A Ch'an̈ Schab'l Libro Samuel 24:11 - Chuj San Mateo Bible

¹¹ Ayic ix sacb'i d'a junxo c'u, ayic mantzac q'ue vaan vin̈aj David chi' ix yalan Jehová icha tic d'a vin̈aj Gad schecab', aton vin̈ ac'um pensar d'a vin̈aj David chi':

Chuj San Sebastian Bible

¹¹ Ax 'a yic sacb'el 'a junx c'u, 'a yic mantzac q'ue wan David, 'ix yaln Jehová 'a Gad atn jun schecab', 'a'm nab'en pax yaj 'a win rey David cha, 'ix yaln 'a 'ixtic:

A Ch'an̈ Schab'l Libro Samuel 24:11 ပူးပေါင်းရင်းမြစ်များ

A Ch'an̈ Schab'l Libro Samuel 12:1

Axo Jehová ix checancot vin̈aj Natán d'a vin̈aj David chi'. Ayic ix c'och vin̈ d'a yichan̈ vin̈, ix yalan jun ab'ix tic vin̈ d'a vin̈: —A d'a jun chon̈ab', ay chavan̈ eb' vin̈ vinac: Ay jun vin̈ te b'eyum, ay pax junxo vin̈ te meb'a'.

A Ch'an̈ Schab'l Libro Samuel 24:12

—Ixic al d'a vin̈aj David to a in Jehová in sval icha tic: Oxe' macan̈ yaelal svaltej d'ayach. A achxo ol a sic'lej b'aja junoc tza nib'ej, xchi Jehová d'a vin̈aj Gad chi'.

1 Cr 2:19

Axo ix cham ix Azuba chi', axo ix Efrata ix yic' vin̈aj Caleb chi'. Ay jun yune' ix, aton vin̈aj Hur.

1 Cr 21:9

Yuj chi' ix yal Jehová d'a vin̈aj Gad schecab', aton vin̈ tz'ac'an srazón vin̈ rey chi', ix yalan icha tic:

1 Cr 25:5

A eb' vin̈ chi' yuninal eb' vin̈ vin̈aj Hemán. A vin̈aj Hemán chi', schecab' Dios yaj vin̈, a vin̈ tz'ac'an razón d'a vin̈ rey. 14 yuninal vin̈ ix yac' Dios yed' oxvan̈ yisil vin̈, yic tz'elc'och sti' Dios yac'nac d'a vin̈, ayic yalannac to nivan ol ajelc'och vin̈.

1 Cr 29:29

A jantacto yab'ixal vin̈aj rey David chi', yictax ix schaanel yich vin̈ masanto ix cham vin̈, aycan b'aj tz'ib'ab'il yuj eb' schecab' Dios, aton vin̈aj Samuel, vin̈aj Natán yed' vin̈aj Gad.

2 Cr 29:25

Ix ac'jipaxoch eb' vin̈ levita yuj vin̈aj rey Ezequías chi' d'a stemplo Jehová yed' syamc'ab' eb' vin̈ yic b'it: Aton q'uen platillo, salterio, cítara, icha yajcan stzolal yuj vin̈aj rey David yed' vin̈aj Gad, aton vin̈ ac'um razón d'a vin̈aj rey David chi', icha pax yaj yalancan vin̈aj Natán schecab' Dios. A juntzan̈ checnab'il chi' alb'ilcan yuj Jehová yuj eb' schecab'.

A Ch'an̈ B'ab'el Libro Samuel 22:5

Axo vin̈aj Gad, schecab' Dios ix alan d'a vin̈aj David chi' icha tic: —Man̈ ach can d'a tic yuj a colan a b'a, palta meltzajan̈ d'a yol yic Judá, xchi vin̈. Icha chi' ix aj sb'at vin̈aj David, masanto ix c'och vin̈ d'a jun caltac te' d'a yol yic Haret.

A Ch'an̈ B'ab'el Libro Samuel 9:9

(A d'a peca' chi', tato ay junoc israel sgana sc'anb'ej yab' srazón d'a Dios syalan icha tic: B'at quil jun vin̈ syal yilan chi', xchi eb'. A vin̈ tz'alji schecab'oc Dios chi' ticnaic, a d'a peca', a vin̈ syal yilan junoc tas ol ujoc, sb'i vin̈ yuj eb'.)