A Ch'an̈ Schab'l Libro Samuel 2:12 - Chuj San Mateo Bible

¹² Icha tic ix aj yoch oval. A vin̈aj Abner chi', ix el vin̈ d'a Mahanaim, ix b'atcan vin̈ d'a Gabaón yed' eb' soldado yic vin̈aj Is-boset.

Chuj San Sebastian Bible

¹² Xlajw cha, 'ix 'el Abner 'a Mahanaim, axta xc'och 'a chon̈b' Gabaón, ajun eb' soldado win Is-boset yet'oc.

A Ch'an̈ Schab'l Libro Samuel 2:12 ပူးပေါင်းရင်းမြစ်များ

Gn 32:2

Ayic ix yilan eb' ángel chi' vin̈, ix yalan vin̈: Scampamento eb' yejército Dios jun tic, xchi vin̈. Yuj chi' Mahanaim ix yac' vin̈ sb'iej jun lugar chi'.

A Ch'an̈ Schab'l Libro Samuel 17:14

Ix scha sc'ol vin̈aj Absalón yed' masanil eb' ichamtac vinac tas ix yal vin̈aj Husai chi' d'a yichan̈ tas ix yal vin̈aj Ahitofel chi', vach'chom vach' ix sna' vin̈ chi'. Ix scha sc'ol jun tic eb' yujto a Jehová ix ac'an sna eb' yic max elc'och tas ix sna vin̈aj Ahitofel chi'. Icha chi' ix aji yic scot d'a yib'an̈ vin̈aj Absalón chi'.

A Ch'an̈ Schab'l Libro Samuel 2:8

Axo ix aji, a vin̈aj Abner yuninal vin̈aj Ner, yajalil masanil eb' soldado vin̈aj Saúl, a vin̈ ix ic'anb'at vin̈aj Is-boset yuninal vin̈aj Saúl chi' d'a Mahanaim.

Josué 10:12

Ayic van yac'jioch eb' amorreo chi' d'a yol sc'ab' eb' israel yuj Jehová, ix yalan vin̈aj Josué d'a Jehová chi' d'a yichan̈ masanil anima icha tic: Ochocab' vaan c'u d'a yib'an̈ Gabaón, ochocab' vaan q'uen uj d'a yib'an̈ sch'olanil Ajalón, xchi vin̈.

Josué 10:2

Yuj chi' ix te xiv vin̈, yujto a chon̈ab' Gabaón, te nivan chon̈ab' icha juntzan̈xo nivac chon̈ab' ay sreyal, te ec'to d'a yichan̈ chon̈ab' Hai, te ay smay eb' d'a oval.

Josué 10:4

Cotan̈ec, ochan̈ec ved'oc, scac'an oval yed' chon̈ab' Gabaón, yujto ix yac'och sb'a yed' vin̈aj Josué yed' chon̈ab' Israel, xchib'at vin̈ d'a eb' vin̈.

Josué 18:25

Yic pax 14 chon̈ab' eb' yed' yaldeail, aton Gabaón, Ramá, Beerot, Mizpa, Cafira, Mozah, Requem, Irpeel, Tarala, Zela, Elef, Jebús, aton chon̈ab' Jerusalén, Gabaa yed' Quiriat. Aton lum tic ix yic' eb' yin̈tilal Benjamín.

Josué 9:3

Palta a eb' heveo cajan d'a Gabaón, ayic ix yab'an eb' tas ix ajcan chon̈ab' Jericó yed' Hai yuj vin̈aj Josué chi',

A Ch'an̈ B'ab'el Libro Samuel 17:9

Tato stechaj yac'an oval ved'oc, tato tzin smilchamoc, a on̈ tic ol on̈ ochcan e checab'oc, palta tato a in tzin milcham jun vin̈ chi' jun, a exxo tzex ochcan co checab'oc.