A Ch'an̈ Schab'l Libro Samuel 3:35 - Chuj San Mateo Bible

³⁵ Ix lajvi chi', ix yalan eb' d'a vin̈aj David chi' to sva jab'oc vin̈ yacb'an manto em c'u, palta ix yac' sti' vin̈ d'a yichan̈ Dios: —Aocab' Dios tz'ac'anoch yaelal d'a vib'an̈ tato svab'lej jab'oc vael ma junocxo tasi ayic manto em c'u, xchi vin̈.

Chuj San Sebastian Bible

³⁵ Xlajw cha, xjaw smasnil eb' chon̈b' 'a David, 'ix tew 'och eb' 'a 'a, sec tzwa jab'oc, ya' sb'a mantzac 'em c'u, palta xya'n David sti', xyaln 'ixtic: —A cab' Dios tz'a'n 'och yailal 'a wib'n̈ si'mb'il, toto tzin wa'i, mto tzin c'ux junc tas 'a yic mantzac 'em c'u, xchi.

A Ch'an̈ Schab'l Libro Samuel 3:35 ပူးပေါင်းရင်းမြစ်များ

A Ch'an̈ Schab'l Libro Samuel 1:12

Ix te oc' eb' yuj schamel vin̈aj Saúl yed' vin̈ yuninal chi', aton vin̈aj Jonatán, yujto toxo ix ac'ji ganar eb' soldado israel schon̈ab' Jehová yuj eb' filisteo. Majxo valaj eb' yuj cusc'olal masanto ix em c'u.

A Ch'an̈ Schab'l Libro Samuel 12:17

A jantac eb' vin̈ yichamtac vinaquil chon̈ab' smunlaj yed' vin̈, tz'och ijan eb' vin̈ stevi to sq'ue vaan vin̈ d'a sat lum chi', palta maxtzac yal-laj sc'ol vin̈, max b'at valaj vin̈ yed' eb' vin̈.

A Ch'an̈ Schab'l Libro Samuel 3:34

Tocval tzec'b'il a c'ab', ma tzec'b'il oc d'a q'uen cadena. Icha val tz'aj scham junoc mach d'a yol sc'ab' eb' anima te chuc sb'eyb'al, icha chi' ix aj a chami, xchi vin̈aj David chi'. Axo eb' anima chi', ix oc'pax eb' yuj schamel vin̈aj Abner chi'.

A Ch'an̈ Schab'l Libro Samuel 3:36

Masanil anima ayec' ta', ix nachajel jun chi' yuj eb', ix scha val sc'ol eb', yujto masanil tas sc'ulej vin̈aj David chi' scha sc'ol eb' anima smasanil.

A Ch'an̈ Schab'l Libro Samuel 3:9

A Jehová ix yac' sti' d'a vin̈aj David to tz'ic'jiec' opisio d'a vin̈aj Saúl yed' pax d'a eb' yin̈tilal, tz'ochcan vin̈aj David chi' reyal d'a Israel yed' d'a Judá, scotn̈ej d'a chon̈ab' Dan masanto d'a Beerseba. Cotocab' yoval sc'ol Jehová d'a vib'an̈ tato max vac' vip yelc'och tas ix yal chi', xchi vin̈.

1 Cr 10:12

ix slajtian sb'a masanil eb' vin̈ vinac te tec'an. Ix b'at yic'ancot snivanil vin̈aj Saúl chi' eb' yed' pax snivanil eb' vin̈ yuninal vin̈, ix c'och yuj eb' d'a Jabes chi'. A d'a yich jun te' ji ix smuc snivanil eb' vin̈ chi' eb'. Uque' c'ual ix och eb' d'a tzec'ojc'olal yuj cusc'olal.

Jeremías 16:7

Man̈xalaj mach ol b'oan vael yuj chamel chi', yic tz'ac'ji snivanil sc'ol eb' ayto yuj sb'a yed' jun ix cham chi', vach'chom a eb' mamab'il nunab'il schami.

Ez 24:17

D'a elc'altac ol ab' syail, palta man̈ ol a ch'oxel-laj a cusc'olal chi' icha sc'ulej juntzan̈xo anima. Ayn̈ejq'ue smusil a jolom, ayn̈ejoch a xan̈ab' ol ach ec'oc. Man̈ ol a musej a sat yuj a ch'oxanel a cusc'olal, man̈ ol a va vael svaji ayic ay chamel, xchi d'ayin.

Ez 24:22

Palta ol e c'ulej pax a ex tic icha tas tzin c'ulej tic. Man̈ ol e musej e sat yuj e ch'oxanel eyaelal, man̈ ol e va pax vael svaji ayic ay chamel.

Jueces 20:26

Yuj chi', ix b'atxi eb' soldado smasanil yed' masanil eb' chon̈ab' d'a scajnub' Dios. Ix ochxi eb' d'a cusc'olal d'a yichan̈ Jehová. Pilan c'u maj va jab'oc eb'. Ix sn̈usan silab' eb', ix yac'anpax silab' eb' yic junc'olal.

Rt 1:17

A b'aj ol ach chamoc, ata' ol in champaxoc, ata' ol in mucnajoc. Yac'ocab' in yaelal Jehová tato tzach vactejcani, masanto a chamel ol ic'an co pojan co b'a, xchi ix Rut chi'.

A Ch'an̈ B'ab'el Libro Samuel 3:17

Ix sc'anb'an vin̈aj Elí chi' d'a vin̈ icha tic: —¿Tas ix yal Jehová d'ayach? Elocab' d'a a c'ool to malaj junoc tas ol a c'ub'ejel d'ayin. Aocab' Jehová chi' ol ac'an a yaelal tato ay junoc ol a c'ub'ejel d'ayin, xchi vin̈.