A Ch'an̈ Schab'l Libro Samuel 2:16 - Chuj San Mateo Bible

¹⁶ Junjun eb' vin̈ ix syam sjolom eb' yajc'ol eb' vin̈ chi', ix stiplanoch q'uen yespada eb' vin̈ d'a scostil junjun, yuj chi' junn̈ej ix aj scham eb' vin̈ smasanil. Yuj chi' “Teclajb'ail” ix sb'iejcan jun lugar chi', a d'a yol yic Gabaón chi' ay.

Chuj San Sebastian Bible

¹⁶ Junjn eb' 'ix syam eb' sjolm junjn eb' 'ajc'ojl cha, 'ix steclan 'och eb' yespada 'a scostil, caw junn̈j x'aj eb' scham smasnil. Yuj cha, a jun lugar 'ay 'a yol yic Gabaón cha, 'ix scuchcn 'Aj X'och Tecjb'a.

A Ch'an̈ Schab'l Libro Samuel 2:16 ပူးပေါင်းရင်းမြစ်များ

A Ch'an̈ Schab'l Libro Samuel 2:14

Yuj chi' ix yal vin̈aj Abner d'a vin̈aj Joab chi' icha tic: —Elocab'cot jayvan̈oc eb' vin̈ quelemtac yac' oval d'a quichan̈ tic, xchi vin̈. —Ichocab'ta', xchi vin̈aj Joab chi'.

A Ch'an̈ Schab'l Libro Samuel 2:15

Yuj chi' ix elta eb' vin̈, lajann̈ej sb'isul yic junjun eb' vin̈ ix elta, lajchavan̈ eb' vin̈ d'a yin̈tilal Benjamín ayoch yed' vin̈aj Is-boset chi', lajchavan̈ pax eb' vin̈ yic vin̈aj David chi' ix elta.

A Ch'an̈ Schab'l Libro Samuel 2:17

A d'a jun c'u chi', te nivan ix aj yoch oval yuj eb' vin̈. Ix ac'ji ganar vin̈aj Abner yed' eb' soldado yuj eb' soldado vin̈aj David chi'.

A Ch'an̈ Schab'l Libro Samuel 2:26

Axo vin̈aj Abner chi' ix avaj d'a vin̈aj Joab icha tic: —¿Tom man̈ ol actej a milancham anima tic? ¿Tom max a na' jab'oc to an̈ej chucal syic'cot jun tic d'a quib'an̈? ¿Janic' ol al d'a eb' a soldado to tz'och vaan eb' spechan eb' yetchon̈ab'? xchi vin̈.

A Ch'an̈ B'ab'el Libro Yic Yab'ixal Eb' Rey 20:20

Junjun eb' ix milancham junjun eb' sirio ajc'ol chi'. Yuj chi' ix b'at eb' sirio chi' elelal, axo eb' israel ix b'at d'a spatic eb'. Axo vin̈aj Ben-adad chi', ix q'ue vin̈ d'a yib'an̈ schej yed' juntzan̈xo eb' soldado, ix b'atcan eb' elelal.

A Tas Sc'ulejnac Eb' Schecab' Jesús Hechos 1:19

A eb' ay d'a Jerusalén tic, ix laj yab' specal jun chi' eb'. Yuj chi' ix yac' scuch jun luum chi' eb', Acéldama d'a sti' eb'. Syalelc'ochi: Lum Schiq'uil Anima.