A Ch'an̈ Schab'l Libro Samuel 2:1 - Chuj San Mateo Bible

¹ Ix lajvi chi', ix sc'anb'an vin̈aj David d'a Jehová icha tic: —¿Tom syal in q'uexc'och d'a yol junoc chon̈ab' d'a yol yic Judá? xchi vin̈. Ix tac'vi Jehová chi' d'a vin̈: —Syala', xchi. Ix sc'anb'anpax vin̈: —¿Mach junoc chon̈ab' b'aj syal in c'ochi? xchi vin̈. —A d'a chon̈ab' Hebrón syal a c'ochi, xchi Jehová chi'.

Chuj San Sebastian Bible

¹ Xlajw cha, sc'anb'n David 'a Jehová 'ixtic; —¿Tom tztac' in 'at 'a junc eb' chon̈b' 'ay 'a yol yic Judá? xchi. —N', tztac' a 'ati, xchi Jehová. Yuj cha, sc'anb'n pax David jun 'ejm xo: —¿'Aj 'ay junc chon̈b' 'aj smoj in 'ati? xchi. —A 'a chon̈b' Hebrón tzach 'ati, xchi.

A Ch'an̈ Schab'l Libro Samuel 2:1 ပူးပေါင်းရင်းမြစ်များ

Gn 13:18

Ix lajvi chi' ix yic'anchaan̈ scampamento vin̈aj Abram chi', ix b'at cajnaj vin̈ d'a slac'anil juntzan̈ te' ji d'a yol smacb'en jun vin̈ scuch Mamre d'a slac'anil chon̈ab' Hebrón. Ix sb'oan jun altar vin̈ b'aj syal sb'a d'a Jehová.

Gn 32:2

Ayic ix yilan eb' ángel chi' vin̈, ix yalan vin̈: Scampamento eb' yejército Dios jun tic, xchi vin̈. Yuj chi' Mahanaim ix yac' vin̈ sb'iej jun lugar chi'.

A Ch'an̈ Schab'l Libro Samuel 15:7

Chan̈e' ab'il ix sc'ulej vin̈ icha chi', ix lajvi chi', ix yalan vin̈ d'a vin̈ rey chi' icha tic: —Mamin rey, tzin c'an d'ayach to tzin a chab'at d'a Hebrón, yic vach' tzin c'anab'ajej in ti' vac'nac d'a Jehová.

A Ch'an̈ Schab'l Libro Samuel 2:11

Nan̈al svajxaquil ab'il ix yac' reyal vin̈aj David chi' d'a eb' yin̈tilal Judá d'a chon̈ab' Hebrón.

A Ch'an̈ Schab'l Libro Samuel 5:19

Ix sc'anb'an vin̈aj David chi' d'a Jehová icha tic: —¿Tzam yal vac'an oval yed' eb' filisteo chi'? ¿Ol am ac'och eb' d'a yol in c'ab'? xchi vin̈. Ix tac'vi Jehová chi': —Ixic, ac' oval yed' eb'. A in ol vac'och eb' d'a yol a c'ab', xchi d'a vin̈.

A Ch'an̈ Schab'l Libro Samuel 5:23

Yuj chi' ix sc'anb'ejxi vin̈aj David chi' d'a Jehová. Ix tac'vixi Jehová chi' d'a vin̈: —Man̈ ach c'och d'a sat eb', palta to a d'a spatictac eb' ol ach cotoc. A b'aj ay juntzan̈ te' bálsamo tzach coti.

A Ch'an̈ B'ab'el Libro Yic Yab'ixal Eb' Rey 2:11

40 ab'il ix yac' reyal vin̈ d'a chon̈ab' Israel. Uque' ab'il d'a Hebrón, 33 ab'il d'a Jerusalén.

1 Cr 29:7

Ix laj yac' scolval eb' yic sb'ochaj templo chi': 3 mil 800 quintal q'uen oro, 7 mil 600 quintal q'uen plata, 13 mil 500 quintal q'uen bronce yed' pax 75 mil quintal q'uen hierro, masanil juntzan̈ q'uen chi' ix yac' eb'.

Salmos 143:8

Ac' in nacot a vach'c'olal d'a junjun q'uin̈ib'alil, ina to a ach tzach vac'och yipoc in c'ool. Ch'ox d'ayin tas ol aj in b'eyb'ati, yujto van in lesalvi d'ayach.

Salmos 27:4

Junn̈ej val tas tzin c'an d'a Jehová, aton jun tic tzin nib'ej: To tzin ec' d'a stemplo Dios yacb'an pitzan in yic svil snivanil yelc'och Dios chi', svac'anpaxem in b'a d'ay.

Ez 36:37

A in Jehová Yajal in sval icha tic: Ex yin̈tilal Israel, a tastac ol e c'an d'ayin, ol vac' d'ayex. Ol vac'an q'uib' e b'isul icha tz'aj sq'uib' sb'isul noc' calnel.

Nm 13:22

Ix q'uec'och eb' vin̈ d'a Neguev masanto ix c'och eb' vin̈ d'a Hebrón. Ata' ay schon̈ab' vin̈aj Ahimán, vin̈aj Sesai yed' vin̈aj Talmai, yin̈tilalcan vin̈aj Anac. A chon̈ab' Hebrón chi', uquexo ab'il sb'oi ayic sb'onac chon̈ab' Zoán d'a Egipto.

Nm 27:21

A d'a vin̈aj Eleazar ol yal vin̈, axo vin̈aj Eleazar chi' ol c'anb'an d'ayin yuj vin̈. A inxo Jehová in tic ol val yed' q'uen Urim tas ol yutej sb'a vin̈. Axo vin̈ ol alan d'a eb' chon̈ab' chi' tas ol aj eb', xchi Jehová chi'.

Josué 15:13

Ix yac'an jun macan̈ lum yol smacb'en Judá vin̈aj Josué d'a vin̈aj Caleb yuninal vin̈aj Jefone, icha aj yalan Jehová, aton lum Hebrón ix ac'ji d'a vin̈. A jun chon̈ab' Hebrón chi' schon̈ab' vin̈aj Arba d'a peca'. A vin̈aj Arba chi', a vin̈aj Anac aycan yin̈tilal vin̈.

Jueces 1:1

Ayic toxo ix cham vin̈aj Josué, masanil eb' yetisraelal vin̈ ix c'anb'an d'a Jehová icha tic: ¿Mach junoc macan̈ in̈tilal d'a co cal tic ol b'ab'laj och yac' oval yed' eb' cananeo? xchi eb'.

A Ch'an̈ B'ab'el Libro Samuel 10:22

Yuj chi', ix sc'anb'an eb' d'a Jehová tato ayec' vin̈ ta'. Ix yalani to ayec' vin̈, to ix sc'ub'ejel sb'a vin̈ d'a scal juntzan̈ spa eb'.

A Ch'an̈ B'ab'el Libro Samuel 23:2

ix b'at sc'anb'an yab' vin̈ d'a Jehová icha tic: —¿Tzam in a chab'at vac' oval yed' juntzan̈ filisteo chi'? xchi vin̈. Ix tac'vi Jehová: —Ixic ac' oval, tza colancanel chon̈ab' Keila tic, xchi d'a vin̈.

A Ch'an̈ B'ab'el Libro Samuel 23:4

Yuj chi' ix sc'anb'ejxi vin̈ d'a Jehová. Ix tac'vixi d'a vin̈, ix yalani: —Ixic d'a chon̈ab' Keila chi'. A in ol vac'och eb' filisteo chi' d'a yol a c'ab', xchi.