A Ch'an̈ Schab'l Libro Samuel 3:12 - Chuj San Mateo Bible

¹² Ix lajvi chi', ix schecanb'at juntzan̈ schecab' vin̈aj Abner chi' yal d'a vin̈aj David icha tic: ¿Tom man̈oc in ay vopisio d'a yib'an̈ jun chon̈ab' tic? A ticnaic co b'o junoc co trato yic tzin och ed'oc, yic vach' masanil eb' quetchon̈ab' tz'och eb' ed'oc, xchib'at vin̈.

Chuj San Sebastian Bible

¹² Yuj cha, 'ix schecn 'at Abner jun tzo'n̈ eb' schecb' 'a David, yic tz'at yalnc eb' 'a 'ixtic: —¿Tom man̈oc in 'ay wopiso 'a yib'n̈ jun nacion̈ tic? Qui b'o junc qui trato, tzin 'och et'oc, sec tz'och smasnil eb' quit chon̈b'ec tic et'oc, xchi.

A Ch'an̈ Schab'l Libro Samuel 3:12 ပူးပေါင်းရင်းမြစ်များ

A Ch'an̈ Schab'l Libro Samuel 19:14

Icha chi' ix aj smontanxi eb' aj Judá chi' vin̈ rey chi', junxon̈ej ix aj spensar eb', ix yalanb'at eb' d'a vin̈ to smeltzajxicot vin̈ yed' masanil eb' soldado.

A Ch'an̈ Schab'l Libro Samuel 19:41

Masanil eb' soldado israel ix b'at ilan vin̈ rey chi', ix yalan eb' d'a vin̈ icha tic: —¿Tas yuj an̈ej eb' quetchon̈ab' yin̈tilal Judá ix ach ic'ancoti, ix ach ic'anec'ta d'a yol a' Jordán yed' eb' ix etb'eyum yed' pax eb' uninal yed' masanil eb' a soldado? xchi eb'.

A Ch'an̈ Schab'l Libro Samuel 19:6

Van a ch'oxaneli to malaj yelc'och eb' etyajalil yed' eb' a soldado d'a yol a sat. A eb' ajc'ol yajoch d'ayach, te xajan eb' uuj, axo eb' tzach xajanan tic, van a chacancanel eb'. A ticnaic snachajel vuuj, tecan vach' ix ab'i tato maj cham vin̈aj Absalón chi', a on̈xo pax tic jun, on̈ chamocab' co masanil.

A Ch'an̈ Schab'l Libro Samuel 3:11

Majxo yal-laj yalan junoc b'elan̈ lolonel vin̈aj Is-boset d'a vin̈aj Abner chi', yujto xivnac vin̈ d'a vin̈.

A Ch'an̈ Schab'l Libro Samuel 3:13

Ix yalan vin̈aj David chi': Syal in b'oan in trato chi' ed'oc, palta ay jun tas yovalil tzojtaquejeli: Max yal-laj a javi d'a vichan̈ tato man̈ ed'nacoc ix vetb'eyum, ix Mical yisilcan vin̈aj xilb'a Saúl, xchib'at vin̈.

A Ch'an̈ Schab'l Libro Samuel 3:21

Ix lajvi chi', ix yalan vin̈aj Abner chi' d'a vin̈aj David chi' icha tic: —A ticnaic mamin rey, yovalil tzin b'at in molb'ej masanil eb' quetisraelal, yic sb'oan junoc trato eb' ed'oc, icha val chi' ol aj ac'an reyal icha val tas tza nib'ej, xchi vin̈. —Ixic an, xchi vin̈aj David chi'. Ix lajvi chi', ix yalancan quilcob'a vin̈aj Abner chi', ix b'at vin̈ d'a tzalajc'olal.

A Ch'an̈ Schab'l Libro Samuel 3:27

Ayic ix jax vin̈aj Abner chi' d'a Hebrón, axo vin̈aj Joab chi' ix chaan vin̈ sjavi d'a spatiquel chon̈ab' chi', ix ic'jib'at vin̈ yuj vin̈ d'a stz'eyb'at sti' jun chon̈ab' chi', yic slolon eb' vin̈ ta' sch'ocoj. Ata' ix stipoch yespada vin̈aj Joab chi' d'a sc'ol vin̈, ix cham vin̈, yic syac'anec' spac vin̈ yuc'tac vin̈aj Joab chi'.

A Ch'an̈ Schab'l Libro Samuel 3:38

Ix lajvi chi', ix yalan vin̈ rey chi' d'a masanil eb' schecab': —Ojtaquejequeli to a ticnaic ix cham jun vin̈ sat yajal d'a co cal a on̈ israel on̈ tic.

Salmos 62:9

A eb' anima, juneln̈ej malaj jab'oc yelc'och eb', vach'chom meb'a' eb', ma b'eyum eb'. Q'uinaloc tz'echtaj yalil eb' d'a junoc echlab' smasanil, toton max checlajlaj jab'oc yalil eb' chi', yuj chi' man̈ caq'uec ochlaj co pensar d'a eb'.