A Ch'an̈ Schab'l Libro Samuel 23:1 - Chuj San Mateo Bible

¹ Aton juntzan̈ slajvub' slolonel vin̈aj rey David tic: A vin̈aj David yuninal vin̈aj Isaí, ix ic'jivalchaan̈ vin̈ yuj Dios Axon̈ej Ochi. Ix sic'jiel vin̈ yuj Dios chi' yic tz'och vin̈ reyal d'a scal eb' yin̈tilal vin̈aj Jacob. Te vach' sb'itan vin̈ d'a scal eb' yetisraelal. A vin̈ ix alan icha tic:

Chuj San Sebastian Bible

¹ Atn jun tzo'n̈ slajb' spaxti rey David tic: A David yunnal Isaí, caw 'ix 'ijx chan̈ yuj Dios jun Cojxn Niwn Yel'chi, atn jun rey sic'b'il 'el yuj sDiosal eb' yin̈tl Jacob, caw wach' sb'itn 'a scal eb' yit israelal. A tzaln 'ixtic:

A Ch'an̈ Schab'l Libro Samuel 23:1 ပူးပေါင်းရင်းမြစ်များ

Gn 49:1

Ix lajvi chi' ix yavtancot eb' yuninal vin̈aj Jacob chi' smasanil, ix yalan vin̈: Ex vuninal, nitzeccot e b'a d'a in tz'ey. Ab'ec tas ol ex aj d'a yic b'aq'uin̈:

A Ch'an̈ Schab'l Libro Samuel 22:34

Icha sb'ey junoc noc' c'ultaquil chej, icha val chi' tz'aj in b'ey uuj. D'a sattac vitz yeq'ui, tec'tec' vaj uuj.

A Ch'an̈ Schab'l Libro Samuel 22:51

Uuj val, svac' ganar nivac oval a in rey in tic, a in sic'b'il in el uuj. D'a masanil tiempo tza ch'ox a vach'c'olal d'ayin, a in David in tic yed' d'a eb' vin̈tilal icha ajnac alani, xchi vin̈aj David d'a sb'it d'a Jehová.

1 Cr 16:7

A d'a jun c'u chi' b'ab'elto ix yal vin̈aj rey David d'a vin̈aj Asaf yed' pax d'a eb' vin̈ ayoch yed' vin̈ to sb'itej juntzan̈ ac'oj yuj diosal tic eb' vin̈ d'a Jehová:

1 Cr 16:9

Co b'itejec b'it yuj quic'anchaan̈. Calequel tas satub'tac yilji sc'ulejnac Jehová.

Salmos 2:6

Toxo ix vac'och yopisio Vin̈ Rey d'a tzalan Sion, aton jun tzalan sic'b'ilel vuuj, xcham Jehová chi'.

Salmos 72:20

Aton d'a tic ix lajvican slesal vin̈aj David, yuninal vin̈aj Isaí.

Salmos 89:20

Ix ilchaj vin̈aj David in checab' vuuj, a yed' vaceite yic sic'val ix in ch'oxo' to reyxo yaj vin̈.

Salmos 89:21

Man̈ ol in och vaan in colvaj d'a vin̈, yujto a in poder ol ac'an yip vin̈.

Am 6:5

Ton̈ej tz'ec' tiempo e b'oan juntzan̈ b'it malaj yelc'ochi, tze b'itan yed' sonal te' arpa icha sc'ulejnac vin̈aj rey David.

Lc 20:42

Yujto an̈eja' vin̈aj David chi' alanxican d'a jun libro yic Salmos: A Dios Cajal alannac d'a Vajalil icha tic: Eman̈ c'ojan d'a in vach' c'ab' tic,

Lc 24:44

Ix lajvi chi' ix yalan d'a eb': —A ticnaic, ix elc'och tas ix valcan d'ayex ayic ayinto ec' eyed'oc. Valnaccan d'ayex to yovalil ol elc'och jantacn̈ej vab'ixal tz'ib'yajcan d'a ley Moisés, tas tz'ib'ab'il pax can yuj eb' schecab' Dios yed' juntzan̈ vab'ixal d'a libro Salmos, xchi d'a eb'.

Dt 33:1

Ayic van sc'och stiempoal scham vin̈aj Moisés schecab' Jehová, ix och ijan vin̈ yalancan vach' lolonel d'a eb' yetisraelal.

A Scarta San Pablo D'a Eb' Aj Colosas 3:16

In gana a val slolonel Cristo b'aj tzeyac'n̈ejoch e pensar. Tze c'ayb'an e b'a, tzeyac'lan yip e c'ool junjun ex d'a masanil sjelanil Cajal chi'. Slaj e b'itan juntzan̈ salmo, himno yed' juntzan̈xo b'it yic Dios yuj eyac'an yuj diosal d'ay d'a smasanil e c'ool.

Santiago 5:13

Tato ayex van eyab'an syail ticnaic, lesalvan̈ec. Tato ayex ay e tzalajc'olal jun, b'itanan̈ec d'a Dios.

A Ch'an̈ B'ab'el Libro Samuel 17:12

A d'a yol stiempoal vin̈aj Saúl chi', ay jun vin̈ d'a Belén d'a yol yic Judá scuchan Isaí, te icham vinacxo vin̈, vajxacvan̈ yuninal vin̈. A d'a scal eb' vin̈ chi' ay jun vin̈ scuchan David.

A Ch'an̈ B'ab'el Libro Samuel 18:7

Van sb'itan eb' ix tz'elta eb' ix, syalan eb' ix icha tic: Smilal eb' ajc'ool ix smilcham vin̈aj Saúl. Lajlajun̈ miltac ix smilcham vin̈aj David, xchi eb' ix.

A Ch'an̈ B'ab'el Libro Samuel 2:10

A satanel eb' ayoch ajc'olal d'ay, ato d'a satchaan̈ smac'vajcot c'u d'a yib'an̈ eb'. A Jehová sch'olb'itan masanil yolyib'an̈q'uinal tic. A tz'ac'an spoder vin̈ rey sic'b'ilel yuuj, tz'ic'jichaan̈ vin̈ yuuj, xchi ix.