A Ch'an̈ Schab'l Libro Samuel 3:28 - Chuj San Mateo Bible

²⁸ Ayic ix yab'an jun chi' vin̈aj David, ix yalan vin̈: Syil Jehová to a in tic yed' masanil eb' in checab' malaj calan quic d'a schamel vin̈aj Abner chi'.

Chuj San Sebastian Bible

²⁸ Xlajw cha, c'ojnc'ojnil xyab' sb'a David 'a jun cha. Yuj cha, xyaln 'ixtic: A wal 'a sat Jehová tzwaln an reyn tic yet' eb' wit yajlil, caw may qui mul x'och yuj schamlil win Abner tic, win yunnal Ner.

A Ch'an̈ Schab'l Libro Samuel 3:28 ပူးပေါင်းရင်းမြစ်များ

Gn 4:10

Ix yalanpax Jehová d'a vin̈: —¿Tas yuj icha chi' ix a c'ulej? A schiq'uil vin̈ uc'tac ix em d'a sat lum tic uuj, ichato syal sb'a d'ayin to tzin b'o yaj ed'oc.

Gn 9:6

A mach smilancham yetanimail, anima pax ol milanchamoc, yujto a ex anima ex tic, icha on̈ tic, icha chi' ex cutej co b'oani.

A Ch'an̈ Schab'l Libro Samuel 1:16

Ayic van smiljicham vin̈ chi', ix yalan vin̈aj David chi': —A ach ay a mul yuj chi' tzach chami. A ach ix alelta a mul chi' to ix a milcham vin̈ rey sic'b'iloch yuj Jehová, xchi vin̈.

A Ch'an̈ Schab'l Libro Samuel 16:8

A ticnaic van a chaan spac yuj Jehová yuj jantac eb' yin̈tilal vin̈aj Saúl a milnacchamoc yic tzach ochcan reyal sq'uexuloc vin̈. A ticnaic toxo ix yac'och opisio Jehová d'a yol sc'ab' vin̈ uninal aj Absalón. Ix javi d'a ib'an̈ ticnaic yujto te milum ach anima, xchi vin̈ d'a vin̈ rey chi'.

A Ch'an̈ Schab'l Libro Samuel 3:27

Ayic ix jax vin̈aj Abner chi' d'a Hebrón, axo vin̈aj Joab chi' ix chaan vin̈ sjavi d'a spatiquel chon̈ab' chi', ix ic'jib'at vin̈ yuj vin̈ d'a stz'eyb'at sti' jun chon̈ab' chi', yic slolon eb' vin̈ ta' sch'ocoj. Ata' ix stipoch yespada vin̈aj Joab chi' d'a sc'ol vin̈, ix cham vin̈, yic syac'anec' spac vin̈ yuc'tac vin̈aj Joab chi'.

A Ch'an̈ Schab'l Libro Samuel 3:29

Cotocab'can jun tic d'a yib'an̈ vin̈aj Joab yed' d'a yib'an̈ eb' yin̈tilal vin̈ yed' eb' sc'ab' yoc. A d'a scal eb', ayocab' mach ol yab' syail yuj tas tz'el d'a snivanil, ayocab' mach ol penaayax yuj lepra, ayocab'pax mach tz'em sb'eyi, ayocab' mach smiljichamoc yed' mach scham yuj vejel, xchi vin̈ rey chi'.

Ex 21:12

A mach smilancham junoc anima, yovalil smiljipaxchamoc.

Nm 35:33

Man̈ eyixtejb'at lum luum b'aj ol ex cajnaj chi' yuj schiq'uil anima smac'jichamoc. Yuj chi' tato ay chic' tz'em d'a sat luum, malaj junoc tas syal yac'an tupoc, an̈ej to scham jun ix mac'ancham anima chi'.

Mt 27:24

Axo ix yilan vin̈aj Pilato chi' to max yac' ganar vin̈ scolan Jesús, ton̈ej ix vach' q'ue somnaj eb' anima yalan yuuj. Yuj chi', ix schec vin̈ ic'jicot jab' yaal. Ix sb'icanel sc'ab' vin̈ d'a yichan̈ eb' anima chi' smasanil. Icha chi' ix yutej vin̈ sch'oxan d'a eb' to man̈ locanoc vin̈ yed' eb'. Ix yalanxi vin̈ d'a eb': —A in tic malaj voch d'a schamel vin̈ tojol spensar tic. E chumxo d'a chi', xchi vin̈ d'a eb'.