A Ch'an̈ Schab'l Libro Samuel 2:5 - Chuj San Mateo Bible

⁵ yuj chi' ix yac'b'at juntzan̈ eb' schecab' vin̈, yic b'at yal eb' d'a eb' icha tic: Yac'ocab' svach'c'olal Jehová d'ayex yuj tastac vach' ix e c'ulej yujto ix e muc vin̈aj Saúl co reyal.

Chuj San Sebastian Bible

⁵ yuj cha, 'ix schecn 'at David chi jun tzo'n̈ eb' schecb' 'at yal 'a eb' 'ixtic: Ya' cab' Jehová syaxilal 'a eyib'an̈, yujto caw 'ix 'o'ch e c'ojl 'a Saúl, atn jun eyajlil, wach' eyutjnac e mucni.

A Ch'an̈ Schab'l Libro Samuel 2:5 ပူးပေါင်းရင်းမြစ်များ

Gn 14:19

Ix yalan vach' lolonel vin̈ d'a yib'an̈ vin̈ icha tic: Yac'ocab' svach'c'olal Dios d'a ib'an̈, aton Dios Axon̈ej Nivan Yelc'ochi, aton ix b'oan satchaan̈ yed' sat luum.

Gn 14:22

Axo ix yalan vin̈aj Abram chi' icha tic: —Toxo ix vac' in ti' d'a Jehová, aton Dios Axon̈ej Nivan Yelc'ochi, jun ix b'oan satchaan̈ yed' yolyib'an̈q'uinal tic,

A Ch'an̈ Schab'l Libro Samuel 15:20

Toto janac ach, max yal-laj ach vac'an pural a b'at qued'oc, yujto a in tic man̈ vojtacoc b'ajtil ol in c'ochoc. Vach' tzach meltzaji, ic'b'at eb' vin̈ etchon̈ab' tic ed'oc. Yac'ocab' svach'c'olal Jehová d'a eyib'an̈ d'a masanil tiempo, xchi vin̈ rey chi'.

A Ch'an̈ Schab'l Libro Samuel 21:12

ix schecan vin̈ b'at ic'joccot sb'aquil vin̈aj Saúl yed' yic vin̈ yuninal, aton vin̈aj Jonatán, d'a chon̈ab' Jabes d'a yol yic Galaad. Yujto a eb' aj Jabes chi' xid' ic'jinaccot d'a slac'anil mercado yic Bet-sán, b'aj locancanq'ue yuj eb' filisteo, ayic smiljicham eb' d'a oval d'a Gilboa.

Salmos 115:15

Yac'ocab' svach'c'olal Jehová ix b'oan satchaan̈ yed' lum luum tic d'ayon̈.

Josué 2:14

Ix tac'vi eb' vin̈ chavan̈ chi' icha tic: —Scac' co ti' to ol ex co nacoti, an̈ej tato malaj b'aj tzal jun tic. Ayic ol yac'anoch jun lum tic Jehová d'a yol co c'ab', ol ach co colcaneli, xchi eb' vin̈ d'a ix.

Jueces 21:8

¿Ay am eb' quetisraelal maj xid'ec' qued'oc d'a Mizpa molchajel d'a yichan̈ Jehová? xchi eb'. Axo ix snaancot eb' to a eb' cajan d'a Jabes d'a yol yic Galaad, malaj junoc eb' ix xid'ec' d'a molchajel chi'.

Rt 1:8

Ayic van scot eb' ix d'a yoltac b'e, ix yalan ix d'a eb' ix yalib' chi' icha tic: —A ticnaic, paxan̈ec d'a spat e mam e nun. A Jehová ol och eyed'oc yujto vach'n̈ej ix eyutej e b'a d'ayin yed' d'a eb' vin̈ vune'.

Rt 2:20

Ix yalanxi ix yalib' ix chi' icha tic: —Yac'ocab' svach'c'olal Jehová d'a yib'an̈ vin̈aj Booz chi', yujto vach' syutej spensar vin̈ d'ayon̈ a on̈ pitzan on̈ tic, icha yutejnac spensar vin̈ d'a eb' vin̈ co chamnac. Ix yalanxi ix: —A vin̈ chi' te ayto cuj co b'a yed' vin̈, yuj chi' smoj ton scolvaj vin̈ d'ayon̈, xchi ix.

Rt 3:10

—Yac'ocab' svach'c'olal Jehová d'ayach. A ticnaic, ix nachajel vuuj chajtil to vach' a pensar, yujto tza nib'ej sb'inajcan vin̈ etb'eyum chamnac. Q'uinaloc ta man̈ ichocta, syal ic'an a b'a yed' junocxo vin̈ to quelemto, vach'chom meb'a', ma b'eyum, an̈ej tato syal a c'ool, palta maj a c'ulej icha chi'.

A Ch'an̈ B'ab'el Libro Samuel 11:1

A d'a jun tiempoal chi', ix cot vin̈aj Nahas sreyal eb' Amón yed' soldado yac' oval d'a chon̈ab' Jabes d'a yol yic Galaad, ix oymaj eb' d'a spatic. Ix yalanb'at eb' aj Jabes chi' d'a vin̈aj Nahas chi': —Tato tzac' junoc a trato qued'oc, ol cac'och co b'a d'a yol a c'ab', xchi eb'.

A Ch'an̈ B'ab'el Libro Samuel 11:9

Ata' ix yal vin̈aj Saúl chi' d'a eb' checab' ix cot d'a Jabes chi': —Alec d'a eb' eyetchon̈ab' to a q'uic'an d'a q'uec'ualil, toxo ix co col eb', xchi vin̈. Ix b'at eb' checab' chi' yal d'a eb' yetchon̈ab' chi' to a q'uic'an scolchaj eb'. Ix te tzalajq'ue eb'.

A Ch'an̈ B'ab'el Libro Samuel 15:13

Yuj chi' ix b'at vin̈aj Samuel chi' ta'. Axo ix c'och vin̈, ix yalan vin̈aj Saúl chi' d'a vin̈ icha tic: —Yac'ocab' svach'c'olal Jehová d'a ib'an̈. Toxo ix in c'anab'ajej tas ix yala', xchi vin̈.

A Ch'an̈ B'ab'el Libro Samuel 23:21

Ix yalan vin̈aj Saúl chi' d'a eb': —Yac'ocab' svach'c'olal Jehová d'a eyib'an̈, yujto tz'oc' e c'ool d'ayin.

A Ch'an̈ B'ab'el Libro Samuel 24:19

Val yel, malaj junoc mach tato tz'ilchaj junoc yajc'ol yuuj, malaj tas syutej. A Jehová ol pactzitan d'ayach yuj jun a vach'c'olal tic d'ayin.