A Ch'an̈ Schab'l Libro Samuel 21:2 - Chuj San Mateo Bible

² Yuj chi' ix yavtej eb' gabaonita chi' vin̈ rey chi' yic slolon vin̈ yed' eb'. (A eb' gabaonita chi', man̈ israeloc eb', amorreo eb', aycan eb' d'a scal eb' israel chi', yujto ix yac' sti' eb' israel chi' to max satel eb' gabaonita chi' eb'. Palta axo vin̈aj Saúl, ix yac'lej vin̈ satanel eb' yuj svach'iloc eb' israel yed' eb' aj Judá yalani.)

Chuj San Sebastian Bible

² Yuj cha, 'ix yawtn cot rey David eb' gabaonita, yic tzpaxtin yet' eb'. (A eb' gabaonita cha, man̈ israeloc eb', palta to amorreo eb'. 'Aycn eb' 'a scal eb' israel cha, atn 'a eb' 'aj ya'jnac eb' israel sti 'a pecti', to matz satl eb' yuj eb'. Palta a Saúl, 'ix ya'lj satn 'el eb', yuj swach'loc chon̈b' Israel yet' Judá yalni).

A Ch'an̈ Schab'l Libro Samuel 21:2 ပူးပေါင်းရင်းမြစ်များ

Gn 15:16

Chan̈ macan̈xo in̈tilal ix eq'ui, ichato chi' ol meltzajxicot eb' d'a tic, yujto manto tz'acvoc schucal eb' amorreo d'a tic, xchi Jehová.

A Ch'an̈ Schab'l Libro Samuel 24:1

Ix cot yoval Jehová d'a chon̈ab' Israel junelxo, yuj chi' ix yac'och d'a spensar vin̈aj rey David yic syac' ic'jocchaan̈ sb'isul eb' soldado yic Israel vin̈ yed' eb' aj Judá.

A Ch'an̈ Schab'il Libro Yic Yab'ixal Eb' Rey 10:16

Ix yalan vin̈aj Jehú chi' d'a vin̈ icha tic: —Con̈ ved'oc, ol in ch'ox ila' tas ol vutej yic tzin c'anab'ajej tas ix yal Jehová, xchi vin̈. Yuj chi' ix yic'b'at vin̈aj Jonadab chi' vin̈ d'a yol scarruaje chi'.

A Ch'an̈ Schab'il Libro Yic Yab'ixal Eb' Rey 10:31

Vach'chom icha chi', palta maj yac'valoch vin̈ d'a sc'ol sc'anab'ajan schecnab'il Jehová sDiosal Israel, yujto maj yiq'uel sb'a vin̈ d'a chucal sc'ulejnac vin̈aj Jeroboam vin̈ cuchb'annac eb' yetisraelal d'a chucal.

1 Cr 1:14

A vin̈aj Canaán chi' ay yin̈tilal eb' jebuseo, eb' amorreo, eb' gergeseo,

Jn 16:2

Yujto ol laj ex pechjielta yuj eb' quetisraelal d'a yol spatil culto. Ay jun tiempoal ol javoc, yalxon̈ej mach ol ex milanoc, a snaan eb' to pavor syac' eb' d'a Dios.

Ro 10:2

Yel toni, ayoch spensar eb' yac'an servil Dios, palta man̈ yojtacoc eb' tas syutej eb' yac'an servil icha val sgana.

Gl 4:17

Ay eb' nivanoc tzex xajanani, palta man̈ yujoc e vach'iloc. A spensar eb' to ton̈ej tzex smontejel eb' yic tzeyac'anoch e pensar d'a eb'.

Dt 7:16

Yuj chi' yovalil tze satel masanil juntzan̈ nación chi'. A Jehová co Diosal ol ac'anoch eb' d'a yol e c'ab', mocab' oc' e c'ol d'a eb'. Man̈ eyaq'uem e b'a d'a sdiosal eb' yic man̈ ol ex yac' juvoquel eb'.

A Ch'an̈ B'ab'el Libro Samuel 14:44

Ix yalan vin̈aj Saúl chi' icha tic: —Yac'ocab' och junoc nivan yaelal Dios d'a vib'an̈ tato max ach chami, xchi vin̈.