A Ch'an̈ Schab'l Libro Samuel 20:11 - Chuj San Mateo Bible

¹¹ Ay jun vin̈ d'a scal eb' soldado vin̈aj Joab chi' ix och lin̈an d'a stz'ey snivanil vin̈aj Amasa chi', ix yalan vin̈: —A mach ayoch yed' vin̈aj Joab yed' pax vin̈aj rey David, ochocab' tzac'an yuj vin̈aj Joab chi', xchi vin̈.

Chuj San Sebastian Bible

¹¹ 'Ay jun 'a scal eb' soldado yic win Joab, 'ix 'ochcn lin̈n 'a stz'ey sniwnal win Amasa cha, 'ix yaln 'ixtic: —¡A mach 'aych yet' win Joab, yet' pax win rey David, 'at cab' yet' win Joab cha! xchi.

A Ch'an̈ Schab'l Libro Samuel 20:11 ပူးပေါင်းရင်းမြစ်များ

A Ch'an̈ Schab'l Libro Samuel 20:12

Ix can telan snivanil vin̈aj Amasa chi' d'a scal schiq'uil d'a yol b'e chi'. Ayic ix yilan jun vin̈ soldado chi' to ayic van yec'ta eb' soldado d'a stz'ey snivanil vin̈aj Amasa chi', tz'och lin̈an eb' yila', yuj chi' ix sn̈ercanel vin̈ d'a ti' b'e, ix slich'anb'at jun c'apac vin̈ d'a yib'an̈.

A Ch'an̈ Schab'l Libro Samuel 20:13

Ayic toxo ix sn̈ercanel vin̈ chi', ix ec'b'at eb' soldado smasanil, ix b'at eb' yed' vin̈aj Joab say vin̈aj Seba chi'.

A Ch'an̈ Schab'l Libro Samuel 20:21

Man̈oc jun chi' sco saya', palta a jun vin̈ scuchan Seba yuninal vin̈aj Bicri aj tzalquixtac d'a yol yic Efraín sco saya'. A jun vin̈ chi' ix q'ue vaan vin̈ ajc'olal d'a vin̈aj rey David. An̈ej vin̈ tzeyac' d'a yol co c'ab', tzon̈ el d'a jun chon̈ab' tic, xchi vin̈. —D'a yib'an̈ muro tic ol co julem sjolom vin̈ d'ayach, xchi ix.

A Ch'an̈ Schab'l Libro Samuel 20:4

Ix lajvi chi', ix yalan vin̈ rey chi' d'a vin̈aj Amasa: —B'at molb'ejcot masanil eb' vin̈ vinac yic Judá, axo chab'ej tzach javi yed' eb' vin̈ d'a tic, xchi vin̈.

A Ch'an̈ Schab'il Libro Yic Yab'ixal Eb' Rey 9:32

Ix q'ue q'uelan vin̈aj Jehú chi' d'a jun ventena chi', ix yalan vin̈: —¿Mach ayoch ved'oc? xchi vin̈. Ay chavan̈ oxvan̈ eb' vin̈ munlajvum d'a yol spat ix, ix elta d'an̈an eb' vin̈ yila'.