol ach och yajaliloc eb' soldado sq'uexuloc vin̈aj Joab. Tato max elc'och tas van valan tic, aocab' Dios tz'ac'ancot yaelal d'a vib'an̈, xchi vin̈.

A Ch'an̈ Schab'l Libro Samuel 19:22

Ix tac'vi vin̈ rey chi' icha tic: —¿Tas val eyoch a ex yune' ex ix Sarvia tic d'a jun lolonel tic? Man̈xo eyac' somchaj in c'ool. A ticnaic vojtacxo to ol in ochxoc sreyaloc eb' vetisraelal, yuj chi' malaj junoc mach syal scham d'a yol co chon̈ab' tic ticnaic, xchi vin̈.

A Ch'an̈ Schab'l Libro Samuel 3:38

Ix lajvi chi', ix yalan vin̈ rey chi' d'a masanil eb' schecab': —Ojtaquejequeli to a ticnaic ix cham jun vin̈ sat yajal d'a co cal a on̈ israel on̈ tic.

A Ch'an̈ B'ab'el Libro Yic Yab'ixal Eb' Rey 2:32

Aocab' Jehová tz'ac'ancanoch juntzan̈ chamel chi' smuloc vin̈, yujto man̈oc vin̈ in mam checjinac vin̈ ayic smilannac vin̈aj Abner vin̈, aton vin̈ yuninal vin̈aj Ner yajalil eb' soldado Israel yed' vin̈aj Amasa yuninal vin̈aj Jeter yajalil eb' soldado Judá. A eb' vin̈ chavan̈ chi' más te vach' eb' vin̈ d'a yichan̈ vin̈aj Joab chi', tojol spensar eb' vin̈.

A Ch'an̈ B'ab'el Libro Yic Yab'ixal Eb' Rey 2:9

Man̈ ac' nivanc'olal vin̈. An̈ej, a ach tic te n̈ican ach. Scham a naani tas ol utej vin̈. Mocab' ton̈ejoc ol cham vin̈ ichn̈ej ta', palta to ol miljoccham vin̈, xchi vin̈aj rey David chi' d'a vin̈aj Salomón chi'.

1 Cr 22:5

Ix sna vin̈aj rey David chi' icha tic: A vin̈ vuninal aj Salomón tic, te uninto vin̈, axo pax jun stemplo Jehová ol b'o chi', te nivan ol ajoc. Ol te b'inaj yuj svach'il yilji d'a yolyib'an̈q'uinal tic, yuj chi' a ticnaic yovalil ol in molb'ejcan tastac ol och d'ay, xchi vin̈. Yuj chi' ayic pitzanto vin̈aj David chi', te nivan tas ix smolb'ejcan vin̈.

1 Cr 29:1

Ix lajvi chi', ix yalan vin̈aj rey David chi' d'a masanil eb' anima molanec' chi' icha tic: Ex vetchon̈ab', an̈ej val vin̈ vuninal aj Salomón tic ix sic'jiel yuj Dios, palta yune' quelemto vin̈. Axo pax jun munlajel tic te nivan, yujto a jun templo chi' man̈ yicoc anima, palta to scajnub' Jehová Dios ol ajoc.

2 Cr 13:7

Ix yac'anoch sb'a juntzan̈ jaragana vinac chuc spensar yed' vin̈, ix yac'an oval vin̈ yed' vin̈aj Roboam yuninal vin̈aj Salomón. Yujto unin vinacto vin̈aj Roboam chi', manta val spensar vin̈, yuj chi' maj yal stec'b'an sb'a vin̈ d'a yichan̈ eb'.

Salmos 101:8

Mamin Jehová, d'a junjun c'u ol in satel eb' chuc cajan d'a sat co lum tic. Ol in satel masanil eb' sc'ulan chucal d'a yol a chon̈ab'.

Salmos 28:4

Ac' spac d'a eb', icha syal tastac sc'ulej eb', icha syal tas chucal sc'ulej eb', ichato chi' b'ian, tzac'anoch syaelal eb'.

Salmos 7:16

A schucal eb' comonn̈ej sc'ulej, a ol cotcan d'a yib'an̈ eb'.

Salmos 75:10

A' ol satanel spoder eb' sc'ulan chucal, palta ol yic'chaan̈ yipalil eb' anima vach'.

Ex 21:12

A mach smilancham junoc anima, yovalil smiljipaxchamoc.

Pr 20:8

Ayic tz'em c'ojan eb' rey d'a sc'ojnub' yic sch'olb'itan junoc tas eb', an̈ej syilanoch jun chucal chi' eb', elan̈chamel sb'oi.

Pr 25:5

An̈ejtona' tato tz'ic'chajel eb' chuc d'a yopisio yuj eb' rey, syic' yip yopisio eb' d'a stojolal.

Is 3:11

Ob'iltac val eb' anima chuc spensar, te chuc ol elc'och eb', yujto a tas sc'ulej eb', a chi' ol ac'joc spacoc d'a eb'.

Is 7:4

Tzalan d'a vin̈ icha tic: Tzil val a b'a, palta man̈ ach xivoc, man̈ a comon xib'tej a b'a. Man̈ ach xiv yuj vin̈aj Rezín yed' eb' aj Siria chi' yed' pax vin̈ yuninal vin̈aj Remalías chi', yujto scot val yoval eb' d'ayach icha chab'oc te' cuxc'ac' ay stab'il.

Jeremías 38:5

Ix tac'vi vin̈aj rey Sedequías chi' d'a eb' vin̈ icha tic: —Ichocab'ta', syaln̈ej e c'ulan tas e gana d'a vin̈, malaj jab'oc tas syal valan d'ayex, xchi vin̈.

Dn 6:16

Ix lajvi chi', ix schecan vin̈ rey chi' ic'chajcot vin̈aj Daniel chi' yic syumchajem vin̈ b'aj macb'il noc' choj chi'. Ayic manto yumchajem vin̈, ix yalan vin̈ rey chi' d'a vin̈: —Comonoc val ol ach coljoc yuj a Diosal to ayachn̈ejoch ac'an servil, xchi vin̈.

Nm 32:23

Palta tato max e c'ulej icha chi' jun, a val ta' ol eyila' to ix och e mul d'a Jehová, ol c'och sc'ual ol yac'anoch yaelal d'a eyib'an̈ yuj e mul chi'.

Ro 13:4

Ayoch yopisio eb' yuj Dios, yuj svach'iloc eb' anima smasanil. Palta tato chuc scutej co b'a, smoj ton co xiv d'a eb', yujto yel ay yalan yic eb' yac'anoch yaelal d'a quib'an̈. Yujto ayoch yopisio eb' yuj Dios, yic tz'ac'jioch syaelal eb' chuc syutej sb'a yuj eb'.

2 Ti 4:14

A vin̈aj Alejandro, vin̈ b'oum q'ueen, te chuc ix yutej sb'a vin̈ d'ayin. Palta a Cajal Jesús ol pactzitan d'a vin̈.

Jueces 9:57

An̈eja' icha chi' ix ajpax yac'ji spac d'a eb' anima d'a Siquem chi' yuj schucal, ix elc'och scatab' vin̈aj Jotam yuninal vin̈aj Jerobaal d'a yib'an̈ eb'.